कोलोराडोखबर संवाददाता
नेपाल । काठमाडौँमा जारी साफ महिला च्याम्पियनशिपमा नेपाल बिहीबारको खेल सहज रुपमा जित निकाल्दै सेमिफाइनलमा प्रवेश गरेको छ ।
दशरथ रंगशालामा भएको समूह ‘बी’को आफ्नो अन्तिम खेलमा श्रीलंकालाई ६–० गोल अन्तरले पराजित गर्दै सेमिफाइनल प्रवेश गरेको हो ।
खेलको पहिलो हाफमा नेपालले ४ गोल गर्यो भने दोस्रो हाफमा २ गोल गर्यो । नेपालको जितमा रेखा पौडेलले २ गोल‚ सावित्रा भण्डारी ‘साम्बा’, सविता रानामगर, अमिषा कार्की र रश्मीकुमारी घिसिङले १–१ गोल गरे।
अब सेमिफाइनलमा नेपालले समूह ‘ए’ को उपविजेता भारतसँग खेल्नेछ । फाइनल प्रवेशका लागि नेपालले भारतसँग आइतवार साढे ६ बजे खेल्नेछ ।
नेपाल यसपटकसमेत गरेर लगातार सातौँ पटक सेमिफाइनलमा पुगेको हो । नेपाल ५ पटक उपविजेता बनेको छ ।
प्रतिक्रिया दिनुहोस्