कोलोराडोखबर संवाददाता
अमेरिका । अमेरिकाको डिसी महानगर क्षेत्रमा दोश्रो रुप स्मृति एभरेस्ट कप क्रिकेट प्रतियोगिता २०२४ को आयोजना गरिने भएको छ । प्रतियोगिता मे २५ देखि २७ सम्म सञ्चालन गरिने छ ।
एनआरएनए एनसीसी (यूएसए) तथा एभरेस्ट लायन्स फ्रेन्डसिप एसोसिएसनले सयुक्त रुपमा दोश्रो रुप स्मृति एभरेस्ट कप क्रिकेट प्रतियोगिताको आयोजना गर्न लागिएको हो ।
डिसी महानगर क्षेत्रको भर्जिनिया राज्यको मनाससमा प्रतियोगिताको आयोजना गरिने छ । यस प्रतियोगितामा भाग लिने क्रिकेट टोलीले दर्ता शुल्क ८०० डलर बुझाउनु पर्नेछ ।
टिम दर्ता मिति फेब्रुअरी २८ सम्म छ, कूल १२ वटा खेल टोलीले सहभागिता जनाउन पाउने छन । प्रतियोगितामा प्रथम हुनेलाई ५ हजार डलर तथा द्वितीय हुनेलाई ३ हजार डलर पुरस्कार दिईने आयोजक ले जनाएका छन् ।
प्रतिक्रिया दिनुहोस्