क्यानडा कोपा अमेरिकाको सेमिफाइनलमा

नेपाल । कोपा अमेरिका कपमा भेनेजुएलालाई पराजित गर्दै क्यानडा सेमिफाइनलमा प्रवेश गरेको छ ।

शनिबार बिहान भएको खेलको निर्धारित समयमा १–१ को बराबरी भएपछि खेल ट्राइब्रेकरमा धकेलिएको थियो ।

खेलमा क्यानाडाले १४औं मिनेटमा ज्याकोब साफेलबर्गको गोल मार्फत अग्रता लिएको थियो । भेनेजुएला दोस्रो हाफमा खेलमा फर्कन सफल रह्यो र उसका लागि सालोमन रोन्डोनले ६५ औं मिनेटमा बराबरी गोल फर्काए ।

त्यसपछि कुनै गोल नहुँदा खेलको नतिजा सडन डेथबाट निस्कियो । पाचौं पेनाल्टीसम्म ३–३ को अवस्थामा पुगेपछि भेनेजुएलाका लागि छैटौं पेनाल्टी प्रहारमा विल्कर एन्जेल चुके तर इस्माएल कोनेल क्यानाडाका तर्फबाट निर्णायक गोल गर्दै खेल ४–३ ले जिताए ।

अब सेमिफाइनलमा क्यानडाको भेट अर्जेन्टिनासँग हुनेछ ।