कोलोराडोखबर संवाददाता
कोलोराडो । नेपाली नयाँ वर्ष २०८१ को उपलक्ष्यमा अमेरिकाको कोलोराडोमा शनिबार साँझ आयोजित शुभकामना सांस्कृतिक साँझ कार्यक्रमको तयारी पूरा भएको छ ।
शुभकामना सांझ कार्यक्रम अप्रिल १३, २०२४ शनिबार सांझ ६ बजेदेखी राती ९ः३० बजेसम्म नेपाली सांस्कृतिक केन्द्र नेपाली घरमा आयोजना हुन लागेको हो ।
कोलोराडो निवासी नेपाली भाषीहरूको साझा संस्था रक्की माउन्टेन फ्रेन्ड्स अफ नेपालको आयोजनामा नेपाली नयाँ वर्ष २०८१ को उपलक्ष्यमा नेपाली कला संस्कृतीको जगेर्ना गर्न तथा समाजमा सद्भाव कायम राख्न बिशेष शुभकामना आदान प्रदान तथा मनोरन्जनात्मक कार्यक्रम आयोजना गर्न लागिएको हो ।
लोकप्रिय गायक रबि ओडको बिशेष आतिथ्यमा स्थानीय सुपरिचित तथा चर्चित कलाकारहरुको सहभागितामा बिशेष मनोरन्जनात्मक तथा शुभकामना साँझ कार्यक्रमको आयोजना गरिन लागिएको रकी माउन्टेन फ्रेन्ड्स अफ नेपालका अध्यक्ष अर्जुन बगालेले बताएका छन् ।
प्रवासमा नेपाली भाषा संस्कृतीको पहिचान गराउने यस्तो कार्यक्रममा कोलोराडोमा सकृय सबै संघ संस्थाका पदाधिकारी, गन्यमान्य, बुद्दीजिवी, ब्यवसायी, समाजसेवी, कलाकार, पत्रकार तथा नेपाली भाषी बाआमा दाजुभाइ, दिदीबहिनी सबैलाइ कार्यक्रममा उपस्थित भइ भब्य र सभ्य तरिकाबाट सफलतापूर्वक सम्पन्न गर्न सहयोग गरिदिनु हुन अध्यक्ष बगालेले सबैजनामा हार्दिक अपिल गरेका छन् ।
प्रतिक्रिया दिनुहोस्