अन्तराष्ट्रिय/प्रवास

अमेरिका । प्रवासी नेपाली मञ्च दक्षिण कोरिया बुसान क्षेत्रीय कमिटीको सातौं अधिवेशन सम्पन्न भएको छ । यही डिसेम्बर १५ तारिक सम्पन्न सातौं अधिवेशनले सर्वसम्मत रुपमा शिव विश्वकर्माको अध्यक्षतामा ११ सदस्यीय नयाँ कार्यसमिति चयन गरेको छ । कार्यसमितिको उपाध्यक्षमा तेजु गुरुङ, सचिवमा धनन्जय न्यौपाने र उपसचिवमा सुमन अधिकारीलाई चयन गरेको छ । यसैगरी सदस्यहरुमा अञ्जु गुरुङ, उत्सव चौधरी, अजय गुरुङ, जीवन तामाङ, केपी जोशी, सागर पराजुली र बद्री पौडेल चयन हुनुभएको छ । प्रवासी नेपाली मञ्च अन्तराष्ट्रिय कमिटीका सदस्य तथा दक्षिण कोरिया इञ्चार्ज डा. सन्जु पौडेलको प्रमुख अतिथ्य र दक्षिण कोरिया राष्ट्रिय कमिटीका अध्यक्ष अन्जन कुलुङ राईको बिशेष अतिथ्यमा सम्पन्न अधिवेशनमा दक्षिण कोरियामा रहेका नेपालीहरुको बाक्लो उपस्थिति रहेको थियो ।...

अमेरिका । अमेरिकाको विस्कन्सिन राज्यको म्याडिसनस्थित एक विद्यालयमा गोली चल्दा तीन जनाको मृत्यु भएको छ। गोली लागेर ६ जना घाइते भएका छन् । म्याडिसनस्थित एम्बुडेन्ट लाइफ क्रिश्चियन विद्यालयमा गोली प्रहारको घटना भएको हो। घाइते ६ मध्ये दुई विद्यार्थीको अवस्था गम्भीर बीबीसीले जनाएको छ । उनले गोली किन चलाए भन्ने खुल्न बाँकी रहेको र छानबिन सुरू गरिएको प्रहरीले जनाएको छ । उक्त विद्यालयमा करिब चार सय विद्यार्थी अध्ययनरत छन् । ...

अमेरिका । गैरआवासीय नेपाली संघ (एनआरएनए) को १२औं महाधिवेशनको तयारी शुरु भएको छ । यसैक्रममा आगामी कार्यकाल २०२५–२०२७ को लागि राष्ट्रिय समिति (एनसीसी) को सदस्यता वितरण प्रक्रिया शुरू गरिएको छ । एनआरएनएले आगामी जुलाई २०२५ भित्र राष्ट्रिय समितिको निर्वाचन सम्पन्न गर्ने योजना बनाएको छ। त्यस्तै, अक्टोबर २०२५ मा अन्तर्राष्ट्रिय समन्वय परिषद् (आइसीसी) को १२ औं महाधिवेशन र निर्वाचन पनि गर्नुपर्ने वैधानिक व्यवस्था रहेको संघले जनाएको छ । गत अक्टोबर २०२३ मा सम्पन्न ११औं महाधिवेशनबाट निर्वाचित अन्तर्राष्ट्रिय समन्वय परिषद्को कार्यसमितिलाई सर्वोच्च अदालतले वैधता दिएको थियो । त्यसपछि १२औं महाधिवेशनको तयारी थालिएको हो ।  ...

अमेरिका । तमु धीं यूकेको अध्यक्षमा जुमकाजी गुरुङ सर्वसम्मत चयन हुनुभएको छ । तमु धिं भवन मिचेटमा शनिबार सम्पन्न २४औँ वार्षिक साधारणसभा तथा १३औँ महाधिवेशनबाट अध्यक्षमा जुमकाजी गुरुङ र आमा समूहको अध्यक्षमा कमलादेवी गुरुङ निर्विरोध चयन हुनुभएको हो । अध्यक्षलगायतमा एकल उम्मेदवारी परेकाले उहाँहरु निर्विरोध निर्वाचित हुनुभएको निर्वाचन मण्डलका संयोजक एकेन्द्र गुरुङले जानकारी दिनुभयो । जुमकाजीसहित २९ जना निर्विरोध निर्वाचित भएका हुन् । समितिको उपाध्यक्षमा परशु गुरुङ, कमल गुरुङ, दिलमाया गुरुङ, तथा महासचिवमा डा विशाल गुरुङ चयन हुनुभएको छ । त्यसैगरी कमलादेवीको नेतृत्वमा २८ सदस्यीय आमा समूह निर्वाचित भएको छ । नवनिर्वाचित कार्यसमितिले शनिबार नै पद तथा गोपनीयताको शपथ लिएको छ । नयाँ कार्यसमितिको कार्यकाल दुई वर्षको रहने व्यवस्था छ । यो समूहले यही २८ डिसेम्बरबाट औपचारिक रुपमा जिम्मेवारी लिनेछ ।...

अमेरिका । दक्षिण कोरियाका राष्ट्रपति युन सुक योल निलम्बनमा परेका छन् । संसदबाट महाअभियोग पारित भएसँगै युन राष्ट्रपति पदबाट निलम्बित भएका छन्। दक्षिण कोरियामा सैनिक शासन लगाउँदै ‘मार्सल ल’ लगाएको आरोपमा राष्ट्रपति युनलाई संसद्ले महाअभियोग लगाएको हो । उनको निलम्बनपछि प्रधानमन्त्री हान डक सो कार्यवाहक राष्ट्रपति बनेका छन् ।...

अमेरिका । गैरआवासीय नेपाली संघ, राष्ट्रिय समन्वय परिषद् (एनसीसी) इजरायलद्वारा आयोजित खुल्ला वक्तृत्वकला प्रतियोगितामा क्यानडाबाट सहभागी रोचना घिमिरेले उत्कृष्ट प्रस्तुति दिंदै प्रथम पुरस्कार जित्नुभएको छ । १४ डिसेम्बर २०२४ शनिबार आयोजित प्रतियोगितामा प्रथम पुरस्कार हासिल गर्दै उहाँले रु २ लाख नगद पुरस्कार प्राप्त गर्नुभएको छ । यस्तै पोल्यान्डबाट सहभागी जस्मिन बेगनले दोस्रो स्थान हासिल गर्दै रु १ लाख पुरस्कार प्राप्त गर्नुभएको छ । तेस्रो स्थान हासिल गर्दै रसियाबाट सहभागी समिरा केसीले रु ५० हजार नगद पुरस्कार प्राप्त गर्नुभयो । प्रतियोगितामा जापानबाट सहभागी एरिका सापकोटाले सान्त्वना पुरस्कार नगद रु ३० हजार जित्नुभएको छ । प्रतियोगितालाई दुई उमेर समूहमा (१७ वर्षसम्मका र १८ देखि ४० वर्षसम्मका) विभाजन गरी सञ्चालन गरिएको थियो । निर्णायक मण्डलमा गैरआवासीय नेपाली संघका पूर्व अध्यक्ष तथा साहित्यकार...

अमेरिका । गैरआवासीय नेपाली संघका अध्यक्ष डा. बद्री केसीले गैरआवासीय नेपाली नागरिकताको कार्यान्वयनका लागि पुनःसरकारको ध्यानाकर्षण गराउनुभएको छ । परराष्ट्र मन्त्रालयका कामु सचिव अमृतबहादुर राईलाई शुक्रबार (मंसिर २८ गते) पत्र बुझाउँदै गैरआवासीय नेपाली नागरिकता जारी भइसकेको अवस्थामा पनि कार्यान्वयनमा भइरहेको ढिलाईले संविधानले प्रदान गरेको आर्थिक सामाजिक तथा सांस्कतिक अधिकारको उपभोग गर्नबाट वञ्चित भएको उल्लेख गर्नुभयो । भेटमा अध्यक्ष डा केसीले भन्नुभयो, ‘गैरआवासीय नेपाली नागरिकता जारी भईसकेको तर हाल यसको प्रयोगमा विभिन्न कानूनी जटिलता रहेको हुनाले यस सम्बन्धी कानून निर्माण गर्नका लागि यस मन्त्रालयबाट समेत सहजीकरण गरिदिनु पर्यो ।’ जवाफमा कामु सचिव राईले गैरआवासीय नेपाली नागरिकता जारी हुनुअघि नै त्यसको कार्यान्वयनको लागि आवश्यक कानून निर्माण नभएकोले समस्या भएको बताउनुभयो । उहाँले भन्नुभयो, वास...

अमेरिका । नेपाल पत्रकार महासंघले अमेरिकामा शाखा खोल्ने भएको छ । लामो समयदेखि चर्चामा रहेको यस विषयलाई टुङ्गोमा पुर्याउन महासंघले तयारीलाई तिब्रता दिएको हो । अमेरिकामा रहेका नेपाली भाषी पत्रकारहरुलाई समेटेर महासंघले शाखा खोल्न लागेको जनाइएको छ। महासंघले अमेरिकामा आफ्नो शाखा खोल्ने कार्यभारसहित महासंघका पूर्व केन्द्रीय सदस्य आङछिरिङ शेर्पालाई तदर्थसमितिको संयोजकमा मनोनित गरेको छ । महासंघले शेर्पालाई संयोजक तोकेसंगै महासंघको विधान अनुसार सदस्यता वितरण गरी तीन महिना भित्र अमेरिका शाखाको प्रथम अधिवेशन गराउन जिम्मेवारीसमेत सुम्पेको छ । नेपाल पत्रकार महासंघका कार्यवाहक अध्यक्ष बाला अधिकारीद्वारा हस्ताक्षरित पत्रमा मनोनित संयोजक शेर्पालाई महासंघको केन्द्रीय कार्यालयसंग समन्वय गरी आफ्नो जिम्मेवारी पूरा गर्न निर्देशन दिएको छ। अमेरिकामा महासंघको शाखा खोल्ने तयारी निकै अघिदेखि नै भइरहेको भएतापनि, श...

अमेरिका । दक्षिण कोरियाली राष्ट्रपतिमाथि सोमबार यात्रा प्रतिबन्ध लगाइएको छ । दक्षिण कोरियाको न्याय मन्त्रालयले राष्ट्रपति युन सुक योललाई सैनिक शासनको घोषणा गरेको आरोपमा प्रहरीले अनुसन्धान गरिरहेको भन्दै यात्रा प्रतिबन्ध लगाएको जनाएको हो । संसदीय सुनुवाइमा एक सांसदले सैनिक शासन घोषणा गरेर विद्रोहको नेतृत्व गरेको आरोप लागेका युनलाई देश छोड्न प्रतिबन्ध लगाइएको हो भनी गरिएको प्रश्नमा न्याय मन्त्रालयका अध्यागमन सेवा आयुक्त बे साङ–अपले भन्नुभयो,‘हो, यो सही हो ।’...

नेपाल । अमेरिकाका दक्षिण तथा मध्यएशिया हेर्ने सहायक विदेशमन्त्री डोनाल्ड लू दुई दिने नेपाल भ्रमण सकेर सोमबार स्वदेश फर्किएका छन् । भ्रमणका क्रममा उनले नेपाली कांग्रेसका सभापति एवं पूर्वप्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’, उपप्रधानमन्त्री तथा अर्थमन्त्री विष्णुप्रसाद पौडेललगायतसँग शिष्टाचार भेटवार्ता गरी द्विपक्षीय आपसी हितका विविध विषयमा छलफल गरेका थिए। सहायक विदेशमन्त्री लूले अन्तरराष्ट्रिय एकीकृत पर्वतीय विकास केन्द्रसँगको लैङ्गिक समानता र समताको कार्ययोजना अनुदानको औपचारिक शुरुआत कार्यक्रम र अमेरिकी दूतावास युवा परिषद्सँगको अन्तरक्रियामा समेत सहभागिता जनाए । उनले सञ्चारकर्मीसँगको अन्तरक्रियामा नेपाल–अमेरिका सम्बन्धमा विविध आयाम बारे चर्चा गर्दै अमेरिकी सहयोग मिलेनियम च्यालेन्ज कर्पोरेसन (एमसिसी) परियोजनाको क...