कोलोराडोखबर संवाददाता
नेपाल । अखिल नेपाल फुटबल संघ (एन्फा) ले पूर्वअध्यक्ष गणेश थापालाई कारबाही गर्न फिफादेखि विभिन्न निकायमा पत्राचार गर्ने निर्णय गरेको छ ।
एन्फाको मङ्गलबार सम्पन्न कार्यसमिति बैठकले फिफाबाट भष्ट्राचार अभियोगमा १० वर्ष प्रतिबन्धमा पर्नुभएका पूर्वअध्यक्ष थापाले फिफाको निर्देशन उल्लङ्घन गरेको र फुटबलको हितविपरित अन्य गतिविधि गर्दै आएको भन्दै छानबिन गरि कारबाही गर्नका लागि फिफासँगै एसियन फुटबल महासंघ(एएफसी) अख्तियार दुरुपयोग अनुसन्धान आयोग, नेपाल प्रहरी तथा संघको न्यायिक निकायहरुमा आवश्यकता अनुसार पत्राचार गर्ने निर्णय गरेको हो ।
यस्तै एन्फा बैठकले आगामी वर्ष २०८१–२०८२ को अनुमानित बजेट एक अर्ब ५६ करोड ३२ लाख हुने निर्णय गरेको छ । उक्त निर्णय एन्फाको आगामी वैशाख २६ गते हुने साधारण सभामा पेश गर्ने निर्णय गरेको छ ।
प्रतिक्रिया दिनुहोस्