कोलोराडोखबर संवाददाता
अमेरिका । अष्ट्रेलियालाई हराउँदै भारत आइसीसी च्याम्पियन्स ट्रफीको फाइनलमा प्रवेश गरेको छ ।
युएईको दुबई अन्तर्राष्ट्रिय क्रिकेट रंगशालामा भएको पहिलो सेमिफाइनलमा अष्ट्रेलियालाई ४ विकेटले पराजित गर्दै उपाधी भिडन्त पक्का गरेको हो ।
अष्ट्रेलियाले दिएको २६५ रनको लक्ष्य भारतले ४८ ओभर १ बलमा ६ विकेट गुमाएर पूरा गर्यो । भारतका लागि विराट कोहलीले सर्वाधिक ८४ रन बनाए । उनले श्रेयस ऐयरसंग मिलेर तेस्रो विकेटका लागि ९१ रनको साझेदारी गरेका थिए । श्रेयस ४५ रन बनाएर आउट भए ।
केएल राहुल ४२ रनमा अविजित रहे । हार्दिक पाण्ड्या २८, अक्षर पटेल २७ र कप्तान रोहित शर्मा २८ रन जोडेर आउट भए । बलिङमा अष्ट्रेलियाका नाथन एलिस र एडम जाम्पाले २–२ विकेट लिए ।
त्यसअघि टस जितेर पहिला ब्याटिङ गरेको अष्ट्रेलिया ४९ ओभर ३ बलमा २६४ रनमा समेटिएको थियो । अष्ट्रेलियाका लागि कप्तान स्टेभ स्मिथले सर्वाधिक ७३ रन बनाए । एलेक्स क्यारीले ६१, ओपनर ट्राभिस हेडले ३९ र मार्नस लबुसेनले २९ रनको योगदान दिए ।
भारतले अब दक्षिण अफ्रिकान्र न्युजिल्यान्डबीचको विजेतासंग फाइनल खेल्नेछ । फाइनल खेल युएईमा हुनेछ ।
प्रतिक्रिया दिनुहोस्