कोलोराडोखबर संवाददाता
नेपाल । आउँदो असोज असोज १३ गतेदेखि असोज २२ गतेसम्म नेपाल राष्ट्र बैंकले सुकिला नोट वितरण गर्ने भएको छ ।
नेपालीहरुको महान् पर्व दशैंको माहौल शुरु हुन लागेसँगै राष्ट्र बैंकले सुकिला नोट सटही गर्ने सूचना जारी गरेको हो ।
दशैंमा माग हुने साना दरका नोट सटहीका लागि राष्ट्र बैंकको मुद्रा व्यवस्थापन विभाग, बैंकिङ विभाग र प्रदेशस्थित कार्यालयबाट सुकिला नोट सटही गर्न सकिने राष्ट्र बैंकले जनाएको छ ।
प्रदेश कार्यालय विराटनगर, जनकपुर, वीरगन्ज, पोखरा, सिद्धार्थनगर, नेपालगन्ज र धनगढीबाट सुकिला नोट सटही गर्न सकिने राष्ट्र बैंकले जनाएको छ।
साथै बैंक तथा वित्तीय संस्थाका शाखा कार्यालयबाट समेत सुकिला नोट सटही गर्ने व्यवस्था मिलाइएको छ । दशैंतिहारका लागि ५, १० २०, ५० र १०० का साना दरका नोट सटहीको सुविधा दिँदै आएको राष्ट्र बैंकले यस पटक पनि सुविधा दिने छ।
यस पटक पनि प्रतिव्यक्ति १८ हजार पाँच सय कै हाराहारीमा नोट सहटी गरिने राष्ट्र बैंकले जनाएको छ ।
प्रतिक्रिया दिनुहोस्