नेपालमा सुनको मूल्य ४ सय घट्यो

नेपाल । नेपालमा मंगलबार सुनचाँदीको मूल्य घट्यो । सुनको मूल्य तोलामा ४०० रुपैयाँले घटेको नेपाल सुनचाँदी व्यवसायी महासंघले जनाएको छ ।

छापावाल सुन प्रतितोला एक लाख ६० हजार १०० रुपैयाँमा कारोबार भयो । यसअघि सोमबार छापावाल सुन प्रतितोला एक लाख ६० हजार ५०० रुपैयाँमा कारोबार भएको थियो ।

त्यस्तै चाँदीको मूल्य पनि तोलामा ४० रुपैयाँले घटेको थियो । चाँदी प्रतितोला १९४० रुपैयाँमा कारोबार भएको महासंघले जनाएको छ ।