कोलोराडोखबर संवाददाता
अमेरिका । अन्तर्राष्ट्रिय नेपाली साहित्य समाज (अनेसास) र एएनएको सहआयोजनामा उत्तर अमेरिकाव्यापी नेपाली कविता प्रतियोगिता हुने भएको छ ।
आगामी जूलाई १९–२१ सम्म अमेरिकाको क्यालिफोर्निया स्थित सन्फ्रान्सिस्को शहरमा हुन लागेको दि एशोसियशन अफ नेप्लिज इन अमेरिका (एएनए) को सम्मेलनका अवसरमा उक्त प्रतियोगिता हुन लागेको हो ।
प्रतियोगितामा सहभागी हुन इच्छुकहरुले जुलाई १० भित्र कविता पठाउन सक्ने छन् । कविता अधिकतम २०० शब्दको हुनु पर्नेछ । प्रतियोगितामा प्रथम, द्वितीय र तृतीय हुनेले क्रमशः ५००, ३०० र २०० डलर पुरस्कार पाउने छन् ।
प्रतिक्रिया दिनुहोस्