गजलः मझधारमा जिन्दगी

–मिथिला अधिकारी–
नदिको किनार जस्तै भयो इन्तजारमा जिन्दगी,
वार न पार भयो डुब्दै गयो मझधारमा जिन्दगी ।

कसरी भन्न सक्छौ तिमी आफु बेकसुर छु भनेर,
देखायौ जुन र धकेलिदियौ अन्धकारमा जिन्दगी ।

भो अब नआउ तिमी त्यो नपुंसक दिमाग लियर,
फर्किनु छ मैले र चलाउनु छ संसारमा जिन्दगी ।

खाउँला आँटो पिठो लाउँला पुराना फाटाहरु
रमाउनु छैन मलाई डिस्को र वारमा जिन्दगी ।

हिँउदमा सुकेको बगरमा पनि बर्षामा पानी पर्किन्छ
फर्किएर उजिल्याउनु छ कर्मको आधारमा जिन्दगी ।

–हेटौंडा, नेपाल ।