नेपाल सरकारद्वारा नयाँ आर्थिक वर्षको बजेट लेखन समिति गठन

नेपाल । नेपाल सरकारले नयाँ आर्थिक वर्षको बजेटको तयारी शुरु गरेको छ । आगामी बजेट लेखनका लागि अर्थ मन्त्रालयले बजेट लेखन समिति गठन गरेको हो ।

समितिका संयोजकमा बजेट महाशाखा प्रमुख श्रीकृष्ण नेपाल हुनुहुन्छ ।

सदस्यहरूमा वैदेशिक महाशाखा प्रमुख धनीराम शर्मा, राजस्व महाशाखा प्रमुख उत्तरकुमार खत्री, प्रशासन महाशाखा प्रमुख थानप्रसाद पङ्गेनी, आन्तरिक राजस्व विभागका उपमहानिर्देशक तीर्थ चिलुवाल र सहमहालेखा नियन्त्रक सुशीला अर्याल रहेको मन्त्रालयले जनाएको छ ।