कोलोराडोखबर संवाददाता
कोलोराडो । अमेरिकाको क्यालिफोर्निया राज्यको सानफ्रान्सिस्कोमा अप्रिल १२, १३ र १४ मा दुई महत्वपूर्ण कार्यक्रम हुने भएको छ ।
गैर आवासीय नेपाली संघ (एनआरएनए), राष्ट्रिय समन्वय परिषद् अमेरिका, क्यालिफोर्निया च्याप्टर, नेपाल आदिवासी जनजाती महासंघ, क्यालिफोर्नियाको लगायत सानफ्रान्सिस्कोमा सक्रिय संघसंस्थाहरुको संयुक्त आयोजनामा अप्रिल १२ र १३ मा भलिवल प्रतियोगिता आयोजना गरिएको छ ।
त्यस्तै भलिवल प्रतियोगित सँगै अप्रिल १४ गते नेपाल डे समेत मनाईने र सो अवसरमा नेपाली कला संस्कृति झल्कने झाँकीसहित परेडको आयोजना गरिने एनआरएनए क्यालिफोर्निया च्याप्टर अध्यक्ष हरी ओझाले जानकारी दिनु भयो ।
स्थानीय मार्केट स्ट्रिटमा नेपाली कला संस्कृति झल्कने झाँकी प्रदर्शन र कल्चरल इभेन्टसमेत हुने छ ।
सोही अवसरमा भलिवल प्रतियोगितामा प्रथम हुने समूहलाई १२ हजार, दोस्रो हुने समूहलाई ७ हजार, तेस्रो हुने समूहलाई ५ हजार र चौथो हुने समूहलाई २ हजार डलर नगदसहित पुरस्कारको व्यवस्था गरिएको जनजाती महासंघ क्यालिफोर्नियाका अध्यक्ष प्रकाश लामाले जानकारी दिनु भयो ।
उक्त प्रतियोगितामा सहभागी हुन चाहने टोलीलाई दर्ता गर्न आग्रह गरिएको छ । दर्ता शुल्क ५ सय राखिएको छ । उक्त प्रतियोगितामा क्यानडाबाट पनि टोली आउने अपेक्षा राखिएको छ । कम्तमिा १५ टोलीले सहभागिता जनाउने आशा रहेको एनआरएनए क्यालिफोर्निया च्याप्टरका अध्यक्ष हरि ओझाले जानकारी दिनु भयो ।
प्रतिक्रिया दिनुहोस्