अमेरिकाको कोलोराडोमा मार्च २४ मा होली पर्व मनाईँदै

कोलोराडो । अमेरिकाको कोलोराडोमा मार्च २४ आइतबारका दिन फागु पूर्णिमा अर्थात होली पर्व हर्षोल्लासका साथ मनाइने भएको छ ।

नेपाली कल्चर सेन्टर (नेपाली घर) को आयोजनामा दिउँसो १ बजेदेखि ४ बजेसम्म रंगहरुको पर्व होली मनाइन लागेको नेपाल घरका अध्यक्ष जगदीशचन्द्र ढकालले जानकारी दिनु भयो ।

कोलोराडोबासी नेपालीभाषीहरूको साझा संस्था नेपाली घरले सबै नेपालीभाषी दाजु,भाई, दिदीबैनीहरुको उपस्थितीमा नेपालीहरूको सांस्कृतिक पर्ब होली (फागु पूर्णिमा) हरेक वर्ष धूमधामका साथ मनाउॅदै आएको छ ।

‘नेपाली सॅस्कृतीको जगेर्ना गर्न, सामाजिक सदभाव क़ायम गर्न, एक आपसमा सम्बन्ध, सहयोग, र ऐक्यबद्ता अभिवृद्धि गर्दै हाम्रा सन्ततिलाई हाम्रो सँस्कृती , रीती रिवाज र परम्परा बोध गराउन नेपालीघरले होली कार्यक्रम संचालन गर्दैआएको हो ।’, अध्यक्ष ढकालले उल्लेख गर्नु भयो ।

होली (फागु पूर्णिमा) पर्वलाई यसवर्ष पनि हर्षोल्लासपूर्बक मनाउन लागिएको हुँदा कार्यक्रममा आफु र आफ्ना परिवारका सदस्य, नातेदार, ईस्टमित्रसहित उपस्थित भईदिनु हुनका लागी नेपाली घरले हार्दिक अनुरोध गरेको छ ।