कोलोराडोखबर संवाददाता
नेपाल (हेटौंडा) । शुक्रबार झरना साहित्यिक परिवार मकवानपुरको ३११औं नियमित साहित्य शृङ्खला श्री कर्मप्राप्ती मावि बकैया–५, मा साहित्यिक प्रशिक्षण गरी सफलता पूर्वक सम्पन्न गरियो ।
कार्यक्रममा प्रमुख अतिथि विद्यालयका प्रअ रूद्र दाहाल हुनुहुन्थ्यो भने अतिथिहरू विनु लामा, गितावर आविका शिक्षक गिता तिमल्सिना, माटोकोरी आविका शिक्षक स्नेहा भोम्जन, उत्तमभावना प्राविका शिक्षक पार्वती दाहाल र जयकाली प्राविका शिक्षक याङ्ग्री भोम्जन रहनुभएको थियो ।
प्रशिक्षणमा सहजीकरण परिवारका सचिव मसान उपासकले गर्नु भयो भने व्यवस्थापन सदस्यहरू विजय दोङ र अमृता लामिछानेले गर्नुभयो ।
प्रशिक्षणमा कर्मप्राप्ती मावि, गितावर आवि र माटोकोरी आवि गरी ३ वटा विद्यालयका ६५ जना विद्यार्थीहरूको सहभागिता भयो । कार्यक्रमको अन्त्यमा अभिषेक सापकोटाको अध्यक्षतामा ११ सदस्यीय झरना–कर्मप्राप्ती वाल साहित्य समिति गठन गरी प्रशिक्षण कार्यक्रम समापन गरियो ।
प्रतिक्रिया दिनुहोस्