कोलोराडोमा आइतबार साहित्यकार विश्वकर्माको उपन्यास ‘पाताल’ को गृह लोकार्पण हुँदै

कोलोराडो । अन्तर्राष्ट्रिय नेपाली साहित्य समाज (अनेसास) कोलोराडो शाखाको आयोजनामा साहित्यकार पदम विश्वकर्माको उपन्यास ‘पाताल’ को गृह लोकार्पण तथा पुस्तक चर्चा कार्यक्रम हुने भएको छ ।

मे १९ आइतबार दिनको १ः३० बजे कोलोराडो स्थित नेपाली सांस्कृतिक केन्द्र (नेपाली घर) मा उक्त कार्यक्रम आयोजना गरिएको हो ।

उक्त कार्यक्रममा उपस्थित भईदिनु हुन कोलोराडोस्थित अनेसासका आजीवन र ट्रस्टी सदस्यहरु, सम्पूर्ण संघसंस्थाका पदाधिकारीहरु तथा कोलोराडोवासी सम्पूर्ण दाजुभाइ दिदीबहिनीहरुमा आमन्त्रण गरिएको अनेसास कोलोराडो शाखाका अध्यक्ष राजु सिटौलाले जानकारी दिनु भयो ।

कोलोराडो निवासी साहित्यकार विश्वकर्मा अनेसास बोर्ड अफ ट्रष्टीका सभापति हुन् ।