कोलोराडोखबर संवाददाता
अमेरिका । १५ पटकको च्याम्पियन अर्जेन्टिना कोपा अमेरिकाको फाइनलमा प्रवेश गरेको छ ।
अमेरिकाको मेटलाइफ स्टेडियममा बुधबार बिहान भएको खेलमा क्यानडालाई २–० गोल अन्तरले हराउँदै अर्जेन्टिना १६औँ उपाधि नजिक पुगेको हो ।
अर्जेन्टिनाका लागि पहिलो हाफको २२औँ मिनेटमा जुनियल अल्भारेजले गोल गर्दै अग्रता लिए । पहिलो हाफमा १–० को अग्रता लिएको अर्जेन्टिनाका लागि दोस्रो गोल ५१औँ मिनेटमा लियोनल मेस्सीले गरे ।
जारी कोपा अमेरिकामा मेस्सीको यो पहिलो गोल हो ।
उपाधिका लागि अर्जेन्टिनाले बिहीबार हुने कोलम्बिया र उरुग्वेको विजेतासँग खेल्नेछ ।
प्रतिक्रिया दिनुहोस्