कोलोराडोखबर संवाददाता
नेपाल । नेपाली लेखक संघको अध्यक्षमा वियोगी बुढाथोकी निर्वाचित भएका छन् । लुम्बिनीमा भएको संघको आठौं अधिवेशनमा अध्यक्ष, सहअध्यक्ष र महासचिव पदमा निर्वाचन भएको थियो ।
४५ सदस्यीय कार्यसमितिमा अन्य पदमा भने सर्वसम्मत चयन गरिएको थियो । अध्यक्षमा निर्वाचित वियोगीले ११५ मत पाएका थिए भने पराजित डा. रत्नमणि नेपालले ५९ मत पाए । सहअध्यक्षमा निर्वाचित मनोज न्यौपानले १०२ र पराजित डा. शैलेन्द्र प्रकाश नेपालले ६९ मत ल्याए ।
महासचिवमा सोझो गाउँले निर्वाचित भए भने प्रकाश विमिल पराजित भए । गाउँलेको पक्षमा १२६ मत आएको थियो भने विमिलले ४९ मत ल्याए ।
संघको उपाध्यक्षमा दामु मर्सिफुल, डा ईश्वरमणि अधिकारी, डा. विष्णु केसी र डा. शशि थापा पण्डित, कोषाध्यक्षमा विसुकुमार केसी, उपमहासचिवमा नारायण सापकोटा, सचिवमा निर्मल ढुङ्गाना, डा. लोकेन्द्रबहादुर खड्का, मिलन समीर र निर्मला कोइराला निर्वाचित भएको निर्वाचन संयोजक धर्मेन्द्र नेम्वाङले बताए ।
नेपाली कांग्रेसको शुभेच्छुक संस्था नेपाली लेखक संघको अधिवेशनलाई पार्टी सभापति शेरबहादुर देउवाले शनिबार उद्धघाटन गरेका थिए ।
प्रतिक्रिया दिनुहोस्