नेपाल । बुधबार नेपाली बजारमा सुनचाँदीको मूल्य बढेको छ ।
बुधबार सुन तोलामा ८ सयले बढेको नेपाल सुनचाँदी व्यवसायी महासंघले जनाएको छ । छापावाल सुन एक लाख ५३ हजारमा कारोबार भएको थियो
यस अघि मंगलबार सुनको मूल्य १ लाख ५२ हजार २ सय रहेको थियो । त्यस्तै चाँदीको मूल्य आज प्रतितोला २५ ले बढेर १८३५ मा कारोबार भएको थियो ।...
नेपाल । उपप्रधानमन्त्री एवं सहरी विकासमन्त्री प्रकाशमान सिंहले सर्वसाधारणका लागि धरहरा छिट्टै खुला गर्न आवश्यक तयारी भइरहेको बताउनुभएको छ ।
सिंहदरबारस्थित सहरी विकास मन्त्रालयमा बुधबार सञ्चारकर्मीसँगको भेटमा उपप्रधानमन्त्री सिंहले धरहरा निर्माण सम्पूर्ण रूपमा सम्पन्न नभए पनि धरहरा चढ्न चाहनेका लागि आवश्यक प्रबन्ध मिलाइने बताउनुभयो ।
उहाँले भन्नुभयो, “धरहरा पूरै सञ्चालन गर्न नसकिए पनि केही भाग सञ्चालनमा ल्याउने गरी काम भइरहेको छ । धरहराको काम केही दिनमै सम्पन्न हुने होइन । धरहरा चढ्न चाहनेको बन्दोबस्त गर्न हामी लागिरहेका छौँ ।”
...
नेपाल । छिमेकी मुलुक भारतले अन्तरदेशीय व्यापारका लागि नेपालका १२ वटा जलविद्युत परियोजनाबाट थप २५१ मेगावाट विद्युत खरिदका लागि स्वीकृत गरेको छ ।
भारतको यो निर्णयसँगै नेपालले अब पहिलो पटक बिहारमा मध्यकालीन विद्युत बिक्री सम्झौतामार्फत विद्युत निर्यात गर्ने भएको छ ।
उर्जा मन्त्रालयका अनुसार भारतको पछिल्लो निर्णयले नेपालबाट हालसम्म ६९० मेगावाट (१६ वटा परियोजनाबाट) भारत निर्यात हुँदै आएकोमा अब ९४१ मेगावाट (२८ वटा परियोजनाबाट) विद्युत निर्यात हुनेछ । नेपालले गत आर्थिक वर्षमा १६ अर्ब ९३ करोड रुपैयाँबराबरको विद्युत भारतलाई बिक्री गरेकको छ ।
सन् २०२१ अक्टोबरमा भारतले पहिलोपटक नेपालबाट ३९ मेगावाट विद्युत निर्यात गर्न अनुमति दिएको थियो ।...
नेपाल । नेपालमा आइतबार शेयर बजार ३४.४७ अंक घटेर २९६६.३३ विन्दुमा बन्द भएको छ ।
३३० कम्पनीको ६ करोड ५४ लाख ७५ हजार ३६६ कित्ता शेयर ३ लाख ९१८ पटक खरिद बिक्री हुँदा २८ अर्ब ८३ करोड ६९ लाख ९७ हजार ३७६ बराबरको कारोबार भयो ।
आइतबार सेन्सेटिभ इण्डेक्स ६.६५ अंकले घटेको छ भने फ्लोट इण्डेक्स २.२५ अंक र सेन्सेटिभ फ्लोट इण्डेक्स १.५० अंकले घटेको छ । ४७ स्टकको मूल्य बढेको छ भने १९७ स्टकको मूल्य घटेको छ ।
कारोबारको आधारमा सबै भन्दा बढी हिमालय रिइन्सुरेन्सको ८२ करोड १४ लाख ८१ हजार १३५ कारोबार भएको थियो ।...
नेपाल । नेपाली बजारमा सुनको मूल्यले नयाँ रेकर्ड कायम गरेको छ । आइतबार नेपाली बजारमा सुनको भाउ अहिलेसम्मकै उच्च कायम भएको हो ।
नेपाल सुन चाँदी व्यवसायी महासंघका अनुसार आइतबारका लागि छापावाल सुनको भाउ प्रतितोला १ लाख ५२ हजार ६ सय तोकिएको थियो ।
शुक्रबारको तुलनमा सुनको भाउ प्रतितोला ३ हजार रुपैयाँले बढेको हो ।
त्यस्तै आइतबार चाँदीको भाउ पनि प्रतितोला ५० रुपैयाँले बढेको छ । शुक्रबार १ हजार ५ सय ६० रुपैयाँमा कारोबार भएको चाँदी आइतबार १ हजार ८ सय १० रुपैयाँमा खरिदबिक्री भएको थियो ।
...
नेपाल । एनआरएन नेपाल डेभलभमेन्ट फण्डलाई कार्यान्वयनमा ल्याउने तयारी भएको छ ।
उपप्रधान एवं अर्थमन्त्री विष्णुप्रसाद पौडेल, गैरआवासीय नेपाली संघका अध्यक्ष बद्री केसी, संस्थापक अध्यक्ष उपेन्द्र महतोलगायतबीच अर्थ मन्त्रालयमा उक्त फण्ड सञ्चालनमा ल्याउनेबारे छलफल भएको छ ।
२०८१ साल भदौको तेस्रो हप्ताभित्र डेभलपमेन्ट फण्डलाई सञ्चालनमा ल्याउन आवश्यक प्रक्रिया पूरा गर्ने सहमति बुझिएको छ । सरकारको समन्वय तथा सहकार्य र गैरआवासीय नेपाली संघको अग्रसरतामा नेपालमा पूर्वाधार क्षेत्रमा लगानी गर्ने गरी १० अर्ब रुपैयाँको कोष स्थापना गरी सञ्चालनमा ल्याउन लागिएको हो ।
एनआरएन नेपाल डेभलपमेन्ट फण्ड लिमिटेडमा सरकारको ५ प्रतिशत र गैरआवासीय नेपालीको ९५ प्रतिशत लगानी हुनेछ । विश्वभर रहेका नेपालीहरुको पुँजीलाई नेपालमा लगानी गर्ने उद्देश्यका साथ उक्त फन्ड स्थापना गरिएको हो ।...
नेपाल । गत आर्थिक वर्ष २०८०-०८१ मा १४ खर्ब ४५ अर्ब ३२ करोड रुपैयाँ रेमिट्यान्स भित्रिएको छ ।
नेपाल राष्ट्र बैंकले सार्वजनिक गरेको वार्षिक प्रतिवेदनमा अमेरिकी डलरमा रेमिट्यान्स आप्रवाह १४.५ प्रतिशतले बढेर १० अर्ब ८६ करोड पुगेको देखिएको छ । अघिल्लो वर्ष यस्तो आप्रवाह १३.९ प्रतिशतले बढेको थियो ।
उक्त अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ४ लाख ६० हजार १ सय ३ र पुनः श्रम स्वीकृति लिनेको संख्या २ लाख ८१ हजार १ सय ९९ रहेको छ । अघिल्लो वर्षको सोही अवधिमा यस्तो संख्या क्रमशः ४ लाख ९७ हजार ७ सय ४ र २ लाख ७७ हजार २ सय ७२ रहेको थियो ।
त्यस्तै गत आर्थिक वर्षको अन्त्यसम्म मुलुकको कुल विदेशी विनिमय (मुद्रा) सञ्चिति २० खर्ब ४१ अर्ब १० करोड रुपैयाँ पुगेको छ । २०८० असारको तुलनामा यो ३२.६ प्रतिशतले बढेको हो ।
२०८० असारमा यस्तो सञ्चिति १५ खर...
नेपाल । धितोपत्र बजारमा बिहीबार अर्को कीर्तिमान कायम भएको छ ।
कारोबार रकम हालसम्मकै उच्च विन्दुमा पुगेको हो । बिहीबार झण्डै रु ३० अर्ब बराबरको कारोबार भएको हो । उक्त दिन २९ अर्ब ९५ करोड ८५ लाखको शेयर किनबेच भएको थियो ।
नेपाल स्टक एक्सचेञ्जका अनुसार कारोबार मापक नेप्से परिसूचक ४३ दशमलव शून्य पाँच अंकले उकालो लागेर तीन हजार दशमलव ८१ मा पुगेको छ ।
केही समय यता नेपालको बजारमा उत्साह छाएको छ ।
...
नेपाल । नेपाल आयल निगमले पेट्रोल र डिजेल–मट्टितेलको मूल्य घटाएको छ ।
इण्डियन आयल कर्पोरेशनबाट बिहीबार मूल्य घटेर आएपछि नेपालमा पनि भाउ घटाइएको निगमले जनाएको छ ।
भारतबाट पेट्रोलमा प्रतिलिटर ५ रुपैयाँ र डिजेलमा २.९६ रुपैयाँ घटेर आएपछि नेपालमा पेट्रोलमा प्रतिलिटर ५ र डिजेल तथा मट्टितेलमा प्रतिलिटर ३ रुपैयाँले मूल्य घटाइएको हो ।
घटेको मूल्य बिहीबार राति १२ बजेदेखि लागू भएको निगमले जनाएको छ ।
...
नेपाल (हेटौंडा) । हेटौंडा उपहानगरपालिकाले नगरवासीहरुका लागि कर धेरै थोपरेको भन्दै विशेष नगरसभभा बोलाउनका लागि माग गरिएको छ । नगरवासीहरुको ढाड सेक्नेगरी करका दर बढाएको भन्दै बुधबार नेकपा एमालेका वडा अध्यक्ष र वडा सदस्यहरुले विशेष नगरसभाको माग गरेका हुन् ।
उपमहानगरपालिकाका बहुमत नगरसभा सदस्यले विशेष नगरसभा बोलाउन माग गर्दै उपमहानगरपालिकामा निवेदन समेत दिएको वडा नम्बर–४ का वडा अध्यक्ष नविन सिग्देलले बताए । राजश्वको दर वृद्धिसम्बन्धी व्यवस्था संशोधन गर्न आवश्यक देखिएको भन्दै नेकपा एमाले सम्वद्ध नगरसभा सदस्यहरुले बढाएको कर घटाउनका लागि माग गर्दै आजै पत्रकार सम्मेलन समेत गरेका छन् ।
नेकपा एमालेबाट निर्वाचित ९ जना वडा अध्यक्ष, ८ जना कार्यपालिका सदस्य र ३१ जना नगरसभा सदस्य गरी ४८ जना नगरसभा सदस्यले नगर प्रमुख मीनाकुमारी लामासँग विशेष नगरसभा बोलाउन बुधबार माग गरेका हुन् । हेटौंडा उपमहानगरपालिकाका...
