जेठ १८ देखि आप्रवासी श्रमिक प्रवेशमा रोक लगाउने मलेसिया सरकारको निर्णय
मलेसिया । नेपाली श्रमिकको प्रमुख गन्तव्य मुलुक रहेको मलेसियाले आगामी जेठ १८ (मे ३१) देखि औपचारिक क्षेत्रमा काम गर्न आउने आप्रवासी श्रमिक प्रवेशमा रोक लगाउने निर्णय गरेको छ ।
मागभन्दा आपूर्ति बढी भएको र त्यसले आन्तरिक सुरक्षामा समस्या सिर्जना गरेको भन्दै मलेसियाले अर्को सूचना जारी नभएसम्मका लागि भन्दै आप्रवासी श्रमिकलाई भर्ना नलिने निर्णय गरेको हो ।
मलेसियाली गृह मन्त्रालयले आवश्यक पर्ने आप्रवासी श्रमिकलाई मे ३१ अघि नै ल्याइसक्न रोजगारदाता कम्पनीलाई समयसीमा समेत तोकिदिएको छ । रोजगारदाता कम्पनीले आप्रवासी श्रमिक ल्याउन अनुमति पाएको कोटा प्रयोग नगर्ने भए सो मितिभित्र रद्द गरिसक्नुपर्ने जनाउसमेत गृह मन्त्रालयले दिएको छ ।
मलेसियाको गृह मन्त्रालयले मे १७ भित्रै आप्रवासी श्रमिकको भिसा लगाइसक्नुपर्ने जनाएको छ ।...
