कोलोराडोमा नेपथ्य ब्याण्डको भव्य सांगीतिक कार्यक्रम हुँदै

कोलोराडो । अमेरिकाको कोलोराडोमा चर्चित नेपाली सांगीतिक ब्याण्ड नेपथ्यको भव्य सांगीतिक कार्यक्रम हुने भएको छ ।

कोशेली कोलोराडो र लाली गुराँश एशोसियशनको आयोजनमा यही अगस्ट ३ तारिख शनिबार कोलोराडोको शुन्दर शहर बोल्डरमा गायक अमृत गुरुङ नेतृत्वको नेपथ्य ब्याण्डको साँगीतिक कार्यक्रम हुने भएको हो ।

Boulder Theatter 2032 14 TH ST Boulder Co 80302 मा साँझ ६ बजेबाट मुख्य ढोका खुल्ला हुने साथै ७ बजेबाट बिशेष साँगीतिक कार्यक्रम सुरु हुनेछ।

कार्यक्रममा प्रवेशको लागि प्रति ब्यक्ति १०० डलर र भीआईपीको लागी २०० डलर तोकिएको छ । साथै टिकट अनलाईन र बक्स अफिसबाट पनि प्राप्त गर्न सकिने कोशेली कोलोराडोका शंकर गुरुङले जानकारी दिनु भयो ।

कोशेली कोलोराडोका मार्केटिङ म्यानेजर राजन गुरुङले सो साँगीतिक साँझमा सहभागी भएर कार्यक्रमलाई सफल बनाउन कोलोलोराडोवासी र नेपाली भाषी सबैलाई हार्दिक आग्रह गर्नु भएको छ ।

कार्यक्रमलाई सभ्य र भव्य बनाउने तयारीमा जुटेको कोशेली कोलोराडाका प्रबन्ध निर्देशक बिनोद गुरुङले बताउनु भयो ।