कोलोराडोखबर संवाददाता
नेपाल (हेटौंडा) । आइतबार सम्पन्न उपनिर्वाचनमा हेटौंडा उपमहानगरपालिका वडा नम्बर–१२ को वडा अध्यक्ष पदमा नेपाली कांग्रेसका उम्मेदवार अर्जुनप्रसाद तिवारी बिजयी भएका छन् ।
मतपरिणामअनुसार कांग्रेसका उम्मेदवार तिवारीले २ हजार ६३ मत प्राप्त गरी जित हासिल गरेका हुन् ।
दोस्रो भएका माओवादी केन्द्रका उम्मेदवार रविकुमार प्रधानले १ हजार ५६० मत प्राप्त गरेका छन् भने तेस्रो भएका एमालेका उम्मेदवार राजेश नगरकोटीले १ हजार ३९८ मत प्राप्त गरेको निर्वाचन आयोगले जनाएको छ ।
हेटौंडा १२ को अध्यक्षका राप्रपा उम्मेदवार प्रेमबहादुर भोलनले १७८, रास्वपाका आशाविर बलले ८३, एकीकृत समाजवादीका बलराम बलले ७३ मत प्राप्त गरे ।
यस वडामा कुल ८ हजार ५३ मतदाता रहेका थिए ।
वडाध्यक्ष पदका लागि १२ जना उम्मेदवार रहेका थिए । जसमध्ये नौजना विभिन्न दलबाट र तीन जना स्वतन्त्ररुपमा उम्मेदवार बनेका थिए ।
यसअघि माओवादीका ललित घलान वडाध्यक्षमा विजयी भएका थिए । उनी जिल्ला समन्यव समितिको अध्यक्ष नियुक्त भएपछि उक्त पद खाली थियो ।
प्रतिक्रिया दिनुहोस्