कोलोराडोखबर संवाददाता
नेपाल । देशभरिका सामुदायिक रेडियोको छाता सङ्गठन अकोराब नेपालको अध्यक्षमा अर्जुन गिरी निर्विरोध निर्वाचित हुनुभएको छ ।
ललितपुरमा चलिरहेको १८औँ वार्षिक साधारण सभा एवम् आठौँ अधिवेशनबाट गिरी अध्यक्षमा निर्विरोध निर्वाचित हुनुभएको निर्वाचन समितिका संयोजक सुबोधबाबु चिलुवालले जानकारी दिनुभयो ।
गिरी अकोराबको निवर्तमान अध्यक्ष पनि हुनुहुन्छ ।
यस्तै वरिष्ठ उपाध्यक्षमा गोविन्द देवकोटा, दलित उपाध्यक्षमा गोपाल बराइली, महासचिवमा वन्दना दनुवार, सचिवमा भक्त स्याङ्तान, लेखा समिति संयोजकमा सङ्गीत बस्याल र सदाचार समितिको संयोजकमा टीकाजङ्ग थापा निर्विरोध निर्वाचित हुनुभएको संयोजक चिलुवालले जानकारी दिनुभयो ।
यस्तै प्रदेश समितिहरूका विभिन्न पदमा पनि पदाधिकारी निर्विरोध चयन भएका र निर्विरोध नभएका पदहरूमा निर्वाचनबाट चयन गरिने उहाँले बताउनुभयो । बाँकी पदमा आइतबार दिउँसो १ बजेपछि निर्वाचन हुने कार्यतालिका सार्वजनिक भएको छ ।
प्रतिक्रिया दिनुहोस्