अन्तराष्ट्रिय/प्रवास

नेपाल । भारतको लोकसभा अर्थात् तल्लो सदनका लागि भएको निर्वाचनको मतगणना मंगलबार हुँदैछ । ४५ दिन लगाएर केन्द्रशासितसहित २८ राज्यमा चुनाव भएको हो । १९ अप्रिलबाट प्रारम्भ भएको मतदान सात चरणमा गरी १ जुनमा सकिएको थियो । मतगणना अनुसार स्थानीय समयानुसार बिहान ८ बजेदेखि सुरु हुनेछ । ​ लोकसभाको कुल ५४३ स्थानका लागि सात चरणमा मतदान भएको थियो । मतगणना आरम्भ हुनुभन्दा अघि कैयौँ विपक्षी दलले धाँधली हुने आशङ्का व्यक्त गर्दै विद्युतीय मतदान उपकरण ईभीएमबारे चिन्ता व्यक्त गरेका छन् । सत्तारुढ भारतीय जनता पार्टीले तेस्रोपटक केन्द्रमा जितका लागि पूरा शक्ति लगाएर चुनावी मैदानमा उत्रिएको थियो। प्रधानमन्त्री नरेन्द्र मोदी लगातार तेस्रोपटक प्रधानमन्त्री बन्न प्रयासरत छन् । यसपटक जिते भारतका प्रथम प्रधानमन्त्री जवाहरलाल नेहरुपछि मोदी लगातार तेस्रोपटक प्रधानमन्त्री हुने व्यक्ति हुनेछन् । कांग्रेस नेता...

अमेरिका । प्रवासी नेपाली मञ्च अमेरिकाको दोस्रो साधारण सभा सात बुँदे घोषणा पत्र जारी गर्दै सम्पन्न भएको छ । ‘सबल प्रवासी, समृद्ध नेपाल, सुखी नेपाली’ भन्ने मूल नाराका साथ मे २५ र २६ तारिख अमेरिकाको क्यालिफोर्निया राज्यको लस एन्जलसमा आयोजना गरिएको साधारण सभा सम्पन्न भएको हो। साधारण सभामा अमेरिकाको विभिन्न १५ राज्यहरुबाट साधारण सभामा भाग लिन लस एन्जलस पुगेका र स्थानीयहरु गरी करिब तीन सयको उपस्थिति रहेको आयोजकले जनाएको छ । प्रनेम, अमेरकाका सचिव छवि पाण्डेले सञ्चालन गरेको कार्यक्रमका प्रमुख अतिथि, अतिथि, सदस्य तथा सहभागीहरुलाई साधारण सभा मूल ब्यवस्थापन समितिको तर्फबाट क्यालिफोर्निया राज्य कमिटीका अध्यक्ष चिरंजीवी गौतमले स्वागत गरेका थिए । प्रनेम अमेरिकाका अध्यक्ष कृष्ण लामिछानेको अध्यक्षता रहेको कार्यक्रममा, पूर्व परराष्ट्र मन्त्री एवम् नेकपा एमालेका उपमहासचिव प्रदीप ज्ञवालीको प्रमुख आतिथ्यता...

अमेरिका । बेल्जियममा तेस्रो खाना महोत्सव (फूड फेस्टिवल) सम्पन्न भएको छ । नेपाली व्यवसायी संघ बेल्जियमको आयोजनामा शनिबार लुभेन सहरमा फूड फेस्टिवल सम्पन्न भएको हो । नेपालका विभिन्न भेगमा खाइने थरीथरीका खानाका परिकारहरूसहित १४ वटा खानाका स्टलहरु राखिएको थियो । हस्तकलाका सामग्रीलाई व्यवस्थित अन्तर्राष्ट्रिय बजार प्रवर्द्धन गर्ने उद्देश्यले दुईवटा स्टलहरु सजाइएको थियो । खाना महोत्सवको उद्घाटन लुभेन नगरपालिका मेयर मोहमद रुद्वानीले गरेका थिए । बेल्जियमका लागि नेपाली राजदूत गेहेन्द्रराज भण्डारी पनि कार्यक्रममा सहभागी थिए । १५ भन्दा बढी देशका राजदूतहरुसहित बेल्जियम तथा युरोपियन युनियनका अधिकारीहरुले पनि फेस्टिवलको अवलोकन गरेका थिए । नेपाली व्यवसायी संघ बेल्जियमका अध्यक्ष चिरनकुमार खवासले नेपाली खानालाई विश्वमाझ चिनाउन र नेपाली पहिचान झल्कने यस्ता कार्यक्रमलाई निरन्तरता दिने बताए । ५ हजारभन्दा ब...

एजेन्सीहरु । बेलायतका प्रधानमन्त्री ऋषि सुनकले देशमा आमनिर्वाचन हुने घोषणा गरेका छन् । बुधबार प्रधानमन्त्री सुनकले संसद भंग गर्ने सिफारिस राजाले स्वीकृत गरेको बताउँदै आगामी जुलाई ४ मा आमनिर्वाचनको घोषणा गरेका हुन् । बेलायतको सत्तारुढ कन्जरभेटिभ्स पार्टीका सांसदहरूले प्रधानमन्त्री सुनकलाई हटाउन खोजेपछि उनले निर्वाचनको घोषणा गरेको अन्तर्राष्ट्रिय सञ्चारमाध्यम बीबीसीले उल्लेख गरेको छ । अब अर्को साता संसद विघटन हुँदैछ र त्यसपछि निर्वाचन प्रक्रिया सुरु हुने बेलायती मिडियाले उल्लेख गरेका छन् । बेलायतको सत्तारुढ कन्जरभेटिभ पार्टीका सांसदहरुले प्रधानमन्त्री सुनकलाई हटाउन खोजेपछि उनले निर्वाचनको घोषणा गरेको मिडिया रिपोर्टमा उल्लेख गरिएको छ । हालका प्रधानमन्त्री रहेका सुनक भारतीय मुलका नागरिक हुन् । ...

अमेरिका (बोस्टन) । विश्वमा शान्तिको महत्व दिनानुदिन बढ्दै गइरहेको छ। नेपालको लुम्बिनीमा जन्मिएका महात्मा बुद्धलाई विश्वकै शान्तिका अग्रदूत मानिन्छ । जसले जगतलाई शान्ति प्राप्त गर्ने अमूल्य ज्ञान र दर्शन दिएर गए । उनै महात्माको स्मरण विशेष गरी बैशाख शुक्ल पूर्णिमाका दिन वा त्यस दिन अघि पछि गर्ने गरिन्छ । हरेक वर्ष बैशाष शुक्ल पूर्णिमाका दिन बुद्ध जयन्ती पर्दछ । यस वर्ष २०८१ साल जेठ १० गते अर्थात सन् २०२४, मे २३ तारिख बिहिबार बुद्ध जयन्ती परेको छ । यसै अवसरमा विविध कार्यक्रमहरु गरेर बुद्ध जयन्ती विश्वभर मनाइदै छ । यसै अवसरमा, अमेरिकाको बोस्टनमा २५६८औं बुद्ध जयन्ती भव्यताका साथ मनाउने तयारी गरिएको छ। हरेक वर्ष झै यस वर्ष पनि बुद्ध जयन्ती भव्यताका साथ मनाउने तयारी गरिएको हो । पशुपतिनाथ बुद्ध फाउण्डेशन अफ न्यू इंग्ल्याण्ड (प्याब्फोन) र ग्रेटर बोस्टन नेपाली कम्युनिटी (जिबिएनसि) संयुक्त आयोजना र...

अमेरिका (बोस्टन) अमेरिकाको बोस्टन सहरमा हुनगइरहेको नेपाल अमेरिका पत्रकार संघ (नेजा) को १७औं साधारण सभाको तयारी अन्तिम चरणमा पुगेको छ । साधारण सभालाई भव्यताकासाथ सफल बनाउन आवश्यक पर्ने सम्पूर्ण तयारीहरु अन्तिम चरणमा पुगेको नेजाका उत्तर–पूर्व क्षेत्रीय संयोजक एवम् १७औं साधारण सभा मूल आयोजक समितिका संयोजक सुपेन्द्र बस्नेतले जनाएका छन् । उक्त साधारण सभा यही आउदो मे २५ र २६, २०२४ (शनिबार र आइतबार) मा 594 Washington Street, Braintree, MA- 02184 स्थित प्रवासी नेपालीहरुको संस्था ‘पशुपतिनाथ बुद्ध फाउण्डेशन अफ न्यू इङल्याण्ड(प्याब्फोन-PABFONE)को सामुदायिक भवनमा हुनगइरहेको छ । कार्यक्रम तालिका असार मे २५ तारिख शनिवार साँझ ५ बजे साधाण सभाको उद्घान गर्ने गरी आवश्यक तयारी गरिएको छ । तयारीका सम्बन्धमा जानकारी दिदै संयोजक बस्नेतले भने, ‘साधारण सभाको सम्पूर्ण तयारी अन्तिम चरणमा पुगेको छ । साधारण सभाला...

एजेन्सीहरु । इरानी राष्ट्रपति इब्राहिम रइसी, विदेशमन्त्री हुसेन अमिर अब्दुल्लाहियानका साथै नौ जनाको हेलिकप्टर दुर्घटनामा मृत्यु भएको हो । दुर्घटनाग्रस्त हेलिकोप्टर अजरबैजानको पहाडमा भेटिएको थियो । हेलिकोप्टर आइतबार बेलुकी ७ बजे अजरबैजान आसपासबाट बेपत्ता भएको थियो । रातभर गरिएको खोजतलासपछि हेलिकोप्टर दुर्घटनाग्रस्त अवस्थामा भेटिएको हो ।...

बेलायत । बेलायतमा २५६८ औं बुद्ध जयन्ती मनाउने तयारी गरिएको छ । बुद्ध फाउण्डेशन यूकेले पत्रकार सम्मेलनको आयोजना गर्दै २ जुन आइतबार २५६८ औं बुद्ध जयन्ती मनाइने जानकारी दिएको हो । वुल्लीचको जनरल गोर्डन स्क्वायरमा आयोजना हुने सो कार्यक्रमको तयारी सुरु भएको संस्थाका अध्यक्ष दिपक श्रेष्ठले जानकारी दिए । श्रेष्ठले नेपाल पर्यटन प्रवर्धन गर्ने उद्देश्यले सो कार्यक्रमको आयोजना गर्न लागिएको बताए । दिउसो २ देखि सांझ ७ बजेसम्म हुने कार्यक्रममा नेपाली संस्कृति झल्किने नृत्य तथा झाँकीहरु प्रस्तुति रहनेछ । पत्रकार सम्मेलनमा कार्यक्रम फाउण्डेशनकी उपाध्यक्ष प्रसुना कँडेलले कार्यक्रमले शान्तिको सन्देश फैलाउने एवं नेपाल र नेपाली कला संस्कृति प्रवर्धन गर्न देवा पुग्ने बताइन् । पत्रकार सम्मेलनमा सल्लाहकारहरु विनोद ज्ञवाली, फडिन्द्र भट्टराई र आरके त्रिपाठी, इनास यूके अध्यक्ष सन्जय कंडेल, जनजाति महासंघ यूके अ...

नेपाल (एजेन्सी) । युरोपेली मुलुक स्लोभाकियाका प्रधानमन्त्री रोबेर्टो फीट्सोमाथि गोली चलाइँदा उनी घाइते भएका स्थानीय सञ्चारमाध्यमहरूले जनाएका छन् । गम्भीर अवस्थामा उनको उपचार भइरहेको विवरणहरूमा जनाइएको छ। हमलालाई कतिपयले हत्या प्रयास भनिरहेका छन्। ह्यान्डलोभा शहरस्थित एउटा सामुदायिक सांस्कृतिक केन्द्रअगाडि उपस्थित मानिसहरूलाई अभिवादन गर्दै गर्दा फीट्सोमाथि गोली प्रहार गरिएको थियो । विवरणहरूमा जनाइएअनुसार उक्त सांस्कृतिक केन्द्रमा एउटा सरकारी बैठक भएको थियो । सुरक्षाकर्मीहरूले फीट्सोलाई नजिकै रहेको एउटा कारभित्र लग्नुअघि थुप्रै राउन्ड गोली चलेका आवाज सुनिएको थियो । घटनामा घाइते भएका प्रधानमन्त्रीलाई अस्पताल पुर्‍याइएको छ भने आरोपित हमलाकारीलाई प्रहरीले पक्राउ गरेका छन् । (–बीबीसीबाट) ...