नेपाल । इन्डियन प्रिमियर लिग (आईपीएल) मा गुजरात टाइटन्सले आरसीबीलाई ८ विकेटले पराजित गर्दै दोस्रो जित निकालेको छ ।
एम चिन्नास्वामी स्टेडियम, बेंगलुरुमा भएको खेलमा गुजरातले रोयल च्यालेन्जर्स बैंगलुरु (आरसीबी) लाई पराजित गरेको हो ।
आरसीबीले दिएको १७० रनको लक्ष्य गुजरातले १७ दशलमव ५ ओभरमा २ विकेटको क्षतिमा भेट्टायो ।...
नेपाल । कार्यवाहक प्रधानमन्त्री प्रकाशमान सिंहले कीर्तिपुरमा निर्माणाधीन क्रिकेट स्टेडियमको सिंहदरबारस्थित आफ्नै कार्यकक्षबाट निरीक्षण गर्नुभएको छ ।
उपप्रधानमन्त्री एवम् सहरी विकास मन्त्रालयको सिंहदरबारस्थित कार्यकक्षबाटै अब दैनिक नियमित निरीक्षण हुने छ। समयमै काम सक्न आठ घण्टाका दरले अहिले तीन सिफ्टमा काम भइरहेको छ।
उपप्रधानमन्त्री सिंहले निर्धारित समयमै सक्ने ढङ्गले काम सक्ने व्यवस्था मिलाउन र कामको गति बढाउनु पर्नेमा जोड दिनुभएको छ । सहरी विकास मन्त्रालयअन्तर्गतको सङ्घीय सचिवालय निर्माण तथा व्यवस्थापन कार्यालयबाट कीर्तिपुर क्रिकेट मैदानमा अन्तर्राष्ट्रिय मापदण्डअनुरूप प्याराफिट निर्माण र फ्लडलाइट जडान गत फागुनमा सम्झौता भई आगामी वैशाख २४ गतेभित्र सम्पन्न गर्नेगरी काम भइरहेको छ ।
सहरी विकास मन्त्रालयका सचिव गोपाल सिग्देलले निर्धारित समयमै निर्माण सक्ने गरी काम भइरहेको र अब नियमित रूपम...
नेपाल । कोलकाता नाइट राइडर्सलाई पराजित गर्दै पाँचपल्टको च्याम्पियन मुम्बई इन्डियन्सले इन्डियन प्रिमियर लिग आइपिएलमा पहिलो जित निकालेको छ।
सोमबार राति सम्पन्न खेलमा मुम्बई आठ विकेटले विजयी भएको हो । मुम्बई यसअघि चेन्नई सुपर किङ्ससँग चार विकेट र गुजरात टाइटन्ससँग ३६ रनको पराजित भएको थियो ।
कोलकाताले दिएको ११७ रनको लक्ष्य पछ्याएको मुम्बईले १२ दशलमव ५ ओभरमा दुई विकेट गुमाउँदै १२१ रन बनायो ।
...
नेपाल । भारतको दिल्ली यु-१९ विरुद्ध तीन खेलको अभ्यास सिरिज नेपालले एक खेल अगाडि जितेको छ ।
वीरगन्जको नारायणी क्रिकेट मैदानमा जारी सिरिजको दोस्रो खेलमा बिहीबार नेपाल एक सय दुई रनले विजयी भयो । यसअघि मङ्गलाबार भएको पहिलो खेलमा नेपालले दिल्लीलाई पाँच विकेटले हराएको थियो ।
यससँगै सिरिजमा नेपालले २–० को अग्रता लिएको छ । सिरिजको अन्तिम खेल शनिबार हुने छ । जितका लागि नेपालले दिएको एक सय ९३ रनको लक्ष्य पछ्याएको दिल्लीले ३०।४ ओभरमा सबै विकेटको क्षतिमा ९० रन मात्र बनाउन सकेको थियो ।
...
अमेरिका । अर्जेन्टिनाले दक्षिण अमेरिकी छनोट खेलमा बलियो प्रतिद्वन्द्वी ब्राजिलमाथि सानदार जित निकालेको छ ।
घरेलु मैदानमा मङ्गलबार राति भएको खेलमा अर्जेन्टिनाले ब्राजिललाई ४–१ गोलले हरायो । अर्जेन्टिनाको जितमा जुलियन अल्भारेज, एन्जो फर्नान्डेज, एलेक्सिस म्याक एलिस्टर र जिउलियानो सिमोनले गोल गर्नुभयो ।
ब्राजिलका म्याथियस कुन्हाले सान्त्वना गोल फर्काउनुभयो । यस खेलमा घाइते बन्नुभएका लियोनल मेस्सी र ब्राजिलका नेयमारले खेल्नुभएको थिएन । केही समयअघि मात्र अमेरिकी छनोटमा उरुग्वे र बोलिभियाले गोलरहित बराबरी खेलेपछि शीर्षस्थानमा रहेको अर्जेन्टिना विश्वकप यात्रा सुनिश्चित बनेको थियो ।
सन् २०२६ मा अमेरिका, मेक्सिको र क्यानाडाले संयुक्त रुपमा आयोजना गर्न लागेको विश्वकपमा दक्षिण अमेरिकी देशबाट छनोट हुने अर्जेन्टिना पहिलो देश हो । जितसँगै शीर्षस्थानमा रहेको अर्जेन्टिनाले १४ खेलबाट ३१ अङ्क बनाएको छ ।
...
नेपाल । अखिल नेपाल फुटबल संघ (एन्फा) ले पूर्वअध्यक्ष गणेश थापालाई कारबाही गर्न फिफादेखि विभिन्न निकायमा पत्राचार गर्ने निर्णय गरेको छ ।
एन्फाको मङ्गलबार सम्पन्न कार्यसमिति बैठकले फिफाबाट भष्ट्राचार अभियोगमा १० वर्ष प्रतिबन्धमा पर्नुभएका पूर्वअध्यक्ष थापाले फिफाको निर्देशन उल्लङ्घन गरेको र फुटबलको हितविपरित अन्य गतिविधि गर्दै आएको भन्दै छानबिन गरि कारबाही गर्नका लागि फिफासँगै एसियन फुटबल महासंघ(एएफसी) अख्तियार दुरुपयोग अनुसन्धान आयोग, नेपाल प्रहरी तथा संघको न्यायिक निकायहरुमा आवश्यकता अनुसार पत्राचार गर्ने निर्णय गरेको हो ।
यस्तै एन्फा बैठकले आगामी वर्ष २०८१–२०८२ को अनुमानित बजेट एक अर्ब ५६ करोड ३२ लाख हुने निर्णय गरेको छ । उक्त निर्णय एन्फाको आगामी वैशाख २६ गते हुने साधारण सभामा पेश गर्ने निर्णय गरेको छ ।
...
नेपाल । एएफसी एसिएन कप छनोट-२०२७ अन्तर्गत अन्तिम चरणको छनोट खेलमा नेपाल मलेसियासँग पराजित भएको छ ।
मलेसियाको ब्राहिम सुल्तान स्टेडियममा मङ्गलबार राति भएको खेलमा नेपाल मलेसियासँग २–० गोलले पराजित भएको हो । मलेसियाले पहिलो र दोस्रो हाफमा एक एक गोल गरेको थियो ।
मलेसियाको जितमा हेक्टर हेभेलले २९औँ र लाभेरे कोर्विन ओङले ७१औँ मिनेटमा गोल गर्नुभएको हो । नेपालले मध्यभागमा औसत प्रदर्शन गरेपनि गोल फर्काउन सकेन ।
समूह ‘एफ’ अन्तर्गत नेपालले एसियन कप छनोटको तेस्रो चरणमा मलेसिया, भियतनाम र लाओससँग होम एन्ड अवेका आधारमा खेल्नेछ । समूहको शीर्षस्थानमा रहेने टोलीले एसियन कप खेल्नेछ ।...
नेपाल । भारतको दिल्ली यु–१९ विरुद्ध पहिलो अभ्यास खेलमा नेपाली युवा टोली विजयी भएको छ । वीरगन्जको नारायणी क्रिकेट मैदानमा मङ्गलबार भएको खेलमा नेपालले दिल्लीलाई पाँच विकेटले हरायो ।
जितसँगै नेपालको तीन खेलको सिरिजमा १–० को अग्रता लिएको छ । जितका लागि दिल्लीले दिएको ९६ रनको लक्ष्य नेपालमा ३१ ओभरमा पाँच विकेटको क्षतिमा पूरा गरेको थियो ।
नेपालका लागि अमर मिश्रले सर्वाधिक २७ रन बनाउनुभयो । रोशन विश्वकर्माले अविजित २५, कप्तान नरेन भट्टले १८ र सिब्रिन श्रेष्ठले १७ रन बनाउनुभयो । बलिङमा दिल्लीका अमन चौधरीले दुई तथा क्रिरित कौशिक, कप्तान रौनक वेग्हेला र शुवम दुबेले एक एक विकेट लिनुभयो ।
यसअघि टस जितेर पहिले ब्याटिङ रोजेको दिल्लीले २३।२ ओभरमा सबै विकेटको क्षतिमा ९५ रन बनाएको थियो । दिल्लीका लागि साथक पालले सर्वाधिक २९ रन बनाउनुभयो । यस्तै शान्तानु यादव र आदित्य भण्डारीले १३र१३, अतुल्य पाण्डेले ११ ...
नेपाल । युगान्डामा जारी महिला टी-२० अन्तर्राष्ट्रिय क्रिकेट सिरिजको पाँचौँ खेलमा नेपाल घरेलु टोली युगान्डासँग ४० रनले पराजित भएको छ ।
युगान्डाको एन्टेबे क्रिकेट मैदानमा बिहीबार जितका लागि ९२ रनको लक्ष्य पछ्याएको नेपाल १७.१ ओभरमा सबै विकेटको क्षतिमा ५१ रनमा समेटियो ।
नेपालका लागि कविता जोशीले १२, कप्तान इन्दु बर्माले ११, अलिसा यादवले नौ र पुजा महतोले सात रन बनाउनुभयो । पाँचजना खेलाडीले रनको खाता खोल्न सकेनन् । बलिङमा युगान्डाकी इमाकेलेट नाकीचुई र इरेनी मुन्टोनीले तीन तीन तथा कोनी अवेको, जेनिति माबाजीले एक एक विकेट लिनुभयो ।
यसअघि टस जितेर पहिले ब्याटिङ गरेको युगान्डाले निर्धारित २० ओभरमा पाँच विकेटको क्षतिमा ९१ रन बनाएको थियो । युगान्डाका लागि रिथ मुसामालीले सर्वाधिक ३८ रन बनाउनुभयो । यस्तै इस्थर इलुकुले २२ र स्टेफिनी नामपिनाले अविजित १३ रन जोड्नुभयो ।
बलिङमा नेपालकी रिया शर्माल...
नेपाल (हेटौंडा) । हेटौडा भेट्रान्स क्लबको आयोजनामा गत फागुन २२ गते देखी सुरु भएको दसौँ राष्ट्रिय हेटौँडा भेट्रान्स कप एट ए साइड रनिङ शिल्ड फुटबल प्रतियोगिताको उपाधि किङकम भेट्रान्स काठमाण्डौले जितेको छ ।
फाइनल खेलमा फ्रिडम फाइटर भेट्रान्स काठमाण्डौलाई ट्राईब्रेकरमा पराजित गर्दै किङकम भेट्रान्सले नगद एक लाख ५० हजार पाँचसय पचपन्न रुपैयाँको राशि हात पार्न सफल भएको प्रतियोगीता संयोजक मणिराज गौतमले बताउनु भयो ।
द्वितिय हुन सफल फ्रिडम फाईटर भेट्रान्सले नगद ७५ हजार ५ सय ५५ रुपैयाँ र शिल्ड प्राप्त गरेको संयोजक गौतमले बताउनु भयो ।
समापन समारोहमा नगरप्रमुख लामा संगै शिक्षाविद् पूरण बहादुर जोशी,एन्फाका केन्द्रीय सदस्य टिका लामा, हेटौडा उपमहानगरपालिकाका वडा नम्बर ४ अध्यक्ष नवीन सिग्देल,वडा नम्बर ५ अध्यक्ष सुशील घिमिरे,वडा नम्बर ६ अध्यक्ष विष्णु बहादुर दाहाल,वडा नम्बर ७ अध्यक्ष दामोदर गौतम,वडा नम्बर...
