कोलोराडोखबर संवाददाता
अमेरिका । सन् २०२५ को मार्च महिनामा एक लाख २१ हजार पर्यटकले नेपाल भ्रमण गरेका छन् । नेपाल पर्यटन बोर्डका अनुसार यस महिना एक लाख २१ हजार ६८७ पर्यटक नेपाल भित्रिएका हुन् ।
सन् २०२५ को मार्चमा सबैभन्दा बढी भारतीय पर्यटक नेपाल आएका छन् । भारतबाट २१ हजार ४१२ जना नेपाल भ्रमणका लागि आएका हुन् । यस अवधिमा चीनबाट ११ हजार ४४३ जना आएका छन् भने अमेरिकाबाट ११ हजार ९२ जना पर्यटकले नेपाल भ्रमण गरेको पर्यटन बोर्डले जनाएको छ ।
त्यस्तै, थाइल्याण्डबाट ४ हजार ९८६ जना आउँदा बेलायतबाट ५ हजार ९९५ जना पर्यटकले नेपाल भ्रमण गरेका छन् । यस्तै, बंगलादेशबाट ३ हजार ५७६ जना पर्यटक नेपाल आउँदा श्रीलंकाबाट ८ हजार ८८६ र अष्ट्रेलियाबाट ४ हजार २२८ जना पर्यटक आएका छन् ।
यस महिना म्यानमारबाट ३ हजार ७५४ पर्यटकले नेपाल भ्रमण गरेको पर्यटन बोर्डले जनाएको छ ।
सन् २०२४ को मार्चमा एक लाख २८ हजार १६७ पर्यटक नेपाल भित्रिएका थिए । त्यस्तै, पर्यटक आगमनको यस्तो संख्या सन् २०२३ को मार्चमा ९९ हजार ४२६ रहेको थियो ।
प्रतिक्रिया दिनुहोस्