कोलोराडोखबर संवाददाता
नेपाल । ललितपुरको ढोलाहिटीमा होलीको दिन छुरा प्रहर गरी २ जनाको हत्या गर्ने चारजनालाई प्रहरीले पक्राउ गरी मंगलबार सार्वजनिक गरेको छ । १ जना अझै फरार रहेको प्रहरीको भनाई छ ।
घटनामा संलग्न रहेको आरोपमा ललितपुर महानगर–२६ जैनखेल बस्ने होटल डिप्रस्पाइनका सञ्चालक ३१ वर्षीय विजय राई, ललितपुर–१५ खुमलटार बस्ने होटलकै अर्का सञ्चालक ३० वर्षीय सुलभ राई, ललितपुर–२६ जैनखेल बस्ने ३८ वर्षीय विशाल हाड मुकारुङ राई र ललितपुर महालक्ष्मी नगरपालिका–६ सानागाउँ बस्ने वर्ष २५ को छेविहाङ राई पक्राउ परेका छन् ।
अर्का एक पाजु गुरुङ अझै फरार रहेको प्रहरीले पत्रकार सम्मललनमा बतायो । उनको खोजी भइरहेको र पक्राउ परेकाहरुको अनुसन्धान भइरहेको छ ।
होली खेल्ने क्रममा झडप हुँदा ललितपुरको ढोलाहिटीमा दुईजनाको मृत्यु
प्रतिक्रिया दिनुहोस्