कोलोराडोखबर संवाददाता
कोलोराडो । तमु धीं कोलोराडोले गत शनिवार फरवरी २२ तारिखका दिन नवनिर्वाचित अध्यक्ष सन्तोष गुरुङको पदभार तथा शुभकामना कार्यक्रम बोल्डर स्थित काठमाण्डू रेष्टुरेन्टमा सम्पन्न भएको छ ।
उक्त कार्यक्रममा तमु धीं कोलोराडोका अभिभावक तथा संस्थापक सदस्य पूर्ण हादुर गुरुङ, संस्थापक अध्यक्ष अरुण गुरुङ, पूर्वअध्यक्षद्वय चन्द्रमान गुरुङ, जीत हादुर गुरुङ, कार्य समितिका सदस्यहरू लगायत सदस्यहरूको उपस्थिति रहेको थियो ।
सो कार्यक्रम जनसम्पर्क प्रतिनिधि प्रकाशजंग गुरुङको अध्यक्षतामा भएको थियो । कार्यकममा नव नियुक्त अध्यक्षलाई स्वागत गर्दै नव निर्वाचित आयोगको संयोजक पूर्णबहादुर गुरुङले निर्वाचनको प्रक्रिया र परिणाम बारे सभालाई जानकारी दिनु भएको थियो ।
त्यसैगरी संस्थापक अध्यक्ष अरुण गुरुङ, पूर्वअध्यक्ष चन्द्र न गुरुङ, जीतबहादुर गुरुङ, सदस्य सरिता गुरुङ र धनराज गुरुङले शुभकामना मन्तव्य दिनु भएको थियो । निर्वाचित अध्यक्षले सम्बोधन गर्दै तमु धींपरिवारलाई एकजुट भएर अगाडि बढ्न आह्वान गर्दै म होईन हामी भनेर तमुहरूको पहिचान, परम्परा, भाषा, भेषभुषा, संस्कृति र संस्कारलाई विदेशी भुमिमा जोगाउन सबैलाई आग्रह गर्नु भयो ।
यसअघि गत जनवरी १३ तारिख अध्यक्ष जीतबहादुर गुरुङले राजीनामा दिनु भए पछि रित्त हुन आएको अध्यक्ष पदको लागि फरवरी १२ तारिख चुनाव गरिएको थियो । सन्तोष गुरुङको मात्र उमेदवारी परेको हुनाले अध्यक्षमा निर्विरोध निर्वाचित हुनु भएको हो ।
नव नियुक्त अध्यक्ष सन्तोष गुरुङ पुर्ख्यौली घर कास्की जिल्ला मादी गाविस ताँङतिङ हो ।
त्यसैगरी तमु धीं कोलोराडोको वर्तमान कार्य समितिबाट उपाध्यक्ष पुष्पा गुरुङ, सचिव दिपा गुरुङ र कोषाध्यक्ष कमला गुरुङले पनि राजीनामा दिई सकेको हुनाले रिक्त हुन आएको बाँकी पदहरूमा फेरबदल गरी विशेष कार्य समितिको निर्णय अनुसार उपाध्यक्षमा लिलाजंग गुरुङ, सचिवमा प्रकाशजंग गुरुङ, कोषाध्यक्षमा रोशनी गुरुङ र जन सम्पर्क प्रतिनिधि सरिता गुरुङलाई सोही दिन पदस्थापन गरिएको छ ।
प्रतिक्रिया दिनुहोस्