कोलोराडोखबर संवाददाता
अमेरिका । ब्लड डोनर्स अफ अमेरिकाको पाँचौं अधिवेशन जुलाई १९-२० मा बोस्टनमा हुने भएको छ ।
अमेरिकाको विभिन्न राज्यमा २२ वटा शाखा भएको उक्त संस्थाको अधिवेशनलाई भव्यताका साथ सम्पन्न गर्ने तयारी भइरहेको छ ।
सोही अवसरमा अनेसास बोस्टन च्याप्टर र बीडीए म्यासाचुसेट्स च्याप्टरको सहआयोजनामा ‘गजल उत्सव–६’ को पनि आयोजना हुँदैछ । कार्यक्रम स्थानीय नेपाली कम्युनिटी सेन्टरमा हुँदैछ ।
कार्यक्रमलाई भव्यताका सम्पन्न गर्न आयोजक समितिले सबैको साथ, सहयोग र सहभागिताको अपेक्षा गरेको छ । बीडीएका अध्यक्ष भुषणलाल श्रेष्ठले कार्यक्रमलाई भव्यताका साथ सफल गराउन सबैसँग अनुरोध गर्नु भएको छ ।
उक्त अधिवेशनले बीडीएको नयाँ कार्यसमिति पनि चयन गर्नेछ । बीडीएको पाँचौं अधिवेशनको मिडिया पार्टनरमा कोलोराडो खबर डटकम रहेको छ ।
प्रतिक्रिया दिनुहोस्