अन्तराष्ट्रिय/प्रवास

अमेरिका । म्यानरमारमा गत हप्ता गएको भूकम्पका कारणले विस्थावित गैरआवासीय नेपालीहरुलाई गैरआवासीय नेपाली संघले सहयोग गर्ने भएको छ । गैरआवासीय नेपाली संघको माल्टामा आइतवार सम्पन्न यूरोपेली सम्मेलनले नेपाली मुलका भूकम्प पीडितहरुको लागि २० लाख रुपैयां सहयोग गर्ने निर्णय गरेको हो । यसअघि संघले आफ्ना राष्ट्रिय समितिहरुलाई ती भूकम्प पीडितको सहयोगका लागि जुट्न आब्हान गरेको थियो । सो सहयोग गैरआवासीय नेपाली संघ म्यानमार मार्फत वितरण गरिने संघले जनाएको छ । म्यानमारको सरकारी सञ्चारमाध्यमका अनुसार सैनिक सरकारले १,६४४ जनाको मृत्यु भइसकेको र ३,४०८ जना घाइते भएको जनाएको छ भने १३९ जना अझै बेपत्ता रहेको बताएका छन्। ७.७ म्याग्निच्युडको भूकम्पको केन्द्रबिन्दु म्यानमारको मण्डले सहरबाट करिब २० किलोमिटर बाहिर रहेको थियो ।...

अमेरिका । गैरआवासीय नेपाली संघ (एनआरएनए) को १६ औं क्षेत्रीय सम्मेलन मार्च २८-३०, २०२५ मा माल्टामा भव्य रुपमा सम्पन्न भयो । एनआरएनएको अन्तर्राष्ट्रिय समन्वय समितिको मुख्य आयोजना, युरोप क्षेत्र र एनसीसी माल्टाद्वारा होस्ट गरिएको यस सम्मेलनमा माल्टाका राष्ट्रपति H.E. Myriam Spiteri Debono ले विशेष शुभकामना पठाउनुभयो । नेपाल सरकारका तर्फबाट उद्योग, वाणिज्य तथा आपूर्ति मन्त्री दामोदर भण्डारीज्यूको प्रमुख आतिथ्यतामा सम्पन्न सम्मेलनमा गैरआवासीय नेपाली संघ अन्तर्राष्ट्रिय समन्वय परिषद्का अध्यक्ष डा. बद्री केसीसहित अन्य पदाधिकारीज्यूहरु, राष्ट्रिय समन्वय परिषद्का अध्यक्ष तथा पदाधिकारीज्यूहरु, नेपाल लगानी बोर्डका प्रतिनिधि, नेपाल सरकारका विभिन्न निकायका प्रतिनिधिहरु, उद्योगी, व्यवसायीहरु, सञ्चारकर्मी एवं यूरोप क्षेत्र र विश्वभरबाट सहभागी हुनुभएका २५० भन्दा बढी प्रतिनिधिको सहभागिता रह्यो । “नेपालमा...

अमेरिका । अमेरिकाको मिनेसोटा राज्यको एक आवासीय क्षेत्रमा शनिबार एउटा सानो विमान दुर्घटना हुँदा एक घरमा आगलागी भएको अमेरिकी संघीय उड्डयन प्रशासनले जनाएको छ । सोकाटा टीबीएम ७ विमान स्थानीय समयअनुसार शनिबार राति १२ः२० बजे उक्त घरमा दुर्घटनाग्रस्त भएको थियो । दुर्घटनामा विमान चालकको मृत्यु भएको अमेरिकी सञ्चारमाध्यमले जनाएका छन् । ब्रुकलिन पार्क अग्नि विभागलाई उद्धृत गर्दै स्थानीय सञ्चारमाध्यमले विमानमा रहेका कोही पनि जीवित नभएको जनाएका छन् । आयोवाको डेस मोइनेस अन्तर्राष्ट्रिय विमानस्थलबाट मिनियापोलिसको अनोका काउन्टी–ब्लेन विमानस्थलतर्फ गइरहेको विमान उड्दासाथ दुर्घटनाग्रस्त भएको हो । नजिकैका प्रत्यक्षदर्शीहरूले स्थानीय टिभी स्टेशन केआरई ११ लाई बताएअनुसार विमान दुर्घटनापछि ब्रुकलिन पार्कको एक घरमा आगो लागेको थियो ।...

अमेरिका । उद्योग, वाणिज्य तथा आपूर्ति मन्त्री दामोदर भण्डारीले गैरआवासीय नेपाली संघको विषयमा सरकारमा कुनै दुविधा नरहेको स्पष्ट पार्नुभएको छ । यूरोपेली मुलुक माल्टामा आयोजित गैरआवासीय नेपाली संघको १६ औँ यूरोप क्षेत्रीय सम्मेलनलाई शुक्रबार साँझ सम्बोधन गर्दै संस्थाका विषयमा विभिन्न कोणबाट विचार आए पनि नेपाल सरकार वर्तमान कार्यसमितिको पक्षमा रहेको बताउनुभयो । उहाँले भन्नुभयो, “नेपाल सरकार, परराष्ट्र मन्त्रालयमा विभिन्न कोणबाट विषय प्रवेश भएका छन् । यही संस्थाले अस्ती थाइल्याण्ड र कम्बोडियामा आयोजना गरेको कार्यक्रममा नेपाल सरकारको तर्फबाट संस्कृति, पर्यटन तथा नागरिक उड्डयन मन्त्री सहभागी हुनुभएको थियो । म, नेपाल सरकारकै प्रतिनिधित्व गरेर कार्यक्रममा आएको छु, यति भएपछि यो स्पष्ट छ कि सरकारको बुझाइमा कुनै दुविधा छैन ।“ उहाँले आफ्नो अस्तित्वको लडाइँको रूपमा नलिएर गैरआवासीय नेपाली संघको आन्तरिक...

अमेरिका । नेपाल अमेरिका पत्रकार संघ (नेजा) द्वारा मार्च २९, २०२५, सोमबार टेक्सासको ड्यालसस्थित युलेसमा आयोजित स्वागत एवम् अन्तरक्रिया आयोजना गरिएको छ । कार्यक्रममा विशेष अतिथिको रूपमा नेपाल पत्रकार महासंघका उपाध्यक्ष नितु पण्डित एवम् गण्डकी प्रदेश सरकारका प्रेस रजिस्ट्रार बिमला भण्डारीको उपस्थिति थियो । यसैगरी कार्यक्रममा एनआरएनए अमेरिकाका वरिष्ठ उपाध्यक्ष विकास उप्रेती, उपाध्यक्ष भानु खरेल, कोषाध्यक्ष सरोज सिग्देल, एभरेस्ट फेडरल क्रेडिट युनियनका पूर्वअध्यक्ष मोहन ज्ञवाली, नेपाली सोसाइटी टेक्सासका महासचिव विजय भुसालको उपस्थिति थियो । सामाजिक अभियन्ताहरू केशव लामिछाने, भुवन अधिकारी, विवेक कँडेल, कृष्ण कुसुम, लक्ष्मी भट्ट, हेमा पौडेल, सोबिका खनाल, कृतिका तिमल्सिना, क्षितिज महत, पत्रकारहरू नारायण पुरी, रामचन्द्र भट्ट, लेखनाथ गौतम, मनोज जोशी, शिव शर्मा, अर्जुन बिष्ट, सुदीप सिवाकोटी, प्रदीप ...

अमेरिका । गैरआवासीय नेपाली संघ (एनआरएनए) को १६ औं यूरोप क्षेत्रीय सम्मेलन मार्च २८ देखि ३० सम्म माल्टाको एक्स ओडिवाइसी होटलमा आयोजना हुँदैछ । गैरआवासीय नेपाली संघका माल्टाको अध्यक्ष रेम्स खनालका अनुसार सम्मेलनमा भाग लिन आउने प्रतिनिधिहरु माल्टा पुगिसकेका छन् । सम्मेलन एनआरएनए अन्तर्राष्ट्रिय समन्वय परिषद्को मुख्य आयोजना तथा यूरोप क्षेत्र र एनसीसी माल्टाद्वारा होस्ट गरिएको हो । सम्मेलनमा उद्योग मन्त्री दामोदर भण्डारीको प्रमुख अतिथिको रूपमा रहनेछन् । लगानी बोर्डका प्रतिनिधि हिमाल चन्द्र अर्याल, गैरआवासीय नेपाली संघका अध्यक्ष डा। बद्री केसी, राष्ट्रिय समन्वय परिषद्का अध्यक्षहरू, नेपाल लगानी बोर्डका प्रतिनिधि, नेपाल सरकारका विभिन्न निकायका अधिकारीहरू, उद्योगी–व्यवसायी, सञ्चारकर्मी तथा यूरोप र विश्वभरका ३०० भन्दा बढी प्रतिनिधिहरूको सहभागिता रहने अपेक्षा गरिएको छ । नेपालमा लगानी, एकता र समृद...

अमेरिका । जय नेपाल इन्टरनेशनल फाउन्डेसन- ग्लोबल युथ नेटवर्कले अप्रिल १२, २०२५ मा नयाँ वर्ष २०८२ को शुभकामना आदान प्रदान कार्यक्रम गर्ने भएको छ । कार्यक्रम नेपाली काँग्रेसका वरिष्ठ नेता डा. शेखर कोइरालाको प्रमुख आतिथ्यतामा हुन् लागेको जय नेपाल इन्टरनेशनल फाउन्डेसन–ग्लोबल युथ नेटवर्कका अध्यक्ष मदनराज पौडेलले जानकारी दिनु भयो । मानवअधिकार, वाक स्वतन्त्रता तथा प्रजातान्त्रिक मूल्य मान्यतामा विश्वास राख्नेहरूको नेटवर्कमार्फत आफू रहेको समुदाय र नेपालको विकासमा समेत सहभागिता बढाउने उद्देश्यले फाउन्डेसनको स्थापना भएको छ । यो संस्थाले विश्व भरिका युवाहरूको सञ्जाल ‘ग्लोबल युथ नेटवर्क’, महिलाहरूको ग्लोबल वुमेन नेटवर्क, सञ्चारकर्मीहरूको ग्लोबल मिडिया नेटवर्क, विज्ञहरूको ग्लोबल नलेज नेटवर्क र खेलाडीहरूको ग्लोबल स्पोर्ट नेटवर्कमार्फत विभिन्न कार्यक्रम आयोजना गर्दछ । संस्थाको अन्तर्राष्ट्रिय अध्यक्षम...

अमेरिका । थाइल्यान्डकी प्रधानमन्त्री पेटोङ्टार्न सिनावात्राले संसदमा विश्वासको मत प्राप्त गर्नुभएको छ । संसदमा विपक्षी दलहरूले उहाँमाथि उहाँका अर्बपति पिता एवं पूर्वप्रधानमन्त्री थाकसिन सिनावात्राको कठपुतली भएको आरोप लगाएका थिए । दुई दिनसम्म चलेको चर्को बहसपछि अविश्वास प्रस्तावमा सांसदहरूले सात अनुपस्थितिका साथ एक सय ६२ का विरूद्ध तीन सय १९ मतले विश्वासको पक्षमा मतदान गरेका थिए । विपक्षीले ३८ वर्षीया पेटोङटार्नको देशको व्यवस्थापन र उहाँको अनुभवहीनतामाथि आक्रमण गरेको थियो । आधुनिक थाई राजनीतिका सबैभन्दा प्रभावशाली तर विवादास्पद नेता थाकसिन १५ वर्षको स्व–निर्वासनपछि सन् २०२३ मा देश फर्किनुभएको थियो । उहाँले ऐतिहासिक भ्रष्टाचार र शक्तिको दुरुपयोगको आरोपमा प्रहरी अस्पतालमा आठ वर्षको जेल सजायको केही महिना बिताउनुभएपछि राजाद्वारा क्षमादान पाउनुभयो ।...

अमेरिका । जातीय विभेद विरुद्ध विश्व मञ्च (ग्लोबल फोरम) को आयोजनामा मार्च २२, २०२५ का दिन भर्चुअल माध्यमबाट ६०औं अन्तर्राष्ट्रिय जातीय भेदभाव उन्मुलन दिवस तथा काउन्सिल मिटिङ सम्पन्न भएको छ । संस्थाका अध्यक्ष पदम विश्वकर्माको सभापतित्वमा सम्पन्न उक्त कार्यक्रममा प्रमुख अतिथिको रूपमा एनआरएन आइसीसीका अध्यक्ष डा. बद्री के.सी., विशेष अतिथि एनआरएन अमेरिकाका अध्यक्ष डा. अर्जुन बन्जाडे, ग्लोवल फोरमका सल्लाहकारहरू डा. मानबहादुर बिके, डा. द्रोण रसाली, डा. बिष्णुमाया परियार, डा. निर्मल विश्वकर्मा, आइसीडिआरका अध्यक्ष डिवी सागर, डिएनफका पूर्व अध्यक्ष भक्त विश्वकर्माले मार्च २१ को सन्दर्भ, वर्तमान अवस्था र कार्यक्रम सफलताको शुभकामना व्यक्त गरेका थिए । प्रमुख अतिथि के.सी. र विशेष अतिथि बन्जाडेले दलित समुदायको हकहितका निम्ति आवश्यक पहल गर्ने, दलित समुदायका सदस्यहरूलाई आवश्यकरूपमा समावेश गर्दै जानेमा जोड ...

अमेरिका । अष्ट्रेलियाको राजधानी क्यानबेरामा आयोजित ‘नेपाल महोत्सव–२०२५’ सफलताका साथ सम्पन्न भएको छ । नेपाली कला संस्कृति, नेपाली पहिरन, खानाको परिकार र पर्यटन प्रवर्द्धन गर्ने उद्देश्य राखी क्यानबेरामा आयोजित महोत्सवले राजधानी नेपालमय बनेको थियो । कमनवेल्थ पार्कमा आयोजित महोत्सवअन्तर्गत क्यान्बेराको सिभिकको गरिमा प्लेसबाट बिहान साढे दश बजेदेखि सुरु भएको प्रभातफेरी नगर परिक्रमा गरी कमन्वेल्थ पार्कको स्टेज ८८ मा पुगेर टुङ्गिएको थियो । पञ्चेबाजासहित निस्किएको प्रभातफेरीमा लाखे नाच र कुमारी नाच प्रस्तुत गरिएको थियो । सो अवसरमा अष्ट्रेलियाका लागि नेपाली राजदूत चित्रलेखा यादवलगायत अष्ट्रेलियामा रहेका विभिन्न नेपाली सङ्घसंस्था, स्थानीय अष्ट्रेलियालीहरूको समेत उल्लेखनीय उपस्थिति रहेको थियो । त्यसैगरी राजदूत यादवको प्रमुख आतिथ्यमा भएको औपचारिक कार्यक्रममा अष्ट्रेलियाली सरकारका अर्थमन्त्री केटी गा...