कोलोराडोखबर संवाददाता
नेपाल । सन् २०२४ को अगस्टमा ५ हजार ६१४ जना अमेरिकी पर्यटकहरु नेपाल घुम्न आएका छन् ।
नेपाल पर्यटन बोर्डले उपलब्ध गराएको तथ्याङ्कअनुसार भारतबाट सबैभन्दा बढी २५ हजार ८३२, चीनबाट ६ हजार ६१४, अमेरिकाबाट ५ हजार ६१४, श्रीलङ्काबाट ४ हजार ८५१ र बङ्गलादेशबाट ३ हजार ७७ जना पर्यटक नेपाल आएका छन् ।
अगस्टमा कूल ७२ हजार ७१९ जना पर्यटक नेपाल भित्रिएको बोर्डले जनाएको छ । सन् २०२३ को अगष्टमा कूल ६७ हजार १५३ जना पर्यटक आएका थिए ।
बोर्डका अनुसार सन् २०२२ को अगष्टमा ४१ हजार ३०४ जना, सन् २०२१ को अगष्टमा ६ हजार ९३ जना र सन् २०१९ को अगष्टमा ९४ हजार ७४९ जना विदेशी पर्यटक नेपाल आएका थिए ।
–खेमप्रसाद बोलखे/नेपाल
प्रतिक्रिया दिनुहोस्