कोलोराडोखबर संवाददाता
नेपाल (हेटौंडा) । सर्वोच्च अदालतले हेटौँडा बजार क्षेत्रको २५ मिटर सडक विस्तारसम्बन्धी रिट खारेज गरेको छ ।
सर्वोच्च अदालतका न्यायाधीश सारङ्गा सुवेदी र न्यायाधीश सुनिलकुमार पोखरेलको मंगलबारको संयुक्त इजलासले सडक विस्तार सम्बन्धमा दर्ता भएका सम्पूर्ण रिटहरू खारेज गर्ने निर्णय गरेको हो ।
न्ययाधीशद्वय सुवेदी र पोखरेलको संयुक्त इजलासले गत असार ३१ गतेदेखि साउन २४ सम्ममा दर्ता भएका हेटौँडा बजार क्षेत्र अन्तर्गत गर्ने राजमार्गको सडक विस्तार विरुद्धका ३०० बढी रिट निवेदन खारेज गर्ने निर्णय गरेको हो ।
अदालतको आदेशसँगै हेटौंडा बजारमा बजार बिस्तारका लागि बाटो खुलेको छ । यसअघि पटकपटकको प्रयास बिफल हुँदै आएको छ ।
प्रतिक्रिया दिनुहोस्