कोलोराडो विशेष/अमेरिका

-सुपेन्द्र बस्नेत (अमेरिका, बोस्टन) । अमेरिकाको म्यासाच्युसेट्स राज्यको समरभिल सिटीमा आयोना गरिएको ‘समरभिल नेपाली सांस्कृतिक महोत्सव–२०२४’ भव्यताका साथ सम्पन्न भएको छ । गत जुन १ तारिख शनिवार एनआरएनए, म्यासाच्युसेट्स च्याप्टर र समरभिल सिटी अन्तर्गतको समरभिल कला परिषद एवम् समरभिभा आप्रवासी मामिलाको कार्यालयद्वारा संयुक्त रुपमा आयोजित महोत्सव भव्यताका साथ सम्पन्न भएको हो । नेपाली भाषीहरुलाई संगठित गर्ने, नेपाली कला, भाषा, धर्म, संस्कृति, रितिरिवाज, परम्परा, पहिरनआदिको संरक्षण, सम्बर्धन तथा प्रवर्धन गर्ने र समग्र नेपाल र नेपालीलाई विश्व सामु चिरपरिचित गराउन सक्दो योगदान पुर्याउने महोत्सवको मुख्य उद्देश्य रहेको थियो । एनआरएनए, म्यासाच्युसेट्स च्याप्टरका अध्यक्ष प्रचण्ड श्रेष्ठको अध्यक्षता रहेको उक्त कार्यक्रमको उद्घाटन एनआरएनए, एनसिसि, अमेरिकाका अध्यक्ष एवम् कार्यक्रमका प्रमुख अतिथि डाक्टर अर...

कोलोराडो । अमेरिकाको कोलोराडो निवासी नेपालीमूलका बालबालिकाहरुलाई नेपाली भाषा पढ्न, लेख्न, सुन्न र बोल्ने सिकाउने उद्देश्यसहित यसवर्ष पनि जून १ तारिखबाट नेपाली भाषा पाठशालाको कक्षा सञ्चालन शुरु भएको छ । हरेक शनिबार दिउँसो २ बजेदेखि ४ बजेसम्म कोलोराडाको वेष्टमिनस्टर स्थित नेपाली घर र अरोराको स्मोकी हिल चर्चमा नेपाली भाषा पाठशाला सञ्चालन हुने अनेसास कोलोराडो शाखाका अध्यक्ष राजु सिटौलाले बताउनु भयो । यसपटक वेष्टमिनस्टर स्कूलमा ५८ जना र अरोरा स्कूलमा ३५ जना नेपाली बालबालिका भर्ना भएका छन् । अन्तर्राष्ट्रिय नेपाली साहित्य समाज (अनेसास) कोलोराडो शाखाको नेतृत्वमा दिदीबहिनी समूह (सिस्टर्स ग्रुप), एनआरएनए कोलोराडो, नेपाली घर र रक्की माउन्टेन फ्रेण्ड्स अफ नेपाली संस्थाको सहयोग र समन्वयमा नेपाली भाषा पाठशाला सञ्चालन भएको हो । यो गर्मीको बिदामा आफ्ना बालबालिकालाई नेपाल भाषा पाठशालामा पढाउने गरिएको...

नातिबाबु भट्ट (कोलोराडो, अमेरिका) । अमेरिकको कोलोराडोमा सक्रिय सामाजिक संस्था नेपाली घरको आगामी कार्यकालको लागी बसन्त लम्सालको अध्यक्षतामा नयाँ कार्यसमिति चयन भएको छ । डा. संगीता श्रोत्रियाको संयोजकत्वमा भुषणलाल श्रेष्ठ र कपिलदेव सुबेदी सदस्य रहेको तीन सदस्सीय निर्वाचन समितिले आगामी २ बर्षे कार्यकाल (२०२४-२०२६) का लागी नयाा कार्यसमितिका पदाधिकारीहरू र बोर्ड सदस्यहरुको निर्वाचन प्रक्रिया सम्पन्न गरेको हो । अध्यक्ष लम्सालसहित उपाध्यक्षहरुमा गंगा चौलागाईँ, कृष्ण काफ्ले, सुनिता थापा, महासचिव भोला कटुवाल, कोषाध्यक्ष राजु खनाल, पब्लिक रिलेसन अफिसर शैलेन्द्र श्रेष्ठ, कम्युनिकेशन अफिसर अनिल बुढाथोकी, कल्चर तथा ईभेन्ट अफिसरमा दिनेशकुमार कार्की, रिसोर्स तथा फेसिलिटी अफिसर पुस्कर बस्नेत र टेक्नोलोजी अफिसर आदित्य चौलागाईँ रहेका छन् । त्यसैगरी बोर्डअफ डिरेक्टरहरुमा दिनेश थापा, पुर्णिमा बिष्ट, बिष्टना...

अमेरिका (बोस्टन) । अमेरिकाको म्यासाच्युसेट्स राज्यको नरउड स्थित बोस्टन मेट्रो वेस्ट नेपाली कम्युनिटीको बारबेक्यू कार्यक्रम सम्पन्न भएको छ। बोस्टन मेट्रो वेस्टले आफ्नो वार्षिक नियमित कार्यक्रमलाई निरन्तरता दिदै गत मे २७ तारिख सोमवार मेमोरियल डेको अवसर पारेर बारबेक्यू कार्यक्रमको आयोजना गरेको थियो । कार्यक्रममा बोस्टनमा बसोबास गर्ने नेपालीहरुको उल्लेखनीय सहभागिता रहेको थियो । सहभागीहरुले एकआपसमा मेमोरियल डेको शुभकामना आदानप्रदान गर्नुका साथै स्वादिष्ट खानेकुराहरु खादै, खेल खेल्दै, नाच्दै, गाउदै मनोरञ्जन गर्दै मेमोरियल डे मनाएका थिए। कार्यक्रममा विभिन्न स्वादिष्ट परिकारहरुको व्यवस्था गरिएको थियो । कार्यक्रम स्थलमा नेपाली गीत संगीतले शृजना गरेको सांगीतिक माहोलमा सहभागीहरुले भरपूर मनोरञ्जन गरेका थिए । कार्यक्रमका बारेमा जानकारी दिदै संस्थाका अध्यक्ष सुरेश ढकालले कार्यक्रम प्रभावकारी, मनोरञ्ज...

अमेरिका (बोस्टन) । नेपाल अमेरिका पत्रकार संघ (नेजा) को १७औं साधारण सभा सफलतापूर्वक सम्पन्न भएको छ । गत मे २५ र २६, २०२४ (शनिवार र आइतवार) अमेरिकाको ऐतिहासिक बोस्टन सहरस्थित प्रवासी नेपालीहरुको संस्था पशुपतिनाथ बुद्ध फाउण्डेशन अफ न्यू ईंग्ल्याण्डको सामुदायिक भवनमा सम्पन्न भएको हो । नेजाका वर्तमान अध्यक्ष सुरज भण्डारीको अध्यक्षतामा सम्पन्न उद्घाटन समारोहबाट विश्व प्रेस स्वतन्त्रता दिवस–२०२४ ले तय गरेको मूल नारा‘ वातावरणीय संकटको सामनामा पत्रकारिता’ मा केन्द्रित रहेर ‘पर्यावरण संरक्षण गरौं’ भन्ने मूल सन्देश दिने प्रयास गरिएको थियो । नेजाका संस्थापक अध्यक्ष गिरीश पोखरेल, पूर्व अध्यक्ष भोला आचार्य, अध्यक्ष सुरज भण्डारी, विशेष अतिथि नेपाल सरकार, राष्ट्रिय मानव अधिकार आयोगका सदस्य लिली थापा, नेपाल पत्रकार महासंघ पूर्वउपाध्यक्ष यशोदा तिमल्सिना, गभर्नर्स एडभाइजरी काउन्सिल अन रेफ्युजी एण्ड इमिग्रे...

-नातिबाबु भट्ट (अमेरिका, कोलोराडो) । विश्व शान्तिका महानायक नेपालका राष्टिय बिभुती शाक्यमुनी गौतम बुद्धको २५२८औं जयन्तीको अवसरमा कोलोराडोको सेन्टेनियल सिटीमा बौद्ध सभा समारोहको आयोजना गरी भब्यताकासाथ मनाइएको छ । लामागुरू लोप्पोन रिन्पोछेज्यूबाट बुद्ध पुजा र प्रवचनबाट शुरू गरिएको कार्यक्रममा, गुरूबाट सामूहिक रूपमा समता ध्यानको अभ्यास गराइएको थियो । कार्यक्रममा बुद्ध जीवनी सम्बन्धी बनाइएको वृत्तचित्र, नास डेलि यूट्यूबरले तयार गरेको “I spent one month studying Buddhism” र प्रायुश श्रेष्ठले फोटो तथा स्लाइड शो मार्फत् आफूले नेपालमा बिताएको श्रामणेर जीवनको अनुभव बॉंडेका थिए । त्यसैगरी जनकवि दुर्गालाल श्रेष्ठको रचना, न्ह्यू बज्राचार्यको संगीत तथा आनी छोइङ डोल्माले गाएको चर्चित गीत “फूलको आँखामा फूलै संसार, कॉंडाको आँखामा कॉंडै संसार” लाई सरू लामाले गाएर मनोरञ्जन प्रदान गरेकी थिइन् । कोलोराड...

–मीन बोलखे (अमेरिका, कोलोराडो) । गैरआवासीय नेपाली संघ (एनआरएनए) अमेरिका कोलोराडो च्याप्टरको लोगो विश्वकै सर्वोच्च शिखर सगरमाथामा फहराएको छ । कोलोराडो निवासी एनआरएनए एनसीसी अमेरिकाका बोर्ड अफ डाइरेक्टर निमा शेर्पाको समन्वयमा उक्त लोगो प्रशिद्ध पर्वतारोही पेम्बा रिता शेर्पाले सगरमाथाको चुचुरोमा फहराउनु भएको हो । पेम्बा रिताले आफूहरुको संस्थाको लोगो सगरमाथा शिखरमा फहराउन सफल हुनु भएकोमा उहाँप्रति हार्दिक आभार प्रकट गर्दै गौरबको महशुस गरेको एनआरएनए कोलोराडो च्याप्टरका अध्यक्ष प्रकाश पौडेलले बताउनु भयो । साथै नेपालीहरु जो जहाँ भए पनि सधैँ नेपाल र नेपाली हुनु प्रति गौरब हुने उल्लेख गर्दै शेर्पा समुदायले नेपाललाई विश्वसामु चिनाउन महत्वपूर्ण योगदान दिंदै आएको कोलोराडो च्याप्टरका अध्यक्ष पौडेलले प्रतिक्रिया दिनु भयो । पर्वतारोही पेम्बा रिताले गत १९ मे २०२४ का दिन बिहान ६ः४५ बजे १४औं पटक सगरमाथा...

-नातिबाबु भट्ट (अमेरिका, कोलोराडो) । विश्व शान्तिका महानायक नेपालका राष्ट्रिय बिभुती शाक्यमुनी गौतम बुद्धको २५६८औँ जन्म जयन्ती कोलोराडो निवासी नेपाली भाषीहरूले बिभिन्न कार्यक्रमका साथ मनाउने भएका छन् । बौद्ध समाज कोलोराडोको आयोजनामा बुद्धको जन्मभुमी नेपाल हो भन्ने विश्वलाई चिनाउन तथा गौतम बुद्धको शान्तिको सन्देश संसार भर फैलाउन बुद्ध जयन्तीको अवसर पारेर ध्यान साधना, पुजा, बुद्धको जिवनीमा आधारित नाटक प्रर्दशन गर्न लागिएको हो । यहि मे २६ तारिक आइतबार बिहान ११ बजे देखी दिउसो २ बजे सम्म Centennial city स्थित Community Room मा शान्तिका दुत भगवान गौतम बुद्धको लामागुरुबाट पुजापाठ गरी कार्यक्रम शुभारम्भ हुने बौद्ध समाज कोलोराडोका सचिव सञ्जय शाक्यले बताएका छन् । यस अघीका बर्षहरुमा Denver downtown शोभायात्रा हुने गरेकोमा यस बर्ष त्यहां पुन निर्माणको काम भइरहेको हुनाले Centennial city मा कार्यक्रम ...

अमेरिका (बोस्टन) । यतिबेला गैर आवासीय नेपाली संघ (एनआरएनए) राष्ट्रिय समन्वय परिषद, अमेरिकाको म्यासाच्युसेट्स च्याप्टर ‘समरभिल नेपाली सांस्कृतिक महोत्सव–२०२४’ को तयारीमा जुटेको छ । एनआरएनए, म्यासाच्युसेट्स च्याप्टर र समरभिल सिटी अन्तर्गतको समरभिल कला परिषद एवम् समरभिभाः आप्रवासी मामिलाको कार्यालयको संयुक्त आयोजनामा आउदो जुन १ तारिख शनिवारका दिन अपरान्ह साँढे ३ बजेदेखि साँझ साँढे ८ बजेसम्म यूनियन स्क्वायर समरभिलमा हुन गइरहेको उक्त महोत्सवको तयारी तीब्र रुपमा भइरहेको हो । नेपाली भाषीहरुलाई संगठित गर्ने, नेपाली कला, भाषा, धर्म, संस्कृति, रितिरिवाज, परम्परा, पहिरनआदिको संरक्षण, सम्बर्धन तथा प्रवर्धन गर्ने र समग्र नेपाल र नेपालीलाई विश्व सामु चिरपरिचित गराउन सक्दो योगदान पुर्याउने महोत्सवको मुख्य उद्देश्य रहेको आयोजकले जनाएको छ । एनआरएनए, म्यासाच्युसेट्स च्याप्टरका उपाध्यक्ष एवम् समरभिल नेपाल...