मुम्बईलाई हराउँदै प्लेअफमा पुग्यो कोलकता

नेपाल । भारतमा जारी इंडियन प्रिमियर लिग (आईपीएलमा) मा शनिबारको खेलमा कोलकता नाइट राइडर्सले मुम्बई इन्डियन्सलाई १८ रनले पराजित गरेको छ । यो जीतसँगै कोलकता प्लेअफमा पुग्ने पहिलो टोली बनेको छ ।

वर्षाले प्रभावित खेलमा कोलकताले मुम्बईविरुद्ध १८ रनको जित दर्ता गर्दै प्लेअफमा आफ्नो स्थान पक्का गरेको हो । वर्षाका कारण १६ ओभरमा घटाइएको खेलमा टस हारेर पहिले ब्याटिङ गरेको कोलकताले निर्धारित १६ ओभरमा ७ विकेटको क्षतिमा १५७ रन बनाएको थियो ।

१५८ रनको जवाफी ब्याटिङ गरेको मुम्बईले १६ ओभरमा ८ विकेटको क्षतिमा १३९ रन मात्र बनाउन सक्यो ।

आईपीएलमा आइतबार चेन्नाई सुपर किंग्स र राजस्थान रोयल्स तथा रोयल च्यालेनजर्स बैंग्लौर र दिल्ली क्यापिटल्स भिड्ने छन् ।