अन्तराष्ट्रिय/प्रवास

अमेरिका । बुधबार गैरआवासीय नेपाली संघ (एनआरएनए) का अभियन्ताहरुको एक प्रतिनिधिमण्डलले उपप्रधान तथा अर्थमन्त्री विष्णु पौडेल र गृहमन्त्री रमेश लेखकसँग भेटघाट गरेको छ । संघका संस्थापक अध्यक्ष डा.उपेन्द्र महतोको नेतृत्वमा भएको टोली नवनियुक्त अर्थमन्त्री पौडेल र गृहमन्त्री लेखकलाई कार्यकालको सफलताको शुभकामना दिएको छ । भेटघाटको क्रममा गैरआवासीय नेपाली नागरिकताको कार्यान्वयन, गैरआवासीय नेपालीहरुको लगानी तथा गैरआवासीय नेपाली संघको अभियानको सुदृढ़ीकरण लगायतका विषयमा छलफल भएको थियो । त्यस्तै सो टोलीले गैरआवासीय नेपाली नागरिकताको कार्यान्वयनको लागि आग्रह गरेको थियो । भेटघाटमा गैरआवासीय नेपाली नागरिकताको विषयमा विशेष छलफल भई तत्काल कार्यान्वयनमा लैजानेगरी कानूनी प्रावधान मिलाउने प्रतिबद्धता गृहमन्त्री लेखकले गरेका थिए । ...

अमेरिका । अमेरिकी राष्ट्रपति चुनाव दौडमा रहेका पूर्वराष्ट्रपति डोनाल्ड ट्रम्पले आफ्ना उपराष्ट्रपतिमा चर्चित लेखक तथा सिनेटर जेडी भेन्सलाई छानेका छन् । ओहिओ राज्यका सिनेटर तथा हिलबिली एलिजी र अ रेलिभेन्ट फेथः सर्चिङ फर मिनिङफुल अमेरिकन जस्ता चर्चित किताब लेखेका लेखक जेडी भेन्सलाई ट्रम्पले चुनेका हुन् । अमेरिकाको विस्कन्सिन राज्यमा हुने रिपब्लिकन पार्टीको राष्ट्रिय सम्मेलनको दौरानमा यस्तो घोषणा गरिएको रुसी विश्व च्यानल आरटीले उल्लेख गरेको छ । भेन्सले मरिन क्रप्समा जोडिएर इराकी युद्ध रिपोर्ट पनि गरेको अनुभव लिएका छन् । उनी सन् २०२३ मा ओहियोका सिनेटर भएका थिए । भेन्स सन् २०१६ मा ट्रम्पका आलोचना थिए भने पछि उनको पक्षमा लागेका थिए ।...

–सुपेन्द्र बस्नेत (अमेरिका) । गैरआवासीय नेपाली संघ, राष्ट्रिय समन्वय परिषद् (एनआरएनए, एनसिसी), अमेरिकाको १३औँ साधारण सभा तथा चौथो ज्ञान सम्मेलन सम्पन्न भएको छ । गत जुलाई १३ र १४ तारिख (शनिबार र आइतबार) का दिन मेरिल्याण्ड राज्यको बाल्टिमोरस्थित Holiday Inn Express Towson मा आयोजित साधारण सभा तथा ज्ञान सम्मेलन विविध विषयहरुमा महत्त्वपूर्ण निर्णयहरु गर्दै सम्पन्न भएको हो । साधारण सभाले प्रवासी नेपालीहरुलाई नेपाल सरकारले प्रदान गर्ने गैरआवासीय नेपाली नागरिकताको विषयलाई प्राथमिकताका साथ उठान गर्दै गहन छलफल गरेको थियो । एनआरएनएले लामो समयदेखि नेपाली नागरिकताको निरन्तरताको माग गर्दै आएकोमा, नेपाल सरकारद्वारा गैरआवासीय नेपाली नागरिकता प्रदान गर्नु एक हदसम्म अभियानको उपलब्धि नै भएको साधारणसभाले ठहर गरेको छ । यस उपलब्धिका लागि अभियानमा होमिएका व्यक्तित्वहरु र नेपाल सरकारलाई धन्यवाद व्यक्त गर्द...

लण्डन । नेपाल पत्रकार महासंघ यूके शाखाको अध्यक्षमा बिमला सेने निर्वाचित भएकी छिन् । आइतबार लन्डनको फार्नबोरो स्थित गोर्खा वेल्फेयर सोसाईटीको भवनमा सम्पन्न शाखाको छैटौ अधिवेसनले सेनेको नेतृत्वमा नयाँ कार्यसमिति चयन गरेको हो । नेपाल पत्रकार महासंघ यूकेको छैटौं महाधिवेशनका लागि अध्यक्ष पदमा श्याम लुँइटेल, दिनेश परियार र विमला सेनेले उम्मेदवारी दिएका थिए । निर्वाचन प्रकृयाबाट सम्पन्न अधिवेशनमा बिमला सेनले २३ मत प्राप्त गरेर पहिलो महिला अध्यक्ष बनेकी हुन । त्यस्तै कार्यसमितिको वरिष्ठ उपाध्यक्षमा नरेन्द्र बस्नेत क्षेत्री, उपाध्यक्षद्वयमा प्रमिला लाबुङ राई र शिव भण्डारी, महासचिवमा खेमराज रानाभाट, सचिवद्वयमा मंजु भण्डारी खरेल र विश्वासदीप तिगेला, कोषाध्यक्षमा सविन्द्रकुमार गुरुङ र सहकोषाध्यक्षमा सुरेन्द्र इङ्नाम निर्वाचित भएका छन् । यस्तै सदस्यहरुमा अमित थेबे, बमबहादुर थापा, नगेन्द्रराज नेम्वा...

अमेरिका । शनिबार राति चुनावी र्‍याली चलिरहेका पेन्सिलभेनियामा गोली चल्दा अमेरिकाका पूर्वराष्ट्रपति डोनाल्ड ट्रम्प घाइते भएका छन् । घटनामा र्‍यालीमा सहभागी एक जनाको मृत्यु भएको छ । अन्तर्राष्ट्रिय सञ्चारमाध्यमहरुका अनुसार गोली हान्ने व्यक्ति अमेरिकी सिक्रेट सर्भिसको कारबाहीमा मारिएका छन् । घटनापछि ट्रम्पलाई सुरक्षाकर्मीले मञ्चबाट सुरक्षित स्थानतर्फ लगेका थिए । ट्रम्पको अवस्था ठीक रहेको खबरहरु सार्वजनिक भएका छन् । अमेरिकी राष्ट्रपति जो बाइडेनले अमेरिकामा यस्ता खालका कुनै पनि हिंसात्मक घटनालाई स्थान नदिइने बताएका छन् । उनले यस्ता प्रकारका घटनाविरुद्ध सबै एकताबद्ध भएर लाग्नुपर्ने प्रतिक्रिया जनाएका छन् । पूर्वराष्ट्रपति बाराक ओबामाले पनि घटनाको निन्दा गरेका छन्।...

अमेरिका । गैर आवासीय नेपाली संघ, राष्ट्रिय समन्वय परिषद, अमेरिकाको १३औं साधारण सभा तथा ज्ञान सम्मेलन शनिबार र आइतबार (जुलाई १३ र १४ तारिख) मेरिल्याण्ड राज्यको बाल्टिमोरमा हुने भएको छ । उक्त कार्यक्रम मेरिल्याण्ड राज्यको बाल्टिमोर सिटीको 1100 Cromwell Bridge Rd,Towson, MD-21286 स्थित Holiday Inn Express Towson मा हुने भएको हो । जुलाई १२ तारिख शुक्रवार च्याप्टर नाइट (च्याप्टरहरुका अध्यहरुसहितको विषेश कार्यक्रम) गर्ने, १३ तारिख शनिवार साधारण सभा एवम् ज्ञान सम्मेलनको उद्घाटन तथा विज्ञहरुसहितको ज्ञान सम्मेलन गर्ने र १४ तारिख आइतवार बन्द सत्र गरी सांस्कृतिक कार्यक्रमसहित साधारण सभा समापन गर्ने गरी कार्यतालिका छ । यस पटकको साधारण सभा विशेष गरी विधान संशोधनमा केन्द्रित हुने छ । ...

अमेरिका । बेलायतमा लेबर पार्टीका नेता कियर स्ट्यामर नयाँ प्रधानमन्त्री नियुक्त भएका छन् । राजा चार्ल्स तृतीयले उहाँलाई शुक्रबार प्रधानमन्त्रीमा नियुक्त गरेसँगै विपक्षी लेबर पार्टी १४ वर्षपछि सत्तामा फर्केको छ । बेलायतमा बिहीबार सम्पन्न आमनिर्वाचनमा विपक्षी लेबर पार्टीले ऐतिहासिक सफलता हात पार्दै ४१२ स्थानमा जितेसँगै लेबरका लागि सत्ताको ढोका खुलेको हो । लेबरको जित अघिल्लो आमनिर्वाचनको तुलनमा २११ सिट बढी हो । ६५० सदस्य रहेको बेलायती संसद् ‘हाउस अफ कमन्स’मा बहुमतका लागि ३२६ सिट आवश्यक पर्छ । लेबरले सन् १९९७ मा टोनी ब्लेयरको नेतृत्वमा ४१९ सिट ल्याएपछिको यो दोस्रो ठूलो सफलता हो । प्रधानमन्त्रीमा नियुक्त भएसँगै टेन डाउनिग स्ट्रिटबाट राष्ट्रका नाममा सम्बोधन गर्दै स्ट्यामरले देशलाई एकताबद्ध गरी अघि बढ्ने बताए । विगत १४ वर्ष दुई महिना सत्तामा रहेको कन्जरभेटिभ पार्टीको भने इतिहासमै लज्जाजनक हार ...

नेपाल । भारतको उत्तर प्रदेशको हाथरसमा मंगलबार एउटा धार्मिक प्रवचन कार्यक्रम (सत्संग) मा भागदौड मच्चिँदा मृत्यु हुनेको संख्या एक सय नाघेको छ । मृत्यु हुनेमा अधिकांश महिला र केही बालबालिकासमेत छन् । घटनामा अन्य कैयौं मानिस घाइते भएको र मृतकको संख्या अझ बढ्न सक्ने जनाइएको छ । घाइतेको स्थानीय अस्पतालमा उपचार भइरहेको छ । हाथरस जिल्लाको फुलरई गाउँमा उक्त सत्संग आयोजना गरिएको थियो । नारायण साकार हरि नाम गरेका बाबाको सत्संग कार्यक्रममा उक्त दुर्घटना भएको हो । सत्संग समाप्त भएलगत्तै मानिसहरु बाहिरिने क्रममा भागदौड मच्चिएको प्रत्यक्षदर्शीले जनाएका छन् ।...

कोलोराडो । तमु प्ये ल्हु अमेरिकाको आयोजना तथा एनआरएनए कोलोराडो च्याप्टर र कोलोराडो नेपाली युथ क्लब (सीएनवाईसी) को सहआयोजनामा शनिबार र आइतबार अन्तरराज्य स्तरीय (इन्टर स्टेट) टीपीएलए कप २०२४ पुरुष भलिबल प्रतियोगिता सञ्चालन भइरहेको छ । प्रतियोगितामा विभिन्न १० टिमको सहभागिता रहेको छ । प्रतियोगिता शनिबार एक समारोहका बीच उद्घाटन भएको थियो । अमेरिका राज्य भरी छरिएर रहेका नेपाली युवाहरुको सहभागिताको साथै नेपाली समुदायबीच सुमुधुर सम्बन्धलाई प्रगाढ बढाउनु प्रतियोगिताको उद्देश्य हो । शनिबार तमु प्ये ल्हु अमेरिकाका अध्यक्ष चक्रबहादुर क्रोम्छे तमुको सभापतित्वमा एक बिशेष समारोहबीच प्रतियोगिताको उद्घाटन समारोह सम्पन्न भएको थियो । कार्यक्रममा एनआरएनए कोलोराडो च्याप्टरका अध्यक्ष प्रकाश पौडेल, ग्लोबल फिल्म अवार्डका अध्यक्ष नवराज श्रेष्ठ, तमु धी कोलोराडोका अध्यक्ष चन्द्रमान तमु, एनआरएनए कोलोराडाको पूर्व ...

नेपाल । भारतको नयाँदिल्लीका मुख्यमन्त्री अरविन्द केजरीवाललाई मदिरा घोटाला प्रकरणमा दिल्लीको राउज एभिन्यू अदालतले जुलाई १२ सम्म न्यायिक हिरासतमा पठाएको छ । बुधबार, सीबीआईले रक्सी नीति सम्बन्धी घोटालामा सोधपुछ गरेपछि केजरीवाललाई तिहाड जेलबाट पक्राउ गरेको थियो । बुधबार राउज एभिन्यू अदालतका विशेष न्यायाधीश अमिताभ रावतले सीबीआईलाई उनलाई पक्राउ गर्न अनुमति दिएका थिए । पक्राउपछि सीबीआईले केजरीवालको रिमाण्ड अदालतसँग मागेको थियो । अदालतले सीबीआईलाई ३ दिन हिरासतमा पठाएको थियो । शनिबार केजरीवालको सीबीआई रिमाण्ड सकिएपछि अदालतले उनलाई न्यायिक हिरासतमा पठाएको हो । केजरीवाललाई यसअघि मार्च २१ मा मदिरा नीति घोटालासँग सम्बन्धित मनि लान्ड्रिंग मुद्दामा ईडीले गिरफ्तार गरेको थियो । राउज एभिन्यू अदालतले केजरीवाललाई जुन २० मा यस मुद्दामा जमानत दिएको थियो। तर ईडीले ट्रायल कोर्टको यो निर्णयलाई दिल्ली उच्च अदालत...