कोलोराडोखबर संवाददाता
अमेरिका । अमेरिकाको फ्लोरिडा फर्ट लडरहिलस्थित सेन्ट्रल ब्रोवार्ड क्रिकेट स्टेडियममा आज हुने भनिएको आईसीसी टी–२० विश्वकप अन्तर्गत नेपाल र श्रीलंकाबीचको खेल रद्द भएको छ ।
वर्षाका कारण खेल रद्द भएको हो । खेल रद्द भएसंगै नेपाल र श्रीलंकाले १-१ अंक बाँडेका छन् ।
यसअघि नेपाल नेदरल्याण्डसँग पराजीत भएको थियो भने श्रीलंकाले दुई खेल हारेको थियो । आजको खेल हेर्न हजार नेपालीहरु झण्डा र नेपाली क्रिकेट टिमको जर्सीसहित मैदानमा उपस्थित भएका थिए ।
यो नतिजापछि श्रीलंका समूह चरणबाटै बाहिरिने लगभग निश्चित भएको छ । श्रीलंका पहिलो दुई खेलमा क्रमशः दक्षिण अफ्रिका र बंगलादेशसँग पराजित भएको थियो ।
अमेरिका र वेस्ट इन्डिजमा टी–२० विश्वकप क्रिकेट जारी छ । नेपाली टोली भोलि वेस्ट इन्डिज प्रस्थान गर्नेछ । नेपालले क्यारेबियनको सेन्ट भिन्सेन्टमा जुन १४ मा दक्षिण अफ्रिका र जुन १६ मा बंगलादेशसँग खेल्ने छ ।
प्रतिक्रिया दिनुहोस्