अन्तराष्ट्रिय/प्रवास

अमेरिका । गैरआवासीय नेपाली संघ (एनआरएनए) अन्तराष्ट्रिय समन्वय परिषद्को काठमाडौं स्थित केन्द्रीय कार्यालय भवन खाली गर्ने काठमाडौं महानगरपालिकाको सूचना तत्काल कार्यान्वयन नगर्न अन्तरिम आदेश भएको छ । उच्च अदालत पाटनका न्यायाधीश पुरुषोत्तम ढकालको एकल इजलासले सोमवार उक्त आदेश जारी गरेको हो । कानून बमोजिम पुनरावेदन गर्ने म्याद बाँकी रहेसम्म फैसला कार्यान्वयन स्थगत गर्नुपर्ने व्यवस्था रहेको भन्दै अदालतले महानगरपालिकालाई सो आदेश दिएको हो । महानगरपालिकाले ललिता निवासस्थित संघलगायत घरजग्गाहरू खाली गर्न सात दिने सूचना सम्बन्धित व्यक्ति र संस्थालाई दिएको थियो । विशेष अदालतको फैसला कार्यान्वयनका लागि महानगरले जारी गरेको सूचना सुविधा सन्तुलनको हिसाबले उचित नभएको भन्दै संघले उच्च अदालतमा रिट दायर गरेको थियो । मेयर बालेनलाई खुला पत्रः ‘एनआरएनएको सामाजिक सम्पत्ति संरक्षण गर्ने कर्तव्य तपाईँको पनि हो’ ...

अमेरिका । अबैध बाटो प्रयोग गरेर अमेरिका पुगेका ८ नेपालीलाई नेपाल फिर्ता पठाइएको छ । उनीहरूलाई गत बिहीबार अमेरिकाले चार्टर उडानबाट काठमाडौं फिर्ता गरेको हो । अवैध बाटो प्रयोग गर्दै १० बढी देश हुँदै अमेरिका पुगेका नेपालीलाई डिपोर्ट गरी फिर्ता फर्काएको छ । अमेरिकाले उनीहरुलाई चार्टर उडानबाट काठमाडौँ फिर्ता पठाएको नेपाल प्रहरीको मानव बेचबिखन अनुसन्धान ब्युरोले जनाएको छ । प्रहरीका अनुसार अवैध बाटो प्रयोग गर्दै अमेरिका पुगेका आठ नेपालीलाई अमेरिकाले डिपोर्ट गरी बिहीबार काठमाडौँ फिर्ता पठाएको हो । प्रहरीले उनीहरुको बिषयमा अनुसन्धान भइरहेको जनाएको छ ।...

अमेरिका । बाग्लुङ पञ्चकोटमा सञ्चालित महायज्ञमा गैरआवासीय नेपाली संघ (एनआरएनए) का तर्फबाट ११ लाख ११ हजार १ सय ११ रुपैयाँ दान गरिएको छ। गैरआवासीय नेपाली संघका सहकोषाध्यक्ष कृष्ण तिमल्सिनाका अनुसार बुधबार शुरु भएर १३ दिनसम्म चल्ने ‘अनन्तश्री ब्रम्हाण्डीय महायज्ञ’ को पहिलो दिनमै पञ्चकोट पुगेका एनआरएनए पदाधिकारी एवं अभियन्ताहरुले उक्त रकम हस्तान्तरण गरेका हुन् । महायज्ञ उद्घाटनका दिन ‘जल, वातावरण संरक्षण र उर्जा विकास’ विषयक सम्मेलनमा आयोजकका तर्फबाट कार्यपत्र प्रस्तुत गरिएको थियो । बाग्लुङ पञ्चकोटको समग्र विकास र प्रवर्द्धनमा लक्षित महायज्ञमा सो सहयोग संकलन गर्नको लागि संघका सल्लाहकार चिरन्जिबी ढकालको संयोजकत्वमा एक समिति गठन भएको थियो । ढकालले आर्थिक प्रतिबद्धता गरेका दाताहरुलाई धन्यवाद ज्ञापन गर्दै बाँकी रकम संघको च्यारिटी खातामा जम्मा गर्न आग्रह गर्नुभएको छ । सो अवसरमा एनआरएनए उपमहासचि...

अमेरिका । ऐन, कानून र कार्यविधि समयमा संशोधन नहुँदा गैरआवासीय नेपाली नागरिकता कार्यान्वयनमा समस्या रहेको सरोकारवालाहरुले बताएका छन् । एनआरएनए स्कटल्याण्ड राज्य परिषदले आइतवार आयोजना गरेको एनआरएन नागरिकताका फाइदा र चुनौति विषयमा अन्तरक्रिया कार्यक्रममा बोल्ने वक्ताहरुले उक्त विचार व्यक्त गरेका हुन् । कार्यक्रमलाई सम्बोधन गर्दै संघका उपाध्यक्ष डा. हेमराज शर्माले विदेशमा ८ प्रकारका नेपालीहरु रहेको बताउँदै विद्यमान नागरिकता सम्बन्धी संवैधानिक प्रावधानले सबै नेपालीलाई नसमेटेको स्पष्ट पार्नु भयो । उहाँले गैरआवासीय नेपाली नागरिकता वितरण भए पनि आवश्यक ऐन कानुन संशोधन हुन नसक्दा नागरिकताको बारेमा दुविधा देखिएको जनाउनु भयो । उहँले गैरआवासीय नेपाली ऐन, संशोधन भएपछि मात्र एनआरएन नागरिकताको अधिकार र कर्तव्यका बारेमा कानुनी व्यवस्था हुने जानकारी गराउनु भयो । मुलुकी देवानी संहिता, संविधानको धारा २९१, ...

अमेरिका । गैरआवासीय नेपाली संघ (एनआरएनए) अन्तर्राष्ट्रिय समन्वय परिषदको कार्यालय भवन रहेको जग्गा ललिता निवास प्रकरणको विशेष अदालतको हालैको निर्णयबाट सरकारी हुने भएपछि अन्तिम निराकरणका लागि सर्वोच्च अदालतमा अपिल गरिने भएको छ । एनआरएनए आईसीसीका प्रवक्ता फणिन्द्र पन्तले आइतबार विज्ञप्ति प्रकाशित गरी विशेष अदालतको निर्णय र त्यसको प्रभावबारे सर्बोच्च अदालतमा अन्तिम निराकरणको लागि अपिल गर्ने उल्लेख गर्न भएको हो । ‘सम्मानित सर्बोच्च अदालतको निर्णय संघलाई पनि मान्य हुने नै छ । तब सम्म भोगाधिकार हक र स्वामित्व संघमै निहित रहने छ ।’–विज्ञप्तिमा उल्लेख छ । विज्ञप्तिमा अगाडि भनिएको छ, ‘सर्बोच्च अदालतको अन्तिम निर्णय पश्चात यदि प्रतिकुल अबस्था आएमा पनि संघमा जिल्ला अदालत काठमाडौँमा तत्कालिन अबस्थामा संघलाई जग्गा बिक्री गर्ने उपर मुद्दा दायर गरी लागत रकम (थैली अंक) प्राप्त गर्ने र सम्पूर्ण क्षतिपूर्त...

नेपाल । बेलायतबाट सगरमाथा क्षेत्रको भ्रमणमा आएका ४२ वर्षीया एलिजाबेथ डायरोको मृत्यु भएको छ । सोलुखुम्बुको खुम्बु पासाङल्हामु गाउँपालिका–४ गोरक्क्षेपस्थित एक होटलमा बास बसेका उनको सोही स्थानमा मृत्यु भएको हो । गत माघ २४ गते नमस्ते ट्रेकिङ कम्पनीमार्फत सगरमाथा क्षेत्र भ्रमणमा आएका एलिजाबेथको लुक्लाबाट सगरमाथा आधार शिविर जाने क्रममा गोरक्क्षेपस्थित हिमालयन लजमा बास बसेका थिए । सोही दिन साँझ ५ बजेतिर होटलमै बेहोस भई ढलेका एलिजाबेथको केही समयपछि सोही स्थानमा ज्यान गएको थियो । उनको शव अल्टिच्युड हेलिकप्टरमार्फत लुक्ला ल्याई कानुनी प्रक्रिया पूरा गरी काठमाडौंको शिक्षण अस्पताल ल्याइएको प्रहरीले जनाएको छ ।...

नेपाल । अध्यागमन विभागले अबदेखि ईभिसा जारी गर्दै अनलाइन भुक्तानी प्रारम्भ गरेको छ । शुक्रबार उपप्रधान एवं गृहमन्त्री नारायणकाजी श्रेष्ठले ईभिसा तथा नयाँ भिसा लिन र भिसाको म्याद थप गर्ने ईभिसा तथा अनलाइन भुक्तानी सेवाको शुभारम्भ गरेका हुन् । अध्यागमन विभागले शुक्रवारदेखि अध्यागमन प्रशासनलाई पूर्ण रुपमा अनलाइनमार्फत स्वचालित सेवा प्रवाह गर्ने कार्यको थालनी गरेको जनाएको छ । अध्यागमन विभाग र अन्तर्गत कार्यालयहरुमा पूर्ण रुपमा डिजिट र स्वचालित रुपमा सञ्चालनले कार्यालयमा सेवा लिने र दिने दुवैले घरमा बसेर नै सेवा लिनसक्ने भएका छन् । विभागले माघ महिनाबाट नै हस्तलिखित हस्ताक्षरलाई डिजिटल हस्ताक्षरको प्रयोग गर्नेगरी तयारी गरिरहेको जानकारी दिएको छ । यो सेवा शुभारम्भ भएसँगै नयाँ भिसा प्राप्त गर्न, भिसाको म्याद थप गर्न,पदयात्रा अनुमति प्राप्त गर्न सेवाग्राहीहरु भौतिक रुपमा अध्यागमन कार्यालय...