अर्थतन्त्र

नेपाल । सहकारी संस्था बचत रकम दुरुपयोग संसदीय छानबिन विशेष समितिले सक्रियता देखाएको छ । उक्त समितिले दिनदिनै सरोकारवाताहरुसँग छलफल गर्दै आएको छ । समितिको मंगलवार सिंहदरबारमा बसेको समितिको बैठकले असार २६ गते बुधवार पीडितहरूसँग छलफल गर्ने निर्णय गरेको हो। पीडितहरूसँग छलफल गरी त्यहाँभित्रको समस्या समाधानका लागि थप तथ्यहरूको खोजी गर्ने काम हुने पनि विशेष समितिले जनाएको छ । सम्बन्धित क्षेत्रका व्यक्तिहरुसँग छलफल गरी समस्या समाधानको निश्कर्ष दिने समितिको तयारी छ । ...

नेपाल । नेपाल उद्योग वाणिज्य महासंघको अध्यक्ष पुनः प्रत्यक्ष निर्वाचनबाट निर्वाचित हुने भएको छ । यसअघिको बरिष्ठ उपाध्यक्ष स्वतः अध्यक्ष हुने बिधानको ब्यवस्थालाई सोमबारको बैठकले उल्ट्याएको हो । यसअघिको विधानमा महासंघका वरिष्ठ उपाध्यक्ष आगामी कार्यकालमा स्वतः अध्यक्ष हुने प्रावधान थियो । कार्यसमितिले संशोधन गरेको विधानलाई आगामी मंसिरमा हुने साधारण सभाले पारित गरेपछि कार्यान्वयनमा आउने छ । यसअघि भवानी राणा वरिष्ठ उपाध्यक्ष हुँदा विधान संशोधन गर्दै स्वतः अध्यक्ष हुने व्यवस्था गरिएको थियो । सोमबार संशोधित प्रावधान हालका वरिष्ठ उपाध्यक्ष स्वतः अध्यक्ष भएपछि अर्को कार्यकालबाट लागू हुनेछ । अहिले वरिष्ठ उपाध्यक्षमा अन्जन श्रेष्ठ हुनुहुन्छ । श्रेष्ठपछि अध्यक्ष चयनका लागि प्रत्यक्ष निर्वाचन हुनेछ । संशोधित विधानमा वरिष्ठ उपाध्यक्ष दुई जना रहने व्यवस्था गरिएको छ । त्यस्तै हाल तीन रहेको उपाध्यक्षम...

नेपाल । आतइतबार नेपालमा सुनको मूल्यले ऐतिहासिक रेकर्ड बनाएको छ । सुनको मूल्य प्रतितोला १ हजार बढेर १ लाख ४५ हजार ४०० रुपैयाँमा कारोबार भयो । गत शुक्रबार शुक्रबार प्रतितोला छापावाला सुनको भाउ १ लाख ४४ हजार ४०० रुपैयाँमा कारोबार भएको थियो । तेजाबी सुनको भाउ १ लाख ४४ हजार ७०० रुपैयाँमा कारोबार भएको थियो । यस्तै, आइतबार प्रतितोला २० रुपैयाँ बढेर १ हजार ८९० रुपैयाँमा कारोबार भएको थियो । शुक्रबार १ हजार ८७० रुपैयाँमा कारोबार भएको थियो ।...

नेपाल । नेपालमा पहेँलो धातुको मूल्य तोलामा रु एक हजार छ सयले वृद्धि भएको छ । नेपाल सुनचाँदी व्यवसायी महासङ्घका अनुसार छापावाला सुन बुधबार प्रतितोला रु एक लाख ४२ हजार सात सयमा कारोबार भएकोमा बिहीबारका लागि भने रु एक लाख ४४ हजार तीन सय निर्धारण भएको थियो । यसैगरी, तेजाबी सुन बुधबार प्रतितोला रु एक लाख ४२ हजारमा कारोबार भएकामा सोही परिमाणको तेजाबी सुन आजका लागि रु एक लाख ४३ हजार छ सयमा बिक्री बितरण भयो । यसैगरी, चाँदीको मूल्य तोलामा रु ४० ले बढेको छ। बुधबार प्रतितोला रु एक हजार आठ सय २५ मा कारोबार भएको चाँदीको मूल्य बिहीबारका लागि भने रु एक हजार आठ सय ६५ निर्धारण भएको थियो ।...

नेपाल । नेपालमा साल्ट ट्रेडिङ कर्पोरेसन लिमिटेडले नूनको मूल्य बढाएको छ । कर्पोरेसनबाट बिक्री वितरण भइरहेको नूनको मूल्य समायोजन गर्ने निर्णय भएको कम्पनीले विज्ञप्तिमार्फत जनाएको हो । समायोजित मूल्यअनुसार आयोनून एक किलो प्याकेटको २३ बाट बढेर २६ पुगेको छ । न्यूशक्ति नून एक किलोको १७ रहेकामा बढेर २० कायम भएको छ । यस्तै भानू नून एक किलोको मूल्य नौ तोकिएको छ ।...

नेपाल । ८ अर्ब रकम हिनामिना गरेको आरोपमा राष्ट्रिय सहकारी बैंकका अध्यक्ष समेत रहेका आइडियल यमुना हाम्रो सहकारी संस्थाका अध्यक्ष केबी उप्रेती पक्राउ परेका छन् । उनलाई प्रहरीले बालाजुबाट बुधबार बिहान पक्राउ गरेको हो । ३० हजारभन्दा बढी बचतकर्ताको ८ अर्ब रुपैयाँ बचत रहेको आइडियल यमुना हाम्रो सहकारी संस्था अध्यक्ष उप्रेती विरुद्ध बचत रकम हिनामिना जाहेरी परेपछि प्रहरीले पक्राउ गरेको हो । पक्राउ पुर्जी जारी रहेकाले उनीहरू पनि हाल फरार छन् । ...

नेपाल (हेटौंडा) । सुख्खा मौसमले तराईमा दुध उत्पादन घट्दा हेटौँडा दुग्ध वितरण आयोजनाको दूध संकलन प्रभावित भएको छ । सो आयोजनाले केही महिना अघिसम्म तराई क्षेत्रबाट दैनिक २२ देखि २३ हजार लिटरसम्म दूध संकलन गर्दै आएको थियो । सोही अवधिमा विराटनगरमा धुलो दुध उत्पादनका लागि दैनिक १२ हजार लिटर दुध पठाउँदै आएको थियो । हाल दैनिक छ हजार लिटर दूध संकलन गर्ने गरेको छ । संकलित दूध वीरगञ्ज, हेटौँडा र भरतपुरका उपभोक्ताले दैनिक चार हजार लिटर खपत गर्ने गरेको आयोजनाले जनाएको छ । मधेस प्रदेशको सर्लाही, बारा, रौतहट, पर्सा र बागमतीको मकवानपुरसमेत गरी करिब दुई सय दुध उत्पादक सहकारी संस्थाबाट आयोजनाले दैनिक दुध खरिद गर्दै आएको छ । आयोजनाले तराईका चार जिल्ला र बागमतीको मकवानपुर गरी करिब १२ हजार कृषकबाट दैनिक छ हजार लिटर दुध खरिद गरी मासिक एक करोड ५० लाख रकम भुक्तानी दिने गरेको हेटौँडा दुग्ध वितरण आयोजनाका प्रमुख ...

नेपाल । नेपालमा पेट्रोलियम पदार्थको मूल्य बढेको छ । ईण्डियन आयल कर्पोरेशनबाट आइतबार प्राप्त नयाँ मूल्यमा वृद्धि भएपछि नेपाल आयल निगमले पेट्रोलमा प्रतिलिटर २ तथा डिजल र मट्टितेलमा प्रतिलिटर ५ रुपैयाँका दरले मूल्य वृद्धि गरेको हो । रिएको नेपाल आयल निगमका प्रवक्ताले विज्ञप्तिमार्फत जानकारी दिएका छन् । वृद्धि भएको मूल्य आइतबार राति १२ बजेदेखि लागू भएको छ । ...

नेपाल । काठमाडौंको चक्रपथ (रिङरोड) विस्तारका लागि शनिबार नेपाली कांग्रेसका नेता एवम् प्रतिनिधि सभा सदस्य प्रदीप पौडेलको नेतृत्वमा कलंकी क्षेत्रबाट दबाब यात्रा निकालियो । केही दिनअघि मात्रै नेता पौडेलले चक्रपथ विस्तारको बाँकी काम सम्पन्न गर्न आवश्यक बजेट व्यवस्थापनका लागि प्रधानमन्त्री प्रचण्ड र अर्थमन्त्री वर्षमान पुनलाई भेटी ध्यानाकर्षण गराएका थिए । साथै उनले यस विषयमा संसदमा पटक–पटक आवाज उठाउँदै आएका छन् । उनले काठमाडौं महानगरका प्रमुख बालेन्द्र शाहसँग र चिनियाँ राजदूत सँग पनि चक्रपथ विस्तारको बाँकी काम सम्पन्न गर्ने विषयमा छलफल गरेका थिए । काठमाडौंको चक्रपथ समयमै निर्माण सम्पन्न नहुँदा वातावरणदेखि यहाँका बासिन्दाको स्वास्थ्यमा प्रत्यक्ष रुपमा गम्भीर असर परिरहेको उनको भनाइ छ । ...

नेपाल (हेटौँडा) । बागमती प्रदेश सरकारको आगामी आर्थिक वर्षको बजेट बहुमतले पारित भएको छ । बिहीबार बसेको प्रदेशसभा बैठकले प्रदेश सरकारको आगामी आर्थिक वर्ष २०८१–०८२ को बजेट बहुमतले पारित गरेको हो । प्रदेशसभामा प्रतिनिधित्व गर्ने विपक्षी दलहरुको असहमतिका बिच सत्तारुढ दलका बहुमत सदस्यहरूको समर्थनमा सरकारको विनियोजन विधेयक र आर्थिक विधेयक बहुमतले पारित भएको छ । बजेटमा नेपाली कांग्रेस ३७, राप्रपाका १३ र नेकपाकाका ३ सहित ५३ सांसदहरू विपक्षमा रहेका थिए भने सरकारको नेतृत्व गरिरहेको नेकपा माओवादी केन्द्र, सत्ता साझेदार दल नेकपा एमाले, नेकपा एकीकृत समाजवादी पार्टी र हाम्रो नेपाली पार्टीका ५६ जना सांसदहरू बजेटको पक्षमा रहेका थिए । प्रदेशसभाको बैठकले ९ जना सांसदहरूले राखेको खर्च कटौतीको प्रस्ताव अस्वीकृत गर्दै बजेट पारित गरिएको हो । बैठकमा कांग्रेस सांसद प्रभात तामाङ, कृष्णकुमार तामाङ, छिरिङदोर्जे लाम...