विद्युत प्राधिकरणको नयाँ कार्यकारी निर्देशकका रूपमा हितेन्द्रदेव शाक्य नियुक्त

नेपाल । सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई पदमुक्त गर्दै नयाँ कार्यकारी निर्देशकका रूपमा हितेन्द्रदेव शाक्यलाई नियुक्त गरेको छ ।

शाक्य लामो समयदेखि प्रसारण लाइनको गुरुयोजना, विद्युत् माग प्रक्षेपणका काममा सक्रिय हुनुहुन्थ्यो । उनी यसअघि पनि कार्यकारी निर्देशक भएका थिए र तर काम गर्न भने पाएनन् । उनलाई हटाएर तत्कालीन प्रचण्ड सरकारले घिसिङलाई दोस्रो कार्यकालका लागि कार्यकारी निर्देशक बनाएको थियो ।

गत पुस २८ मा घिसिङले बुझाएको स्पष्टीकरण चित्त नबुझेको भन्दै ऊर्जा, जलस्रोत तथा सिँचाइमन्त्री दीपक खड्काले गत फागुन १३ गते मन्त्रीस्तरीय निर्णयबाट नेपाल विद्युत् प्राधिकरणको कार्यकारी निर्देशकको पदबाट किन नहटाउने भन्दै दुईबुँदे स्पष्टीकरण सोध्नुभएको थियो ।

कार्यकारी निर्देशक घिसिङको आगामी साउनमा कार्यकाल सकिनुअघि नै सोमबारको मन्त्रीपरिषद्को बैठकको निर्णयबाट हटाएको हो ।