मनोरन्जन

अमेरिका । गीतकार, साहित्यकार तथा चलचित्र निर्मात्री अनु शाहको चलचित्र ‘उफ यो मन’ मार्च १६, २०२५ आइतबार अमेरिकाको बोस्टन शहरको एपल सिनेमा फ्रेशपण्ड क्याम्ब्रिजमा साँझ ६ः०० बजे प्रदर्शन हुने भएको छ । दार्जीलिङमा छायांकन गरिएको चलचित्र ‘उफ यो मन’ त्रिकोणात्मक प्रेम कथामा आधारित छ । फिल्ममा नेपाल बाहिर बस्ने नेपालीहरुको माया प्रेमको कथा समेटिएको छ। चलचित्रलाई पहिलो पटक अमेरिकाबाट प्रदर्शन सुरु गरिएको निर्माता शाहले जानकारी गराउनुभयो । ‘हामी यो चलचित्रलाई अमेरिकाबाट प्रदर्शन सुरु गर्नेछौ त्यसपछि नेपाललगायत विश्वभर प्रदर्शन गर्ने तयारी गरेका छौँ,’ अनुले भन्नुभयो । बोस्टन पछि अमेरिकाको विभिन्न मुख्य शहरहरुमा चलचित्र प्रदर्शनको तयारीमा रहेको छ । अनुराधा फिल्मस् इन्टरनेशनलको निर्माण रहेको यो चलचित्रलाई निर्देशक सुरज चन्दले निर्देशन गर्नुभएको हो । चलचित्रमा नायक एसराज गराच, नायक रोहित रुम्बा, यमी...

नेपाल । निर्देशक तुलसी घिमिरेले चलचित्र ‘पहाड’ को छायाङ्कन सुरु गरेका छन् । हालै गोरखा दरबारमा पूजा गरेपछि अभिनेता मदनकृष्ण श्रेष्ठ, अरुण क्षेत्री र नवअभिनेत्री पञ्चमी घिमिरेको दृश्यलाई खिच्दै छायाङ्कन सुरु गरिएको हो । निर्देशक घिमिरेले युवा जनशक्ति विदेश पलायन हुँदा खाली भएका पहाड र यसले ल्याउने सामाजिक तथा आर्थिक समस्याको कथावस्तु रहेको चलचित्रको छायाङ्कन गोरखा आसपासमा २५ दिनसम्म हुने बताए । यस चलचित्रबाट निर्देशक घिमिरेको छोरी पञ्चमी घिमिरेले अभिनयको सुरुवात गरेकी छिन् । चलचित्र कर्ममा छोरीको आगमनले आफूलाई खुसी लागेको निर्देशक घिमिरेले बताए । यस चलचित्रमा नागरिकको दायित्व र देशको आवश्यकतालाई चित्रण गरिएको छ । ओजस्वी केसी निर्माता रहेको सो चलचित्रलाई प्रमोद प्रधानले छायाङ्कन गरिरहेका छन् । चलचित्रमा विपिन कार्की, सुनिल थापालगायतका कलाकारको अभिनय रहने छ । यसमा रञ्जित गजमेरले सङ्गीत सि...

कोलोराडो । यही मार्चदेखि अमेरिकाको कोलोराडोसहित बिभिन्न राज्यका बिभिन्न शहरमा तय भएको सांगीतिक यात्रा ‘आरोह अमेरिका टूर–सुजन चापागाईं एण्ड द ब्याण्ड) कार्यक्रम हाललाई स्थगित भएको छ । नेपालस्थित अमेरिकी दूतावासमा शुक्रबार भिसाको लागि भएको अन्तरवार्ताको क्रममा ८ जना ब्याण्डका सदस्य मध्ये १ जनाले मात्र भिसा प्राप्त गर्दा पूर्वनिर्धारित कार्यक्रमहरु प्रभावित बनेका हुन् । भिसा नपाएपनि गायक सुजन चापागाईंले लगभग २ बर्षको आन्तरिक तयारी पश्चात अमेरिकाबाट प्रत्यक्ष म्युजिकल लाईभ जर्नी पुनः शुरुवात गर्ने बाचा पूरा गर्न नसक्ने जानकारी गराउंदै गर्दा नमिठो अनुभव भएको भन्दै सम्पूर्ण आयोजक, दर्शक तथा शुभचिन्तकप्रति क्षमा मागेका छन् । ...

नेपाल । वरिष्ठ हास्यव्यंग्य कलाकारद्वय मदनकृष्ण श्रेष्ठ र हरिवंश आचार्यले आफूहरुविरुद्ध सामाजिक सञ्जालमा चलिरहेको भ्रामक प्रचारबाजीको खण्डन गरेका छन् । दातृ निकायको सहयोगमा आफूहरूले बनाएका कार्यक्रमहरूमा कतै पनि हिन्दू धर्मलाई ठेस पुर्‍याउने काम नगरेको उनीहरूको प्रष्टीकरण छ । मह जोडीले अमेरिकी सहयोग नियोग युएसएडबाट अनुदान लिएर हिन्दू धर्मविरुद्ध कार्यक्रमहरू बनाएको भन्दै केही व्यक्तिहरूले सामाजिक सञ्जालमा व्यापक प्रचार गरिरहेका छन् । मदनकृष्ण र हरिवंश दुवैले एक ठाउँ बसेर आज यसको खण्डन गरेका हुन् । आफूहरूले यूएसएडको पैसामा केही सचेतनामूलक कार्यक्रमहरू बनाएको भए पनि ती कार्यक्रममा कुनै धर्मको पक्षपोषण वा विरोध नभएको उनीहरूको भनाइ छ ।...

नेपाल । सोमबार अभिनेता राजेश हमाल युवाहरुलाई आशावादी हुन र आफ्नो खुबी पहिचान गरेर अघि बढ्न युवाहरूलाई सुझाव दिंदै हुनु हुन्थ्यो । सोमबार काठमाडौँमा आयोजित एक कार्यक्रममा बोल्नुहुँदै उहाँले जीवन सहज नभएको तर कहिले कहीँ आउने सहजतालाई उपभोग गरेर कृतज्ञ हुन आग्रह गर्नुभयो । उहाँले आफ्नो खुबीको पहिचान गरी अघि बढ्नसके हरेक मानिस सफल हुने बताउनुभयो । उहाँले युवावस्थामा मेहनत गरी प्रतिफल पाउन नसकिने बताउनुभयो । उहाँले क्षमता र अवसर पाए गर्नसक्छु भन्ने आत्मविश्वास हुनुपर्ने जानकारी दिनुभयो । अभिनेता हमालले आजको प्रविधिको युगमा प्रविधिबाट धेरै कुराहरू गर्न सकिने बताउनुभयो ।...

नेपाल । अभिनेतृ जल शाहकी १६ वर्षीय छोरी कलश रिमालले नेपालका दुर्गम भेगमा शिक्षाबाट वञ्चित बालबालिकालाई सहयोग गर्ने उद्देश्यले शिक्षा फाउन्डेसन स्थापना गर्नुभएको छ । आइतबार काठमाडौँमा आयोजित पत्रकार सम्मेलनमा अमेरिकामा कक्षा ११ मा अध्ययनरत कलशले आफ्नो गैरनाफामूलक सामाजिक संस्था ‘शिक्षा फाउन्डेसन’ स्थापना गरेको औपचारिक घोषणा गर्नुभएको हो । बुवाआमाले टीका लगाएर दिएको दक्षिणा, जन्मदिनमा उपहारका रूपमा पाएको रकम सङ्कलन गरेर उनले शिक्षा फाउन्डेसनमार्फत समाज सेवाको थालनी गरेको उहाँले जानकारी दिनुभयो । अमेरिकामै जन्मिएर उतै हुर्किए पनि आफूलाई नेपाल, नेपाली भाषा तथा नेपालको दुर्गम भेगका बालबालिकासम्म शिक्षाको पहुँच पुग्नु पर्छ भन्ने उद्देश्यले आफूले संस्थागत रूपमा समाज सेवाको थालनी गरेको उहाँले पत्रकार सम्मेलनमा बताउनुभयो । अभिनेतृ जल शाहले आफ्नी दिवङ्गत आमा साहित्यकार प्रेमा शाहको गुण आफ्नी छोरीम...

अमेरिका । २०८२ साल लक्ष्मीपूजाको दिन प्रदर्शन मिति तय गरिएको चलचित्र ‘डल्लेले इन्ट्री मार्यो’मा नायक नवराज श्रेष्ठलाई मुख्य भूमिकामा अनुबन्धित गरिएको छ । लामो समयदेखि अमेरिकामा रहेर नेपाली चलचित्र र चलचित्रकर्मीको बिकाश र बिस्तारका लागि अनवरत सकृय रहँदै आउनु भएका श्रेष्ठको अभिनयको क्षेत्रमा पुनःआगमन भएको हो । उक्त चलचित्रका निर्देशक राजु गिरी रहनु भएको छ भने प्रोड्यूसरहरुमा सावित्रा चिलुवाल, आशिक बस्नेत, आदर्श बस्नेत र निर्मला बस्नेत रहनु भएको छ । उषा फिल्म प्रोडक्शनको ब्यानरमा उक्त चलचित्र निर्माण हुन लागेको निर्देशक गिरीले उल्लेख गर्नु भएको छ । नायक श्रेष्ठ ग्लोबल नेपाली फिल्म अवार्ड यूएसएका अध्यक्ष हुनु हुन्छ । ...

अमेरिका । शुक्रबार १४ फ्रेब्रुअरी, प्रणय दिवस अर्थात् ‘भ्यालेन्टाइन डे’ । नेपालसहित विश्वभर यो दिवस फूल तथा उपहार साटासाट गरेर मनाइएको छ । यस दिनलाई विशेषगरी युवाहरुले उत्सवका रुपमा मनाउने गर्छन् । रेस्टुँरा तथा मलहरुमा भ्यालेन्टाइनलक्षित साजसज्जा गरिएका थिए भने फूल तथा उपहार किन्नेहरुको पनि बजारमा चहलपहल देखिएको थियो । रोमन सम्राट क्लाउडियसले विवाह गर्न निषेध गरेको विरोधमा युवायुवतीहरुलाई प्रेमका लागि उत्प्रेरित गर्ने भ्यालेन्टाइनलाई मृत्युदण्ड दिएको सम्झनामा हरेक वर्ष फेब्रुअरी १४ का दिन यो दिवस मनाउने गरिन्छ ।...

नेपाल । १६ औँ राष्ट्रिय बालनाटक महोत्सव तथा बाल लघुचलचित्र प्रदर्शन बिहीबारदेखि सुरु भएको छ । चलचित्र विकास बोर्डका अध्यक्ष दिनेश डिसीलगायत रुसी सदन काठमाडौँका निर्देशक आन्तोन मास्लोभलगायतले कार्यक्रमको शुभारम्भ गर्नुभयो । चलचित्रसँगै नाट्य क्षेत्रलाई पनि सँगै अगाडि बढाउनुपर्ने बोर्ड अध्यक्ष डिसीले बताउनुभयो । उहाँले बालबालिकालाई अगाडि बढ्न र आफ्नो लक्ष्य पहिचान गर्न ढिला नगर्नसमेत आग्रह गर्नुभयो । शैली थिएटरका अध्यक्ष एवं महोत्सव निर्देशक नवराज बुढाथोकीले बालबालिकाको हारलाई जितमा परिणत गर्न सक्ने गरी अगाडि बढाउन बाल लघुचलचित्र प्रदर्शन गरिएको बताउनुभयो । उहाँले करिब १६ वर्षसम्म अनवरत रूपमा नाटक र थिएटरलाई सार्थक रूपमा अगाडि बढाइरहेको बताउनुभयो । रुसी सदनका निर्देशक आन्तोनले रङ्गमञ्च र यसको सम्मिश्रणले बालसाहित्यसहित नाट्य क्षेत्रमा फरकपन भित्रिने बताउनुभयो । उहाँले नेपाल र रुसको सांस्कृ...

अमेरिका । नेपथ्यले अष्ट्रेलियामा श्रृंखलावद्ध साँगीतिक यात्रा गर्ने भएको छ । वर्ष २०२५ को यो पहिलो विदेश भ्रमणमा एक महिना लगाएर ब्याण्डले सातवटा अष्ट्रेलियाली सहरहरुमा आफूलाई प्रस्तुत गर्नेछ । आगामी मार्च महिनाको ३ तारिख संघीय राजधानी क्यानबेराबाट सुरु हुने नेपथ्य यात्रा त्यसै महिनाको २९ तारिख सिड्नीमा पुगेर सम्पन्न हुनेछ । त्यसबीच ब्याण्डले पर्थ, ब्रिसबेन, होबार्ट, एडिलेड र मेलबर्नको मञ्चमा आफुलाई उभ्याउने छ । नेपालीपनमा रमाउने संसारभरिका श्रोता दर्शकहरुलाई लोकरकका माध्यमबाट जोड्दै आएको अग्रणी ब्याण्ड नेपथ्यको यो सातौँ अष्ट्रेलिया यात्रा श्रृंखला हो । अष्ट्रेलियाको यात्रामा यसपटक छ जना ब्याण्डका सदस्य र आठ जना प्राविधिक एवम् व्यवस्थापन गरेर १४ सदस्यीय समूह प्रस्थान गर्नेछ । ...