अन्तराष्ट्रिय/प्रवास

नेपाल । भारतको दिल्लीका मुख्यमन्त्री अरबिन्द केजरिवाल रिहा भएका छन् । भारतीय अदालतले उनलाई २१ दिनलाई तारेखमा रिहाइ गरेको हो । जुन २ मा आत्मसमर्पण गर्नेगरी भारतीय अदालतले केजरिवाललाई तारेकमा छोड्ने फैसला गरेको छ । केजरिवाल गत मार्च २१ मा पक्राउ परेका थिए । उनलाई अन्तःशुल्क नीति मुद्दामा प्रवर्तन निर्देशनालयले भ्रष्टाचारको आरोपमा पक्राउ गरेको थियो ।  ...

नेपाल । सोमबार बिहान नेपालको एकदिने औपचारिक भ्रमणमा आएकी जापानकी विदेशमन्त्री खामिखावा योको भ्रमण सम्पन्न गरी सोमबारनै स्वदेश फर्किएकी छिन् । विदेशमन्त्री खामिखावाले राष्ट्रपति रामचन्द्र पौडेलसँग शीतलनिवास र प्रधानमन्त्री पुष्पकमल दाहाल ‘प्रचण्ड’सँग सिंहदरबारमा शिष्टाचार भेटवार्ता गरिन् । उनले विश्वसम्पदा सूचीमा सूचीकृत ऐतिहासिक हनुमानढोका दरबार क्षेत्रको अवलोकन गरिन् । साथै जमल पुगेर केही नेपाली पुस्तक खरिद समेत गरिन् । परराष्ट्रमन्त्री श्रेष्ठले विदेशमन्त्री योकोको सम्मानमा रात्रिभोजको आयोजना गरे । ...

नेपाल । सन् २०२५ का लागि अमेरिकी डीभी लट्रीको नतिजा सार्वजनिक भएको छ । शनिबार यूएस डिपार्टमेन्ट अफ स्टेट्सअन्तर्गतको ब्युरो अफ कन्सुलर अफेयर्सले डाइभर्सिटी भिसा (डीभी) लट्री २०२५ को नतिजा सार्वजनिक गरेको हो । डीभी लट्रीको नतिजा डिभी भर्दा प्राप्त कन्फर्मेसन नम्बरका आधारमा डीभी प्रोग्राम डट स्टेट डट जीओभी लग इन गरेर हेर्न सकिन्छ । नतिजा हेर्न अनलाइन आवेदन दिँदा प्राप्त कन्फर्मेशन नम्बरको प्रयोग अनिवार्य रहेको छ । ...

अमेरिका । नेपाल पत्रकार महासंघ यूरोप शाखाको अध्यक्ष केजीन राई निर्वाचित भएका छन् । शाखाको बुधवार सम्पन्न पाँचौ महाधिवेशनबाट राई सर्वसम्म अध्यक्ष छानिएका हुन् । शाखाको उपाध्यक्षमा राज कुमार थापा, द्रोण रिजाल, दिल निसानी मगर, प्रेम पमु र बासु सत्याल चयन भए । यस्तै, महासचिवमा शेर बहादुर परियार, उपमहासचिवमा कलस खरेल, भरत प्रधान र अमिस तमाङ, सचिवमा रमेशराज बास्तोला, दिनेश गौतम सर्वसम्मत भए । कोषाध्यक्षमा इन्दिरा चाम्लिङ सहित २५ सदस्सीय नयाँ कार्यसमिति सर्वसम्मत भएको छ । शाखाको सदस्यहरुमा सदस्यहरुमा भोला लामिछाने(स्पेन), वाइबी गुरुङ (डेनमार्क), कमल पराजुली(स्पेन), किशोर सुब्बा(पोर्चुगल), सन्जु काउछा (फिनल्यान्ड),दिपक भण्डारी (पोर्चुगल),बिनोद अधिकारी (क्रोएसिया), दिपक खतिवडा (पोर्चुगल),जसमान दर्नाल (जर्मनी), प्रकाश बगाले(माल्टा), पुस्तक रेग्मी (पोर्चुगल), लाक्पा तेन्जी शेर्पा (रोमानिया), धनराज ...

नेपाल । कतारस्थित अल जावर पार्टनर्स कम्पनीमा कार्यरत ६२५ जना नेपाली कामदार अलपत्र परेपछि एनआरएनए कतारका अध्यक्ष रमेश भट्टले श्रममन्त्री डिपि अर्याललाई भेटेर कामदारका समस्याका बारेमा जानकारी गराउदै उद्दारको लागि श्रममन्त्री र नेपाल सरकारलाई अनुरोध गरेका छन । एनआरएनए कतारका अध्यक्ष भट्टले कामदार अलपत्रका सम्बन्धमा श्रममन्त्री डीपी अर्यालको ध्यानाकर्षण समेत गराएका छन । शुक्रबार मन्त्रालयमा भएको भेटमा मन्त्री अर्यालले यस समस्या समाधानका लागि सरकारको तर्फबाट पहल थालिसकेको बताएको भट्टको भनाइ छ । उनीहरूलाई फर्काउने या के गर्ने भन्ने विषयमा छिट्टै निष्कर्षमा पुगिने मन्त्री अर्यालले बताए । श्रमिकहरूलाई समस्यामा पर्न नदिने प्रतिबद्धता जनाउँदै कतारस्थित नेपाली दूतावास र एनआरएनए कतारका साथै कतारी सरकारसँग समन्वय गरेर निष्कर्षमा पुगिने उनको भनाइ थियो । सो अवसरमा भट्टले श्रमिकका अन्य विषयमा पनि मन्त्...

कतार । मधेशी एकता समाजको कतार शाखाले यस वर्षको नयाँ वर्ष, जुडशीतल तथा ईद पर्वको अवसरमा शुभकामना आदानप्रदान तथा बृहत् सांस्कृतिक कार्यक्रम आयोजना गरेको छ । बैशाख १४ गते शुक्रबारको दिन समाजको कतार शाखाले दोहाको सनैयास्थित फुलवारी रेस्टुरेन्टको सभाहलमा भव्य कार्यक्रम आयोजना गरेको हो । कतार शाखाका अध्यक्ष शिवकुमार महतोको अध्यक्षतामा सम्पन्न कार्यक्रममा मधेश प्रदेशका अर्थमन्त्री संजय कुमार यादव प्रमुख अतिथिको रुपमा उपस्थित हुनुहुन्थ्यो भने समाजका संस्थापक डा. रवीन्द्र कुमार यादव र कतारस्थित नेपाली दूतावासका कार्यवाहक राजदूत कुमार राई विशिष्ट अतिथिको रुपमा सहभागी हुनुहुन्थ्यो । कार्यक्रममा एनआरएनएका पदाधिकारी तथा कतारस्थित विभिन्न नेपाली संघसंस्थाका प्रतिनिधिका साथै पत्रकार एवं बुद्धिजीविहरुको पनि बाक्लो उपस्थिति थियो । शुभकामना मन्तव्य राख्नुहुँदै प्रमुख अतिथि एवं मधेश प्रदेशका अर्थमन्त्री या...

नेपाल । मंगलबार अपरान्ह कतारी अमिर शेख तमिम बिन हमाद अल थानी नेपालको औपचारिक भ्रमणमा आएका छन् । यसैक्रममा अल थानीले बुधबार प्रधानमन्त्री पुष्पकमल दाहाल ‘प्रचण्ड’सँग भेटवार्ता गर्दैछन् । वार्तापछि उनीहरू द्विपक्षीय सम्झौता र समझदारीपत्रमा हस्ताक्षर गर्ने कार्यक्रममा सहभागी हुनेछन् । नेपाल र कतारको सरकारी समाचार एजेन्सी, महान्याधिवक्ताको कार्यालय र इन्स्टिच्युट अफ फरेन अफेयर्ससँग सम्बन्धित विषयमा तालिम र सहयोग आदान प्रदान तथा शिक्षा र संस्कृति आदान प्रदानसँग सम्बन्धित विषयमा पनि हस्ताक्षर गर्ने कार्यक्रम छ । नेपालले कतारलाई हात्ती उपहार दिने सम्झौतामा भने अन्तर्राष्ट्रिय कानुनको प्रक्रिया पूरा गर्न बाँकी भएकाले सम्झौता नहुने भएको छ । थानीले मंगलबार साँझ राष्ट्रपति रामचन्द्र पौडेलसँग शितल निवासमा भेट गरेका थिए । कतारी राजाको सम्मानमा राष्ट्रपति पौडेलले रात्रिभोज आयोजना गरेका थिए । कतारी ...

नेपाल । मंगलबार नेपालमा कतारका अमिर (राजा) शेख तमिम बिन हमाद अल थानी आउँदैछन् ।​ कतारी राजा आउने दिन मंगलबार सरकारले सार्वजनिक बिदा पनि दिएको छ। कतारी राजालाई राष्ट्रपति रामचन्द्र पौडेलले त्रिभुवन अन्तर्राष्ट्रिय विमानस्थलमै गएर स्वागत गर्नेछन् । उनको सम्मानमा नेपाली सेनाले २१ तोपको सलामी दिनेछ । कतारी अमिरले मंगलबार नै राष्ट्रपति पौडेलसँग शीतलनिवासमा भेटवार्ता गर्ने परराष्ट्र मन्त्रालयले जनाएको छ । राष्ट्रपतिले उनको सम्मानमा साँझ राजकीय भोजको आयोजना गर्नेछन् । थानीले बुधबार प्रधानमन्त्री दाहालसँग द्विपक्षीय वार्ता गर्नेछन् । वार्तापछि दुवै द्विपक्षीय सम्झौता र समझदारी पत्रमा हस्ताक्षर गर्ने समारोहमा उपस्थित हुनेछन् । कतारी राजा दुईदिने भ्रमण सकेर बुधबार अपराह्न काठमाडौंबाट प्रस्थान गर्नेछन् । कूटनीतिक सम्बन्ध स्थापना भएको ४७ वर्षपछि कतारबाट पहिलो पटक उच्चस्तरीय भ्रमण हुन लागेको छ । उन...

बेलायत । मानवता प्रवर्द्दनको लागि आयोजना हुन लागेको सांगीतिक कार्यक्रमको तयारीको लागि नेपालबाट व्यवस्थापकीय टोली शुक्रबार बेलायत आइपुगेको छ । मानवसेवा आश्रम बेलायत च्याप्टरको निमन्त्रणा एवं आयोजनामा आगामी मे ५ मा बेलायतमा हुन गईरहेको समाजसेवी तथा लोकप्रिय गायिका आनी छोइङ डोल्मा सांगीतिक कन्सर्टको तयारीको लागि व्यबस्थापकीय टोली बेलायत पुगेका हुन् । मानवसेवा आश्रम सहयोगार्थ गायिका आनीले क्याम्बर्लीको लेकसाइड कन्ट्री क्लबमा ‘इनर मेलोडी फर इनर पिस’ कार्यक्रममा सांगीतिक प्रस्तुती दिन लाग्नुभएको हो । व्यवस्थापकीय तयारीको लागि नेपालबाट मानवसेवा आश्रमका केन्द्रीय महासचिव शुशिला केसी, केन्द्रीय सचिव एवं प्रवक्ता सुमन वर्तौला र मानवसेवा आश्रम बेलायत च्याप्टर कोषाध्यक्ष आदरणीय चन्द्र अर्याल नेपालबाट बेलायत आउनु भएको हो । कार्यक्रममा १५ सय जनाको सहभागिता गराउने र मानव सेवा आश्रमका लागि १ लाख पाउन्...