भाषा पाठशालाको सहयोगार्थ च्यारिटी शोः कलाकारहरुको प्रस्तुतीमा झुमे कोलोराडोवासी

कोलोराडो । नेपाली भाषा पाठशालाको सहयोगार्थ अमेरिकाको कोलोराडोमा च्यारिटी शो सम्पन्न भएको छ ।

कोशेली कोलोराडोको प्रस्तुती सो कार्यक्रम नोभेम्बर १० तारिकका दिन साँभल डेनभर साउथ हाई स्कूलमा सम्पन्न भएको हो ।

उक्त कार्यक्रममा चर्चित गायक/संगीतकार न्हयू बज्राचार्य, कालिप्रसाद बास्कोटा र चर्चित गायिका इन्द्रिरा जोशीले आ–आफ्नो प्रस्तुति दिएका थिए ।

गायक/गायिकाको प्रस्तुतीबाट कार्यक्रममा उपस्थितहरुले भरपूर मनोरञ्जन प्राप्त गरेका थिए ।

अन्तर्राष्ट्रिय नेपाली साहित्य समाज (अनेसास) कोलोराडो शाखा, एनआरएनए कोलोराडो, सिस्टर्स ग्रुप अफ कोलोराडो, र टुकी इभेन्टसको संयुक्त आयोजनामा उक्त कार्यक्रम भएको हो ।

सो कार्यक्रममार्फत नेपाली भाषा पाठशाला सञ्चालनको लागि आर्थिक सहयोग गर्ने उद्देश्यले कार्यक्रम आयोजना गरिएको अनेसास कोलोराडो शाखाका अध्यक्ष राजु सिटौलाले जानकारी दिए ।

नेपाल भाषा पाठशाला हाल २ स्थानमा सञ्चालन गरिएको र आगामी वर्ष थप १ स्थानमा बिस्तार गरिने अध्यक्ष सिटौलाले बताए ।