गजल

–लक्ष्मण आचार्य–

कसैलाई मिठो मिठो कसैलाई खाना छैन ।
कसैको छ महल यहाँ कतै ओत छाना छैन ।

विभेद यो कति धेरै देखिन्छ नि संसारमा
मखमल छ कतै पोशाक कतै लाउने नाना छैन ।

निर्धा अनि निमुखा नै झ्यालखानामा पर्छ हजुर
ठूलालाई ऐन कानुन थुन्नलाई ठाना छैन ।

कतै सड्छ अन्न रास भोकभोकै कोही कतै
टन्न कतै भकारीमा कतै एक दाना छैन ।

उदाउला कहिले यहाँ न्यानो घाम हाम्रा लागि
कहिले भन्ने संसारमा कोही ठूला साना छैन ।

–चन्द्रपुर, रौतहट ।