कोलोराडोखबर संवाददाता
अमेरिका । अमेरिकामा फेरि दुःखद् घटना भएको छ । यहाँ एक २१ वर्षीय नेपाली युवतीको गोली हानी हत्या गरिएको हो ।
सोमबार ह्युस्टनस्थित अपार्टमेण्टमा गोली लागेर मृत अवस्थामा फेला परेकी मुना पाण्डेलाई हत्याराले उनको कोठाभित्रै पसेर गोली हानेको प्रारम्भिक अनुसन्धानबाट पुष्टि भएको छ ।
वेष्ट एअरपोर्ट ब्लुभर्डमा रहेको मुनाको अपार्टमेण्टमा उनी आफैँले राखेको सर्भिलेन्स क्यामेराका भिडियो फुटेजहरू प्रहरीले लगिसकेका छन् ।
केही समयदेखि अमेरिकी युवकसँग डेटिङ्गमा रहेको प्रहरीको प्रारम्भिक अनुसन्धानबाट खुलेको छ । तर अझै हत्यारा पत्ता लागि नसकेको प्रहरीले जनाएको छ । भिडियोमा मुनालाई तीनवटा गोली हानिएको देखिन्छ ।
मुना सन् २०२१ मा अध्ययनका लागि अमेरिका पुगेकी थिइन् ।
प्रतिक्रिया दिनुहोस्