मनोरन्जन

नेपाल । संसारभर नेपथ्य सङ्गीतकर्ममा स्थापित नाम बनिसकेको छ । स्थापना भएको साढे तीन दशकपछि यो ब्यान्ड सुनिने मात्र होइन, पढिने सामग्रीका रूपमा पनि पाठकमाझ उपस्थित हुँदैछ । नेपाली श्रोताले अत्यधिक मन पराएको साङ्गीतिक समूह नेपथ्यको जीवनीमा आधारित २०२५ को प्रारम्भकै दिन खुला हुँदै छ । “हामीले आजसम्म अनेक जिज्ञासाको जवाफ दिँदै आएका छौँ,” ब्यान्डका संस्थापक एवं मुख्य गायक अमृत गुरुङ भन्नुहुन्छ, “तर आजसम्म नसोधिएका थुप्रै प्रश्नको उत्तर यो पुस्तकले प्रस्तुत गर्ने छ ।” पुस्तकमा नेपथ्यको जन्म, उतारचढाव तथा गीतहरूको खोजीमा गरिएका सङ्घर्षको अनुभव पढ्न सकिन्छ । सङ्गीतबाट अर्जित लोकप्रियतालाई नेपाली समाजको समग्र हितमा कसरी उपयोग गर्न सकिन्छ भनेर गरिएका प्रयत्नको जानकारी पनि यसले समेटेको छ । पुस्तकमा ब्यान्डका उज्याला पक्षहरू मात्र नभई जानी नजानी भए गरेका अँध्यारा पाटाहरू र सिकाइ पनि इमादारीसाथ प्रस्त...

नेपाल । तमु ल्होसारको अवसर पारेर कलाकार बुद्धी तामाङको निर्माण रहने फिल्म ‘कुस्ती’ घोषणा गरिएको छ । अनिल योञ्जनको लेखन तथा निर्देशनमा तयार हुने फिल्मको सार्वजनिक पोस्टरमा धीरज मगर र मिरुना मगर फिचर्ड छन् । यसपटक पोस्टरमा लाइट ग्रीन र लाइट पिङककोको प्रयोग गरिएको छ । पोस्टरमा धीरज मगरले लाइट पिङ्क ड्रेस लगाएका छन् भने मिरुना मगरले लाइट ग्रीन ड्रेसमा देखिएका छन् । धीरजको स्वभाव लाइट पिङ्क जस्तै छ । उ जेन्टल छ, केयरिङ छ, रोमान्टिक छ र सफ्ट छ । यस्तै, मिरुना लाइट ग्रीन कलर झैँ प्रगतिशील सम्बन्ध जोड्ने, हरेक कुरामा पर्फेक्ट खोज्ने स्वभावकी छिन् । फिल्ममा धीरज र मिरुनासँगै बुद्धी तामाङको पनि अभिनय रहने छ । अनुषा सिनेमावुड पिक्चर्स प्रालिको व्यानरमा बन्ने फिल्म ‘कुस्ती’ मा सम्बन्धमा रहेको एक जोडीको प्रेम कथा देखाइने निर्देशक योञ्जनले बताए । ...

अमेरिका । अमेरिकाको विभिन्न सहरमा नेपाली कला र संस्कृति प्रवर्द्धन गर्ने उद्देश्यले साङ्गीतिक तथा हास्य व्यङ्ग्यात्मक कार्यक्रम हुने भएको छ । ‘अब नाच्छ अमेरिका २’, ‘अब हाँस्छ अमेरिका २’ र ‘अब सुन्छ अमेरिका’ शीर्षकमा तीन भिन्न कार्यक्रम आयोजना गरिने आयोजक ‘फ्लाइ नेपा’का अध्यक्ष विनोद अधिकारीले जानकारी दिए । अमेरिकाको न्युयोर्क, वासिङ्टन डिसी, ओहायो, कोलोराडो, बोस्टन, पेन्सेल्भेनिया, सिकागो, क्यालिफोर्नियालगायत सहरमा कार्यक्रम हुनेछ । यस अगाडि फ्लाई नेपाले ‘अब नाच्छ अमेरिका’ र ‘अब हाँस्छ अमेरिका’ कार्यक्रम सम्पन्न गरिसकेको छ। अध्यक्ष अधिकारीले ‘अब नाच्छ अमेरिका २’ अन्तर्गत गायक बद्री पङ्गेनी र प्रताप दास, गायिका कला लम्साल र एलिना चौहान, ‘अब सुन्छ अमेरिका’ अन्तर्गत कवि प्रदीप रोदन र साइग्रेस पोखरेल तथा ‘अब हाँस्छ अमेरिका २’ मा मिस पवि, पवन खतिवडा, सुजीता श्रेष्ठलगायतको प्रस्तुति रहने जानक...

नेपाल । चितवन सौराहाकी बिजुलीकलीले हात्ती सुन्दरीको ताज पहिरिएकी छन् । सौराहामा जारी हात्ती तथा पर्यटन महोत्सव अन्तर्गत शुक्रबार भएको हात्ती सुन्दरी प्रतियोगितामा प्रतिस्पर्धी चार वटा हात्तीलाई पछि पार्दै विजुलीकलीले हात्ती सुन्दरीको उपाधि जितेकी हुन् । ४१ बर्षीय बिजुलीकली युनाइटेड हात्ती सञ्चालन सहकारी संस्थाका आबद्ध हात्ती हो । ३०० पूर्णाङ्कमा २२२ अंक प्राप्त गरी विजुलीकलीले सुन्दरीको ताज सुरक्षित गर्न सफल भएकी महोत्सव अन्तर्गतको खेलकुद तथा कलाकार व्यवस्थापन समितिका संयोजक ऋषि तिवारीले जानकारी दिए । हात्ती सुन्दरी प्रतियोगितामा पुनमकली, पुजा कली, चम्पाकली र एकताकली सहभागी भएका थिए । सुन्दरीप्रतियोगिताको निर्णायकले हात्तीको आनीबानी, सरसफाइ, हिँडाइ, श्रृङ्गार, आँखाको सुन्दरता, हिँडाई, शरीरको बनावट, माउतेले भनेको मान्ने, नमान्ने र रौँको अवस्था हेरेर मूल्यांकन गर्ने तिवारीले बताए । गरिने ब...

काठमाडौं । भारतका चर्चित गायक सोनु निगमले बुधबार नेपालमा सांगीतिक प्रस्तुती दिएका छन् । क्रिसमसको अवसरमा बौद्ध तुसालमार्गस्थित ह्यात चौरमा उनले सांगीतिक प्रस्तुती दिएका हुन् । । प्रशस्तै हिट नेपाली गीतसमेत गाइसकेका निगमलाई स्वागत गर्न आयोजक नेपाल टचका पदाधिकारी त्रिभुवन अन्तर्राष्ट्रिय विमानस्थल पुगेका थिए । उनलाई स्वागत गर्न चर्चित हाँस्य कलाकार सन्दीप क्षेत्री पनि विमानस्थल पुगेका थिए । उनलाई विमानस्थलमा सन्दीप र आयोजक टीमले नेपाली ढाका टोपी लगाएर स्वागत गरेका थिए । हायात रिजेन्सीको मैदानमा ३ घण्टा चलेको कन्सर्टमा झण्डै १० हजार दर्शक आफ्ना गीतमार्फत मनोरञ्जन दिए । कन्सर्टपछि निगम बिहीबार बेलुका भारत फर्किने तयारी छ । त्यसअघि उनले बिहीबार बिहान पशुपतिनाथ दर्शन र पर्वतीय उडान भर्नेछन् ।...

नेपाल । नेपाली गीत, सङ्गीत तथा सञ्चार क्षेत्रमा विशिष्ट योगदान पुर्‍याउने व्यक्तित्वलाई नातिकाजी राष्ट्रिय सङ्गीत सम्मान तथा पुरस्कार–२०८० प्रदान गरिने भएको छ । वरिष्ठ गायिका मीरा राणाको संयोजकत्वमा गठित सम्मान तथा पुरस्कार सिफारिस समितिको सिफारिस अनुसार सम्मानित तथा पुरस्कृतको नाम सार्वजनिक गरिएको हो । नातिकाजी स्मृति समाजद्वारा बुधबार राजधानीमा आयोजित सङ्गीत महर्षि नातिकाजी श्रेष्ठको ९९ औँ जन्मजयन्तीमा सो सम्मान तथा पुरस्कार घोषणा गरिएको हो । कार्यक्रममा दिइएको जानकारी अनुसार नगेन्द्र थापा, बोमबहादुर कार्की, धन लामा, प्रकाश सायमि, ज्ञानुराधा गोर्खाली, बुद्धवीर लामा, दिवाकर खड्‌का र किरण केसी ‘क्रोधी’ लाई नातिकाजी राष्ट्रिय विशिष्ट सङ्गीत सम्मान–२०८० प्रदान गरिने भएको छ । त्यस्तै हिमाल सागर, विन्दु परियार, वी पाण्डे, आशिष अविरल (खिमबहादुर गौतम) र सम्राट थापालाई नातिकाजी राष्ट्रिय सङ्गीत...

अमेरिका । तबलावादक जाकिर हुसैनको निधन भएको छ । उहाँको अमेरिकाको सान फ्रान्सिस्कोस्थित एक अस्पतालमा सोमबार निधन भएको हो । उहाँ गम्भीर स्वास्थ्य समस्याका कारण विगत दुई सातादेखि अस्पताल भर्ना हुनुहुन्थ्यो । सोमबार बिहान परिवारले जाकिर हुसैनको मृत्यु भएको पुष्टि गरेको थियो । जाकिरको मृत्युको पुष्टि गर्दै परिवारले आधिकारिक विज्ञप्ति पनि जारी गरेको छ । उहाँको मृत्यु फोक्सोमा असर गर्ने रोगका कारण भएको विज्ञप्तिमा जनाइएको छ । प्रसिद्ध तबलावादक जाकिर हुसैनले अन्तर्राष्ट्रियस्तरमा आफ्नो पहिचान बनाउनुभएको थियो । सन् १९५१ मा उस्ताद अल्लाह राखको घरमा जन्मनुभएका जाकिर बाल्यकालदेखि निकै प्रतिभाशाली हुनुहुन्थ्यो । हुसेन एक उत्कृष्ट तबलावादकका साथै उत्कृष्ट सङ्गीतकार पनि हुनुहुन्थ्यो । उहाँले ‘हिट एन्ड डस्ट’ र ‘इन कस्टडी’ जस्ता चलचित्रका लागि सङ्गीत दिनुभएको थियो । अन्तर्राष्ट्रिय ब्याले र आर्केस्ट्रा न...

नेपाल । चलचित्र ‘कार्साङ’ को टिजर सार्वजनिक गरिएको छ । गाउँमा धामी बसेको सेटअपबाट सुरु हुने टिजरमा गरिबी, अभाव, निःसन्तानपनले दिएको सास्ती र त्यसले दाम्पत्य जीवनमा सिर्जना गर्ने श्रीमान्श्रीमतीबिचको ठाकठुक देख्न सकिन्छ । ऋण, सरसापटले काम चलाउने ग्रामीण परिपाटी, एकजोर नयाँ लुगाका लागि सन्तानले गरेको अपेक्षा पूरा गर्न नसक्ने अभिभावकको चरम गरिबी टिजरमा समावेश छ । टिजरले गरिबीका कारण कसरी आममान्छे आफ्नै दाजुभाइ र समाजबाट हेपिन्छन् भन्ने कथालाई प्रस्तुत गरेको छ । सन्तान नजन्मिएपछि श्रीमानश्रीमतीले एकअर्कालाई गर्ने दोषारोपणलाई पनि टिजरमा उतारिएको छ । यम शेर्पाले ‘डेब्यु’ निर्देशन गर्नुभएको चलचित्रको कथा पनि निर्देशक आफैँले लेख्नुभएको हो  । चलचित्रमा दयाहाङ राई, सिर्जना निङलेखु, जितु नेपाल, दिया मास्के, बुद्धि तामाङको मुख्य भूमिका रहेको छ ।...

नेपाल । शिल्पा केसीद्वारा निर्देशित ‘दसैँ आयो’ ले एक लाख नगद पुरस्कार जितेको छ । ओस्कर इन्टरनेसनल कलेज (कलेज अफ फिल्म स्ट्डिज) द्वारा आयोजित ‘दोस्रो युवा सर्ट फिल्म प्रतिस्पर्धामा ‘दसैँ आयो’ पहिलो भएको हो । प्रतियोगितामा अर्जुन तिरुवाको ‘द ब्रिज’ र विशाल झाको ‘अन्तिम यात्रा’ ले दोस्रो र तेस्रो स्थान हासिल गर्दै क्रमशः ५० हजार र २५ हजार नगद जितेका छन् । देवनन्दन मण्डलको पेपर बोन्ड्स स्पेसल मेन्सनमा पर्न सफल चलचित्र बन्यो । पुरस्कार घोषणाअघि प्रतिस्पर्धाको अन्तिम छनोटमा पर्न सफल नौ वटा लघुचलचित्र प्रदर्शन गरिएका थिए  ।...

नेपाल । यस वर्षको ‘राष्ट्रिय चलचित्र पुरस्कार’मा फिल्म ‘प्रसाद २’बाट विपिन कार्की उत्कृष्ट अभिनेता र ‘दिमाग खराब’बाट स्वस्तिमा खड्का उत्कृष्ट अभिनेत्री घोषित भएका छन् । बुधबार शीतल निवासमा आयोजित पुरस्कार वितरण समारोहमा राष्ट्रपति रामचन्द्र पौडेलको बाहुलीबाट उनीहरुले अवार्ड ग्रहण गरे । उनीहरुले यसअघि पनि राष्ट्रिय अवार्ड प्राप्त गरिसकेका छन् । राष्ट्रिय अवार्डमा उत्कृष्ट फिल्म भने ‘बुलाकी’ बन्यो । यसले अन्य दुई विधामा पनि अवार्ड जितेको छ । लेखनमा राजबहादुर साने र छायांकनमा शिव ढकालले अवार्ड प्राप्त गरेका हुन् । उत्कृष्ट निर्देशकको अवार्ड भने ‘दिमाग खराब’बाट निश्चल बस्नेतले प्राप्त गरे । सम्पादनतर्फ ‘महाजात्रा’बाट मित्र डी गुरुङ उत्कृष्ट घोषित हुँदा आदिवासी मातृभाषी फिल्मतर्फ ‘लोजिमा’ले अवार्ड जितेको छ । त्यस्तै, निर्णायक समिति प्रोत्साहन पुरस्कार ‘टुल्की’बाट अभिनेत्री स्वस्तिमा का...