अमेरिकाको बोस्टनमा पनि खेलियो देउसी भैलो

अमेरिका । अमेरिकाको मासाच्युसेट्स राज्यको बोस्टनमा पशुपतिनाथ बुद्ध फाउण्डेशन अफ न्यू इंग्ल्याण्ड (प्याब्फोन) द्वारा ‘देउसी भैलो’ कार्यक्रम सम्पन्न गरिएको छ ।

गत सोमवार साँझ आफ्नै भवनमा रहेको पशुपतिनाथ बुद्ध मन्दिरको प्राङ्गणमा कार्यक्रम सम्पन्न भएको हो ।

धार्मिक, सांस्कृतिक, रीतिरिवाज, परम्परा, नेपालीपन तथा पहिचानको संरक्षण, संवर्धन, प्रवर्धन तथा पुस्ता हस्तान्तरण गर्ने र मन्दिर तथा सामुदायिक भवनलाई नियमितरुपमा प्रभावकारी ढङ्गबाट सञ्चालन गर्न आवश्यक पर्ने आर्थिक सहयोग जुटाउने कार्यक्रमको मुख्य उद्देश्य रहेको थियो ।

कार्यक्रममा ‘बोस्टन सुसेली समूह’का चर्चित कलाकारहरुदेखि उदयमान स्थानीय कलाकारहरु समेतको बेजोड प्रस्तुति रहेको थियो ।