कोलोराडोस्थित नेपाली घरका नवनिर्वाचित कार्यसमितिद्वारा पदभार ग्रहण

-नातिबाबु भट्ट (कोलोराडो, अमेरिका) । अमेरिकाको कोलोराडोमा सकृय सामाजिक संस्था नेपाली घरको आगामी कार्यकालका लागि नव निर्वाचित कार्यसमितिका पदाधिकारी तथा सदस्यहरूको सपथ तथा पदभार ग्रहण कार्यक्रम सम्पन्न भएको छ ।

शनिबार संस्थाका सल्लाहकार, समाजसेवी तथा कार्यक्रमका प्रमुख अतिथि रामप्रसाद श्रेष्ठले संस्थाको भवन नेपाली सांस्कृतिक केन्द्र नेपाली घरमा बिशेष समारोहबीच नव निर्वाचित पदाधिकारी तथा सदस्यहरूलाइ सपथ ग्रहण गराएका हुन् ।

कार्यक्रमका प्रमुख अतिथि रामप्रसाद श्रेष्ठ, बिशेष अतिथिद्वय नारायण श्रेष्ठ र डा. बिजयराज शर्माद्वारा संयुक्तरूपमा पानसमा बत्ती बालेर उद्घाटन गरिएको कार्यक्रम नेपाली राष्टिय गानसंगै अगाडि बढाइएको थियो । नेपाली घरलाई यहाँसम्म ल्याउन बिशेष योगदान दिएका स्वर्गियद्वय डा. बिष्णुबहादुर श्रेष्ठ र नारायण श्रेष्ठको संझनामा एकमिनेट मौनधारण गरी कार्यक्रम अगाडि बढेको थियो ।

संस्थाका अध्यक्ष जगदिशचन्द्र ढकालको अध्यक्षतामा सम्पन्न कार्यक्रममा निर्वाचन कमिटीका संयोजक डा. संगीता श्रोत्रियाले नव निर्वाचित कार्यसमितीका पदाधिकारी तथा सदस्यहरूलाई निर्वाचित भएको प्रमाण पत्र प्रदान गरेकी थिइन् ।

यसरी निर्वाचित भइ कार्यभार लिने पदाधिकारीहरुमा अध्यक्ष बसन्त लम्साल, उपाध्यक्षहरुमा गंगा चौलागाई, कृष्ण काफ्ले, सुनिता थापा, महासचिव भोला कटुवाल, कोषाध्यक्ष राजु खनाल, पब्लिक रिलेसन अफिसर शैलेन्द्र श्रेष्ठ, कम्युनिकेशन अफिसर अनिल बुढाथोकी, कल्चर तथा ईभेन्ट अफिसरमा दिनेशकुमार कार्की, रिसोर्स तथा फेसीलीटी अफिसर पुस्कर बस्नेत र टेक्नोलोजी अफिसर आदित्य चौलागाईँ रहेका छन् । त्यसैगरी बोर्डअफ डिरेक्टरहरुमा दिनेश थापा, पुर्णिमा बिष्ट, बिष्टनारायण श्रेष्ठ, बिभा निरौला, जीत घिमिरे, संगीता डांगी खत्री, श्याम पन्त, चन्द्रकान्त अधिकारी, सृष्टी उप्रेती र बम कुँवर रहेका छन् ।

समारोहमा कोलोराडोमा सकृय संस्था सिस्टर ग्रुप दिदीबहिनी समुह कोलोराडो लगायतका संस्थाका पदाधिकारीहरूले नवनिर्वाचित पदाधिकारीहरूलाई माला, खादा लगाई दिइ फुलका गुच्चा प्रदान गरी सफल कार्यकालको शुभकामना दिएका थिए ।

संस्थाका कोषाध्यक्ष राजु खनालद्वारा संचालित कार्यक्रममा विशेष अतिथि,अतिथि तथा समारोहमा उपस्थित डेढ दर्जन भन्दा बढि संघसंस्थाका पदाधिकारी, नेपाली घरका सल्लाहकार, गन्यमान्य, बुद्धिजिवीहरूले नवनिर्वाचित पदाधिकारीहरूलाई सफल कार्यकालको शुभकामना दिदै हातेमालो गरेरसंगै अगाडि बढ्ने प्रतिबद्धता ब्यक्त गरेका थिए । समारोहमा निर्वाचन प्रकृया सफलताका साथ सम्पन्न गराउने निर्वाचन कमिटीका संयोजक तथा सदस्यहरूलाइ संस्थाका अध्यक्ष जगदिशचन्द्र ढकालले खादा लगाई मायाको चिनो प्रदानगरी सम्मान गरेका थिए ।

कार्यक्रममा नव निर्वाचित अध्यक्ष बसन्त लम्सालले कार्यकाल सफलताको शुभकामाना दिनुहुने सबै प्रति अभार ब्यक्त गर्दै नेपाली भाषीहरूको आस्थाको केन्द्र नेपाली घरलाई फुलफेजमा संचालन गर्न अझ धेरै चुनौति भएकोले त्यसको समाधान गर्न निरन्तर सबैको साथ र सहयोग रहरिहने विश्वास ब्यक्त गरे ।

कार्यक्रमको अन्त्यमा संस्थाका बर्तमान अध्यक्ष तथा कार्यक्रमका सभापति ढकालले बर्तमान कार्यकालमा भए गरेका मुख्य कृयाकलापको चर्चागर्दै संस्थालाई यहाँसम्म ल्याइपुर्याउन प्रत्यक्ष अप्रत्यक्ष रूपमा सहयोग गर्नुहुने सबैलाई धन्यवाद दिएका थिए ।

डा. संगीता श्रोत्रियाको संयोजकत्वमा भुषणलाल श्रेष्ठ र कपिलदेव सुबेदी सदस्य रहेको तीन सदस्यीय निर्वाचन समितिले आगामी २ बर्षे कार्यकालका लागी नयाँ कार्यसमितिका पदाधिकारीहरू र बोर्ड सदस्यहरुको निर्वाचन प्रकृया सम्पन्न गरेको हो । संस्थामा आजीवन, परिवार, ब्यक्तिगत, बिध्यार्थी र मानार्थ गरी झण्डै ६ सय सदस्य छन् ।