पाकिस्तानद्वारा क्यानडा ७ विकेटले पराजीत

नेपाल । अमेरिकामा जारी टी-२० विश्व कप क्रिकेटमा मंगलबारको खेलमा पाकिस्तानले क्यानडालाई ७ विकेटले पराजीत गरेको छ ।

पाकिस्तानले तेस्रो खेलमा पहिलो जित हासिल गरेको हो । यसअघि पाकिस्तान अमेरिका र भारतसँग पराजित भएको थियो । क्यानाडाको यो तेस्रो खेलमा दोस्रो हार हो । अमेरिकासँग पराजित भएको क्यानाडाले आयरल्यान्डमाथि जित निकालेको थियो ।

अमेरिकाको न्युयोर्कस्थित नासाउ काउन्टी इन्टरनेसनल क्रिकेट एकेडेमीमा भएको खेलमा पाकिस्तानले क्यानाडाविरुद्ध १ सय ७ रनको लक्ष्य ३ विकेटको नोक्सानीमा १५ बल बाँकी रहँदा नै पूरा गरेको थियो ।

टस हारेर ब्याटिङ गरेको क्यानाडाले निर्धारित २० ओभरमा ७ विकेट गुमाउँदै १ सय ६ रन बनाएको थियो ।

प्रतियोगिता अन्तरगत बुधबार राति भारत र अमेरिकाबीच एकआपसमा भिड्ने छन् ।