कोलोराडोखबर संवाददाता
नेपाल । गृहमन्त्री रमेश लेखकले राजावादीका नाममा गत चैत १४ गते शुक्रबार तीनकुनेमा भएको हिंसात्मक घटना छानबिनका लागि न्यायिक आयोग गठन नहुने बताउनुभएको छ ।
शुक्रबार प्रतिनिधि सभाको राज्य व्यवस्था तथा सुशासन समितिमा सत्तापक्ष र प्रतिपक्षका सांसदसमेतले छानबिन आयोग गठनको माग गरेका थिए । तर, मन्त्री लेखकले आपराधिक घटनालाई राजनीतिक आवरण दिन आयोग गठन हुन नसक्ने बताउनुभयो । नियमित प्रक्रियाबाटै घटना छानबिन हुने मन्त्री लेखकको भनाइ थियो ।
समितिमा मन्त्री लेखकले आपराधिक घटनालाई अन्य अपराध सरहकै व्यवहार सरकारले गर्ने बताउनुभयो ।
प्रतिक्रिया दिनुहोस्