कोपा अमेरिका कपमा भनेजुएलाद्वारा इक्वेडर पराजीत

अमेरिका । कोपा अमेरिका २०२४ मा आइतबार बिहानको खेलमा भनेजुएलाले इक्वेडरलाई पराजीत गरेको छ ।

समूह बीअन्तर्गत अमेरिकाको लेभाइज स्टेडियममा भएको खेलमा दइक्वेडरलाई भनेजुएलाले २–१ ले पराजीत गरेको हो ।

खेलको २२औं मिनेटमै इक्वेडरका इनर भ्यालेन्सियाले रातो कार्ड पाएपछि दश खेलाडीमा समेटिएको थियो । त्यसका बावजुत पनि जेरेमी सार्मिएन्टोले ४०औं मिनेटमा गोल गर्दै इक्वेडरलाई पहिले अग्रता दिलाएका थिए । तर इक्वेडरले त्यो अग्रता कायम राख्न सकेन ।

जोन्डर काडिजले ६४औं मिनेटमा भेनेजुएलाका लागि बराबरी गोल फर्काए । त्यसको १० मिनेटपछि एडवार्ड बेलोले गोल गर्दै भेनेजुएलालाई २–१ ले जीत दिलाउन योगदान दिए ।