कोलोराडोखबर संवाददाता
अमेरिका । नेपाली कांग्रेसका नेता डा. शेखर कोइराला बिहीबार साँझ बेलायतको लण्डन आइपुग्दैछन् ।
बेलायतस्थित नेपाली जनसम्पर्क समितिका पूर्व महामन्त्री तथा विकास विज्ञ राजकुमार त्रिपाठीका अनुसार कोइरालाले १३ जनवरी २०२५ का दिन संसद् भवनभित्र आयोजना गरिने एक विशेष कार्यक्रममा सम्बोधन गर्ने छन् ।
उक्त कार्यक्रममा बेलायतका एशिया मामिला हेर्ने विदेश राज्यमन्त्री, उद्योग, व्यापार तथा वाणिज्य मन्त्रीका साथै बेलायती सांसदहरूको उपस्थिति रहनेछ ।
नेता कोइराला बेलायतको एशिया मामिला हेर्ने विदेश राज्यमन्त्री क्याथराइन वेष्ट र उद्योग व्यापार वाणिज्यमन्त्री ग्यारेथ थोमसको निमन्त्रणामा बेलायत आउन लागेका हुन् ।
उनले नेपाली दूतावास लण्डनमा आयोजित एक कार्यक्रममा वेलायतस्थित नेपाली समुदायका अगुवाहरुलाई समेत सम्बोधन गर्ने छन् ।
यस भ्रमणको दौरान कोइरालाले बेलायतका प्रमुख राजनीतिक नेतृत्व र नेपाली समुदायसँग अन्तरक्रिया गर्ने छन्।
प्रतिक्रिया दिनुहोस्